شينجياڭ 5 ميلليون 430 مىڭ تال اتكەزشىلىك ەتكەن تەمەكىنى ورتەدى

10 – ايدىڭ 12 – كۇنى، شينجياڭ اتكەزشىلىككە سوققى بەرۋدى جان ـ جاقتى جونگە سالۋ بىرىككەن ءماجىلىس كەڭسەسى كوپتەگەن تاراۋلارمەن بىرلەسىپ، ۇرىمجىدە ايىپ سالۋ، ءمۇسادىرالاۋ، اتكەزشىلىك ەتىلگەن تەمەكى ونىمدەرىن شوعىرلى جويۋ جانە اتكەزشىلىككە قارسى زاڭ جالپىلاستىرۋ ۇگىت قيمىلىن ورىستەتتى.

وسى رەتكى زالالسىزداندىرىپ شوعىرلى ورتەۋدە جيىنى 5 ميلليون 430 مىڭ تال اتكەزشىلىك ەتىلگەن وراۋلى تەمەكى، 5 مىڭ 347 تال زاڭسىز ەلەكتروندىق تەمەكى، 2.7 توننا تەمەكى تالشىعى ورتەلدى، مۇندا ورتانى قورعاۋ، جىلۋمەن ىدىراتۋ، گازداندىرىپ ورتەۋ تەحنولوگياسى قولدانىلىپ، ەكىنشى رەتكى لاستانۋ بولمادى.

شينجياڭ ”اتكەزشىلەردى قۋعىنداۋ + قوعام حاۋىپسىزدىگى + تەمەكى باسقارۋ تاراۋى“ ءۇش جاق ءبىر تۇلعالانعان قىزمەت مەحانيزمىن ورناتىپ، ”قاينارىن تازالاپ، تىزبەگىن ءۇزۋ“ ارناۋلى قيمىلىن ورىستەتىپ، شەكارا، سۋ جولدارى ارقىلى الىپ – ساتارلىق ىستەۋشىلەر قاتارلى ءتۇرلى تەمەكى اتكەزشىلىگىنە سوققى بەردى. بيىل 12 دەلو تۇرعىزىلىپ، دەلو قۇنى 38 ميلليون 468 مىڭ 400 يۋان بولىپ، ۇرلانعان باجى سوماسى 26 ميلليون 51 مىڭ 700 يۋان بولعان.

قيمىل جاڭا اقپارات قۇرالدارىنىڭ زاڭدى جالپىلاستىرۋ قىسقا كەسكىنى، ناق مايداندا جويۋ بارىسىن تىكە تاراتۋ ارقىلى كوپتەگەن نەگىزگى اقپارات قۇرالدارىمەن بىرلەسىپ ۇگىت جۇرگىزىپ، قاتاڭ تەكسەرۋ، قاتاڭ سوققى بەرۋ بەكىمىن جەتكىزدى.

كەلۋ قاينارى: حالىق تورابى