- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ تۇراقتى ءماجىلىسىن باسقارىپ اشتى
ماجىلىستە اكىمشىلىك رۇحساتتى تىڭنان بەلگىلەۋدى قاتاڭ تىزگىندەۋ شارالارىن جاريالاۋ ۇيعارىلدى
2013.08.22 15:31
باعالاۋ، ولشەمگە جەتكىزۋ، ماداقتاۋ، ساراپتاۋ نىسانىنان ءبىر توبى كۇشىنەن قالدىرىلدى.
ورتالىققا قاراستى كاسىپورىنداردى باقىلاۋ-تەكسەرۋ جاعدايىنان مالىمەت تىڭدالدى.
حالىق تورابىنىڭ 21-تامىزدا بىيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭ 21-تامىزدا مەملەكەتتىك كەڭەستىڭ تۇراقتى ءماجىلىسىن باسقارىپ اشتى، ماجىلىستە اكىمشىلىك رۇحساتتى تىڭنان بەلگىلەۋدى قاتاڭ تىزگىندەۋ شارالارىن جاريالاۋ جانە باعالاۋ، ولشەمگە جەتكىزۋ، ماداقتاۋ، ساراپتاۋ نىسانىنان ءبىر توبىن كۇشىنەن قالدىرۋ ۇيعارىلدى، ورتالىققا قاراستى كاسىپورىنداردى باقىلاۋ-تەكسەرۋ جاعدايىنان مالىمەت تىڭدالدى.
ماجىلىستە مىنالار اتاپ كورسەتىلدى، جاڭا كەزەكتى ۇكىمەت فۋنكتسيادا بۇرىلىس جاساۋدى، ۇكىمەت ورىندارىن ىقشامداپ، ۇقىقتى تومەنگە ءتۇسىرۋدى قامال الۋ ءتۇيىنى ەتىپ، اكىمشىلىك تەكسەرىپ بەكىتۋ نىساندارىنىڭ ءبىر توبىن كۇشىنەن قالدىردى جانە تومەنگە بەردى. اكىمشىلىك رۇحساتتى تىڭنان بەلگىلەۋدى قاتاڭ تىزگىندەۋ شارالارىن جاريالاۋ اكىمشىلىك ءتۇزىلىس رەفورماسىنىڭ تولىقتاۋ شارالارىنىڭ ءبىرى، سونداي-اق ۇكىمەت فۋنكتسياسىندا بۇرىلىس جاساۋدى تاباندىلىقپەن، باياندى ىلگەرىلەتۋدىڭ كەلەلى شارالارىنىڭ ءبىرى، ول تەكسەرىپ بەكىتۋ تۇرلەرىنىڭ ءبىر جاعىنان ازايسا تاعى ءبىر جاعىنان كوبەيۋىنىڭ، كورىنىستە كەمەيگەنىمەن، كومەسكىدە كوبەيۋىنىڭ الدىن الۋعا، كاسىپورىنداردىڭ «تۇساۋىن بوساتىپ، جۇگىن جەڭىلدەتۋگە»، بازاردىڭ ومىرشەڭدىگىن كۇشەيتىپ، ءادىل دامۋ ورتاسىن جاراتۋعا ءتيىمدى. اكىمشىلىك رۇحساتتى زاڭ بويىنشا بەلگىلەۋگە تاباندى بولىپ، «ۇشتە قاتاڭ بولۋدى» ورىنداۋ كەرەك: ءبىرىنشى، ولشەم بەلگىلەۋدە قاتاڭ بولۋ كەرەك. كاسىپورىنداردىڭ قارجىلاندىرۋى، ءونىمى، ءوندىرىس-تيجاراتى جانە تولىمدىلىعى مەن جارامدىلىعى جونىندەگى اكىمشىلىك رۇحساتتى تىڭنان بەلگىلەۋدى قاتاڭ تىزگىندەپ، قوعامدىق قارجىنىڭ جولىن كەڭەيتۋ كەرەك. ەكىنشى، ءتارتىپ بەلگىلەۋدە قاتاڭ بولۋ كەرەك. بەلگىلەۋ شىندىعىندا قاجەت بولعان اكىمشىلىك رۇحسات جونىندە زاڭدىلىعىن، قاجەتتىلىگىن، ورىندىلىعىن تەكسەرۋدى كۇشەيتىپ، كەڭ كولەمدە پىكىر الۋ كەرەك. قاتىستى زاڭدار مەن زاڭدىق ەرەجەلەرگە ۇيلەسپەسە، بەلگىلەمەۋ كەرەك. ءۇشىنشى، اكىمشىلىك رۇحساتتى بەلگىلەۋ مەن اتقارۋدى باقىلاۋدا قاتاڭ بولۋ كەرەك. تاراۋلار وزدەرىنىڭ اتقارۋعا جاۋاپتى بولعان اكىمشىلىك رۇحساتىنىڭ مازمۇنىن جاريالاۋى سونداي-اق مەرزىم بويىنشا باعالاۋ جۇرگىزىپ، وزگەرىس ەنگىزۋ نەمەسە كۇشىنەن قالدىرۋ ۇسىنىسىن دەركەزىندە ورتاعا قويۋى ءتيىس.
ماجىلىستە ۇكىمەت فۋنكتسياسىندا بۇرىلىس جاساپ، ۇكىمەتتىڭ باسقارۋىن جاڭالاۋ تالابىنا ساي، تاياۋداعى باعالاۋ، ولشەمگە جەتكىزۋ، ماداقتاۋ، ساراپتاۋ نىساندارىنىڭ ءبىر توبىن كۇشىنەن قالدىرۋ نەگىزىندە تاعى دا 76 نىساندى كۇشىنەن قالدىرۋ، سونداي-اق باسقا دا باعالاۋ، ولشەمگە جەتكىزۋ، ماداقتاۋ، ساراپتاۋ نىساندارىن، اسىرەسە، اقى الۋ سيپاتىنداعى نىسانداردى تەزە ارادا قاتاڭ، جەدەل اداقتاۋ ۇيعارىلدى.
ءماجىلىس مەملەكەت مەنشىگىندەگى ءتۇيىندى ءىرى كاسىپورىنداردى باقىلاۋ القاسىنىڭ ورتالىققا قاراستى كاسىپورىنداردى باقىلاۋ-تەكسەرۋ جاعدايى جونىندەگى مالىمەتىن تىڭدادى.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
