شينجياڭ ايەلدەر باسكەتبول كومانداسى جارىسقا تولىق دايىندالدى

2015.10.12 13:40   كەلۋ قاينارى : ءتاڭىرتاۋ تورابى

　　11-قازاندا، شينجياڭ دەنەتاربيە ورتالىعىندا شينجياڭ ايەلدەر باسكەتبول كومانداسىنىڭ جاڭا جارىس ماۋسىمىنداعى جارىسقا اتتانۋ سالتى وتكىزىلدى، سونىمەن شينجياڭ تيانشان ايەلدەر باسكەتبول كلۋبى ۋوجياڭ باسكەتبول كومانداسىنداعى (قىسقارتىلىپ «شينجياڭ ايەلدەر باسكەتبول كومانداسى» دەپ الىنادى) بارلىق مۇشەلەرى تۇڭعىش رەت كوپشىلىكپەن جۇزدەستى. ولار 2015-2016 جىلعى جۇڭگو ايەلدەر باسكەتبول كاسىپتىك بىرلەسپە جارىسى (WCBA) جاڭا جارىس ماۋسىمنىڭ 16-قازاندا وتكىزىلەتىن تۇڭعىش جارىس مايدانىندا حيلۇڭجياڭ ايەلدەر باسكەتبول كومانداسىمەن جارىسادى.

　　شينجياڭ ايەلدەر باسكەتبول كومانداسى - ورتالىقتاعى باسشىلاردىڭ وسكەلەڭ ءمان بەرۋىندە، مەمىلەكەتتىك دەنەتابيە باس مەكەمەسى جانە باۋىرلاس ولكە، قالالار، اۆتونوميالى رايوندىق پارتكوم، ۇكىمەتتىڭ جانە بۇكىل شينجياڭداعى ءار ۇلت حالقىنىڭ كوڭىل ءبولۋى مەن قولداپ-قۋاتتاپ، كومەكتەسۋىنىڭ ارقاسىندا قۇرىلعان. حانزۋ ، حۇيزۋ ، ۇيعۇر قاتارلى ءۇش ۇلتتان قۇرالعان بۇل كوماندانىڭ باس جاتتىقىترۋشى جان شۋپيڭ كەزىندە مەملەكەتتىك ايەلدەر باسكەتبول كومانداسىنىڭ نەگىزگى كۇشى، 1992-جىلعى وليمپيادا ويىندارىنىڭ كۇمىس مەدالىنا يەگەرى. كوماندادان شەگىنەننەن كەيىن شىنياڭ اسكەري ءبولىم ايەلدەر باسكەتبول كومانداسىندا 20 جىلعا جۋىق جاتتىقتىرۋشى بولىپ، ءوزى باستاعان كوماندا كوپ رەت مەملەكەتتىك باس جۇلدەگە يە بولعان.