- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاپونيا ساياساتشىلارىنىڭ ساندىراق لوگيكاسى
2014.01.26 14:28 كەلۋ قاينارى : حالىق تورابى
تاياۋدا اشىلعان داۆوس الەمدىك ەكونوميكا تالقى مىنبەسىندە جاپونيانىڭ باس ءۋازىرى شينزو ابە تاعى دا قيعىلىق سالىپ، جۇڭگوعا اشىقتان - اشىق سوقتىقتى ءارى ياسۋكوني عيباداتحاناسىنا بارىپ ءمىناجات ەتۋ «قالىپتى ارەكەت» دەپ داۋرىقتى. شينزو ابەنىڭ ادامزاتتىڭ ىزگى مۇراتى مەن حالىقارالىق ادىلەتتىلىكتى اياق استى ەتۋىن ادىلەتتى جاقتايتىن ەلدەر مەن ازاماتتار قاتاڭ جازعىردى.
جۇڭگونىڭ كوپتەگەن ەلدەردە تۇراتىن باس ەلشىلەرى وزدەرى تۇرعان ەلدەردىڭ اقپارات قۇرالدارىندا ماقالا جاريالاپ، شينزو ابە ۇكىمەتىنىڭ جەندەتتەردىڭ ارۋاعىن شاقىرۋ ارقىلى تاريحتى تەرىسكە شىعارىپ، دۇنيە جۇزىلىك ەكىنشى سوعىستان كەيىنگى ءتارتىپتى بۇزۋعا سۇقتانعان قاسكۇنەمدىگىن اشكەرەلەدى.
بۇرىن مۇنداي وقشاۋ قالۋدى كورمەگەن جاپونيا ۇكىمەتى قايتا شابۋعا ويىستى: ءبىر جاعىنان، جوعارى دارەجەلى ءمانساپتىلارىن ا ق ش - قا جىبەرىپ قۋاتتاماسىن ءتۇسىندىرىپ، ءوزىن اقتاسا؛ ەندى ءبىر جاعىنان ءار قايسى ەلدەردەگى باس ەلشىلەرىنە ماقالا جاريالاپ ماڭىنا جۋىتپاۋعا بۇيىردى. جاپونيانىڭ ءار ەلدە تۇراتىن باس ەلشىلەرىنىڭ اقتالۋ سوزدەرىنە كوز جىبەرسەك، مازمۇنى مەن لوگيكاسىنىڭ نەگىزىنەن قارايلاس كەلەتىندىگىن بايقايمىز، بۇل جاپونيا ۇكىمەتىنىڭ ۇلگى نۇسقا ازىرلەپ بەرگەندىگىن دالەلدەيدى. ەندى جاپونيانىڭ كانادادا تۇراتىن باس ەلشىسىنىڭ ماقالاسىن مىسالعا الىپ كورەلىك، لوگيكاسىنىڭ قيسىنسىزدىعى كورىنىپ تۇر.
ونىڭ ءبىرىنشى اقتاۋ ءسوزى: شينزو ابە ياسۋكوني عيباداتحاناسىنا بارىپ ءمىناجات ەتكەننەن كەيىن «ماڭگى بەيبىت تۇرۋعا كەپىلدىك ەتۋ» دەگەن تاقىرىپتا مالىمدەمە جاريالاپ، «ءمىناجات ەتۋىم بەيبىتشىلىك ءۇشىن، ماڭگى سوعىس قوزعاماۋعا كەپىلدىك ەتۋ تىلەگىمدى بەينەلەۋ ءۇشىن» دەدى.
ەكىنشى اقتاۋ ءسوزى: ياسۋكوني عيباداتحاناسىندا سوعىستا قۇربان بولعان 2 ميلليون 500 مىڭ ادامنىڭ ارۋاعى بار، شينزو ابە ەل ءۇشىن قۇربان بولعان وسى ادامداردىڭ ارۋاعىنا سيىندى.
بۇل مىناداي ەكى ماسەلەنى ۇعىندىرادى: بىرىنشىدەن، سوعىس قوزعاۋشى ەل بولعان جاپونياعا دۇنيە جۇزىلىك ەكىنشى سوعىستان كەيىن تيەسىلى قاتاڭ جازا بەرىلمەگەن. شينزو ابەنىڭ ناعاشى اتاسى A دارەجەلى سوعىس قىلمىس كۇماندىسى بولا تۇرا جاپونيانىڭ باس ءۋازىرى بولىپ سايلانۋى مىنە سونىڭ ايعاعى. ميليتاريزم رۋحى جاپونيادا باستان – اقىر الاستالمادى، سوندىقتان شينزو ابە سياقتى وڭشىل ساياساتشىلاردىڭ باسقا جولمەن «ارۋاق شاقىرۋىنا» مۇمكىندىك تۋعان. ەكىنشىدەن، بۇرىن جۇڭگو قاتارلى ەلدەردىڭ نارازىلىق ءبىلدىرۋى جەتەرسىز بولعاندىقتان، جاپونيانىڭ وڭشىل ساياساتشىلارى ويىنداعىسىن ورىنداپ، ارانىن اشا بەردى، وزدەرىن تەكسەرىپ تاۋبەگە كەلۋدى بىلمەدى.
قارعانى جۋىپ اعارتۋعا كەلمەيدى. شينزو ابە ۇكىمەتى قانشا تۇسىندىرگەنىمەن، جاپونيانىڭ باس ەلشىلەرى قانشا ماڭىنا جۋىتپاعانىمەن، شىندىق پەن ادىلدىك الدىندا ءبارى دە ايپاراداي اشىلادى.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
