- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىز قۇمالاق ويىنى ەرەجەسى
2015.10.12 15:08 كەلۋ قاينارى : شينجياڭ گازەتى
توعىز قۇمالاق ويىنى ارنايى تاقتادا 2 ادام اراسىندا وينالادى. ويىن تاقتاسى 2 قازان، 18 وتاۋ، 162 قۇمالاقتان قۇرالادى. ويىن باسىندا ءار ويىنشىعا ءبىر قازان، توعىز وتاۋعا توعىز - توعىزدان سالىنعان 81 قۇمالاق تيەدى.
العاشقى ءجۇرىس جاساعان ويىنشىنى − باستاۋشى، قارمىتا ءجۇرىس جاساعان ويىنشىنى − قوستاۋشى دەپ اتايدى. كەيدە باستاۋشى ءۇشىن اق جاعى، قوستاۋشى ءۇشىن قارا جاعى دەگەن تىركەستەردى دە قولدانامىز.
ءجۇرىس جاساۋ ەرەكشەلىكتەرى
ءجۇرىس ويىنشىلار تارابىمەن كەزەكتەسىپ جۇرىلەدى. ءجۇرىستى كىمنىڭ جاسايتىنى جەرەبەمەن نەمەسە قارسىلاستاردىڭ كەلىسىمىمەن انىقتالادى.
1.ءجۇرىس جاساۋ ءۇشىن ءوز جاعىنداعى وتاۋلاردىڭ بىرىنەن بىرەۋىن ورنىنا قالدىرىپ، قالعان قۇمالاقتاردى قولعا الىپ، سولدان وڭعا قاراي ءبىر - بىرلەپ تاراتامىز. تاراتۋ ساتىندە، قۇمالاقتار ءوز وتاۋلارىمىزدان اسىپ كەتەتىن بولسا، قارسىلاستىڭ وتاۋىنا تاراتامىز. ەگەر سوڭعى قۇمالاق قارسىلاستىڭ تاق ساندى قۇمالاعى بار وتاۋىنا ءتۇسىپ، ونداعى قۇمالاقتاردى جۇپ قىلسا (2، 4، 6، 8، 10، 12)، سول وتاۋداعى قۇمالاقتار ۇتىپ الىنىپ، ءوز قازانىمىزعا سالىنادى. ەگەر سوڭعى قۇمالاق قارسىلاستىڭ جۇپ ساندى قۇمالاعى بار وتاۋىنا ءتۇسىپ (3 قۇمالاقتان باسقا)، تاق قىلسا نەمەسە ءوز وتاۋىمىزعا تۇسسە، قۇمالاق ۇتىپ الىنبايدى.
2. وتاۋداعى جالعىز قۇمالاق كورشى وتاۋعا جۇرگەندە ورنى بوس قالادى.
3. ءجۇرىس جاساعان كەزدە وتاۋلارعا قۇمالاق سالماي نەمەسە 2 − 3 قۇمالاق ءبولىپ الىپ جۇرۋگە بولمايدى.
تۇزدىق الۋ ەرەجەسى
توعىز قۇمالاق ويىنىندا قۇمالاقتان باسقا ويىندا ءبىر رەت قارسىلاستىڭ وتاۋىن ۇتىپ الۋعا دا بولادى. ونى ەجەلدە «تۇزدى ءۇي»، قازىرگى تىلدە «تۇزدىق» دەپ اتايدى.
4. تۇزدىق الۋ ءۇشىن ءجۇرىس جاساعان كەزدە قارسىلاستىڭ 2 قۇمالاعى بار وتاۋىنا تاراتقان قۇمالاعىڭىزدىڭ سوڭعىسىن ءتۇسىرۋ كەرەك. سوندا سول وتاۋدا قالىپتاسقان 3 قۇمالاقپەن بىرگە وتاۋدا ۇتىپ الىنىپ، ويىننىڭ اياعىنا دەيىن ءسىزدىڭ مەنشىگىڭىزگە اينالادى.
ەندى ءجۇرىس جاساعان سايىن، تۇزدىق الىنعان وتاۋعا تۇسەتىن ءبىر قۇمالاق مىندەتتى تۇردە قازانىڭىزعا سالىنىپ وتىرادى.
تۇزدىق الىنعان وتاۋعا ارنايى بەلگى قويىلادى. جازباشا تۇردە x دەگەن شارتتى تاڭبامەن بەلگىلەنەدى. وسى جاعدايدا قوستاۋشى ويىنشى 7 - ءنومىرلى وتاۋدا 10 قۇمالاعىن تاراتۋ ارقىلى، سوڭعى قۇمالاعىن باستاۋشىنىڭ 7 - ءنومىرلى وتاۋىنا ءتۇسىرىپ، ونداعى 2 قۇمالاقتى ۇشەۋ ەتىپ، وسى قۇمالاقتاردى ۇتۋمەن قاتار، وسى وتاۋعا تۇزدىق جاريالايدى. ەندىگى كەزدە بۇكىل ويىن بارىسىندا 7 - ءنومىرلى وتاۋ − قوستاۋشىنىڭ مەنشىگىنە اينالادى.
5. تۇزدىق ويىندا ءبىر رەت الىنادى جانە 9 - ءنومىرلى وتاۋدان ەشقاشان الىنبايدى.
6. تۇزدىق اتتاس وتاۋلاردان الىنبايدى.
مىسالى: جوعارىداعى دياگرامماداعى جاعدايدا قوستاۋشى ويىنشى 7 - ءنومىرلى وتاۋدان تۇزدىق الادى، ەندى باستاۋشى ويىنشى ويىن بارىسىندا بۇل وتاۋدان تۇزدىق الۋعا قاقسى جوق.
«اتسىراۋ» ەرەجەسى
ويىن اياقتالۋعا جاقىنداعان سايىن ءار ويىنشىنىڭ وتاۋلارىنداعى قۇمالاق تاۋسىلا باستايدى. ءار قۇمالاق ۇتىپ الىنعان سايىن نەمەسە تۇزدىققا تۇسكەن سايىن قارسىلاستاردىڭ ءجۇرىس مولشەرى كەمي بەرەدى. سوندىقتان ويىن سوڭىندا قارسىلاستاردىڭ ءبىرىنىڭ وتاۋلارىندا ءجۇرىس جاساي المايتىن جاعداي دا كەزدەسەدى.
7. ويىنشىلاردىڭ ءبىرىنىڭ وتاۋلارىنداعى قۇمالاقتى الدىمەن تاۋىسىپ الىپ، ءجۇرىسسىز قالۋى − اتسىراۋ دەپ اتالادى.
8. اتسىراۋعا ۇشىراعان ويىنشىنىڭ قارسىلاسى بۇل جاعدايدا قوسىمشا ءبىر ءجۇرىس جاساپ، بارلىق قۇمالاقتاردى ءوز قازانىنا سالىپ الادى.
وسى تاقتاداعى جاعدايدا ءجۇرىس قوستاۋشىدان. ول 9 - ءنومىرلى وتاۋداعى 3 قۇمالاعىن تاراتادى.
ءوز كەزەگىندە باستاۋشى 1 - ءنومىرلى وتاۋعا تۇسكەن ءبىر قۇمالاقتى جۇرەدى. قوستاۋشى 9 - ءنومىرلى وتاۋداعى جالعىز قۇمالاقتى 1 - ءنومىرلى وتاۋعا سالادى.
باستاۋشى كەز كەلگەن وتاۋداعى قۇمالاقپەن، ماسەلەن، 6 - ءنومىرلى وتاۋداعى 2 قومالاقتىڭ ءبىرىن ورنىنا قالدىرىپ، ەكىنشىسىن 7 - ءنومىرلى وتاۋعا كوشىرەدى.
وسى جاعدايدا باستاۋشى وتاۋلارىنداعى بارلىق قۇمالاقتاردى (23 قۇمالاقتى) قازانىنا سالىپ، ويىننىڭ ەسەبىن جۇرگىزەدى. سوڭىندا 88 − 74 ەسەبىمەن باستاۋشى ۇتادى.
9. ەگەر «اتسىراۋ» جاعدايىندا قوسىمشا ءجۇرىس جۇرىلگەن كەزدە قۇمالاقتار امالسىزدان قارسىلاستىڭ وتاۋىنىڭ بىرىنە ءتۇسىپ ءجۇرىس بەرەتىن بولسا، ويىن ارى قاراي جالعاسا بەرەدى.
ەگەر ويىنشى ويىن بارىسىندا 82 قۇمالاق جيناسا ويىن بىردەن توقتالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
