- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى دىڭ شياۋپيڭ جولداس دۇنيەگە كەلگەندىگىنىڭ 110 جىلدىعىن ەسكە الۋ بايلانىسىمەن اڭگىمە ءماجىلىسىن وتكىزدى
2014.08.21 17:28 كەلۋ قاينارى : ءتاڭىرتاۋ تورابى
شي جينپيڭ ماڭىزدى ءسوز سويلەپ، مىنانى باسا دارىپتەدى: دىڭ شياۋپيڭ جولداس نوبايلاپ كورسەتكەن سوتسياليستىك وسىزامانداندىرۋدىڭ ۇلى جوباسى كوركەم شىندىققا اينالىپ كەلەدى، ۇلى وتانىمىز گۇلدەنىپ - كوركەيۋگە، قۇدىرەتتەنۋگە كۇن ساناپ بەت الۋدا، جۇڭحۋا ۇلتى ۇلى گۇلدەنۋگە بىرتىندەپ ويىسۋدا. ءبىز 20 - عاسىردا ۇلى دا تاريحي جەڭىسكە قول جەتكىزگەن جۇڭگو كوممۋنيستىك پارتياسى مەن جۇڭگو حالقىنىڭ 21 - عاسىردا دا اناعۇرلىم ۇلى، تاريحي جەڭىستەرگە، ءسوز جوق، قول جەتكىزە الاتىندىعىنا كامىل سەنەمىز
شينحۋا اگەنتتىگىنىڭ 20 - تامىزدا بەيجيڭنەن بەرگەن حابارى. ج ك پ ورتالىق كوميتەتى 20 - تامىز تۇستەن بۇرىن حالىق سارايىندا اڭگىمە ءماجىلىسىن وتكىزىپ، دىڭ شياۋپيڭ جولداس دۇنيەگە كەلگەندىگىنىڭ 110 جىلدىعىن ەسكە ءتۇسىردى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: دىڭ شياۋپيڭ جولداس نوبايلاپ كورسەتكەن سوتسياليستىك وسىزامانداندىرۋدىڭ ۇلى جوباسى كوركەم شىندىققا اينالىپ كەلەدى، ۇلى وتانىمىز گۇلدەنىپ - كوركەيۋگە، قۇدىرەتتەنۋگە كۇن ساناپ بەت الۋدا، جۇڭحۋا ۇلتى ۇلى گۇلدەنۋگە بىرتىندەپ ويىسۋدا. ءبىز 20 - عاسىردا ۇلى دا تاريحي جەڭىسكە قول جەتكىزگەن جۇڭگو كوممۋنيستىك پارتياسى مەن جۇڭگو حالقىنىڭ 21 - عاسىردا دا اناعۇرلىم ۇلى، تاريحي جەڭىستەرگە، ءسوز جوق، قول جەتكىزە الاتىندىعىنا كامىل سەنەمىز.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ۋاڭ چيشان، جاڭ گاۋليلەر اڭگىمە ماجىلىسىنە قاتىناستى.
ءماجىلىستى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ليۋ يۇنشان باسقاردى. شي جينپيڭ سوزىندە: دىڭ شياۋپيڭ جولداستىڭ ۇلى ەڭبەكتەرىن ەسكە الىپ، دىڭ شياۋپيڭ جولداستىڭ ەلىمىزدىڭ توڭكەرىس، قۇرىلىس، رەفورما ىستەرىنە قوسقان كەسەك ۇلەسىن قورىتىندىلاپ، دىڭ شياۋپيڭ جولداستىڭ جۇڭحۋا ۇلتىنىڭ تاۋەلسىزدىگى، كوركەيۋى، سەرپىلۋى جانە جۇڭگو حالقىنىڭ ازاتتىعى، ەركىندىگى، باقىتى جولىندا تىنباي كۇرەس جۇرگىزگەن شۇعىلالى ءومىر جولى مەن ۇلى ۇلەستەرى وتانىمىزدىڭ بايتاق دالاسىندا وشپەس ءىز قالدىردى، - دەپ باسا دارىپتەدى.
شي جينپيڭ بىلاي دەپ باسا دارىپتەدى: بەرىك سەنىم دىڭ شياۋپيڭ جولداستىڭ عۇمىر بويعى ەڭ كورنەكتى ساياسي قاسيەتى، سونداي - اق جۇڭگو كوممۋنيستەرىنىڭ ماڭگىلىك رۋحاني ارقاۋى. توڭكەرىستىك مۇرات اسپاننان دا بيىك. ەلىمىزدى ءتىپتى جاقسى دامىتۋ ءۇشىن مۇرات پەن سەنىمنىڭ كۇشىنە مۇقتاجبىز. بىزدەر كوممۋنيستەر پارتيالىلىق شىنىعۋدان ءوتۋ ءۇشىن، ەڭ الدىمەن، كوممۋنيزمگە دەگەن اسقاق مۇرات پەن جۇڭگوشا سوتسياليزمگە دەگەن ورتاق مۇراتتى بارىنشا بەكەمدەپ، قاجىماس قايسارلىقپەن كەدەرگىلەرگە توسىلماي، العا قويعان ماقساتىمىزعا قاراي ارشىندى قادام تاستاۋىمىز كەرەك.
شي جينپيڭ بىلاي دەپ اتاپ كورسەتتى: حالىققا ماحاببات − دىڭ شياۋپيڭ جولداستىڭ عۇمىر بويعى ەڭ تەرەڭ سۇيىسپەنشىلىگى − سونداي - اق جۇڭگو كوممۋنيستەرى ماڭگىلىك جوعالتپاۋعا ءتيىستى كۇش قاينارى. ءبىز قاشاندا حالىقتىڭ مۇددەسى ءۇشىن كۇرەس جۇرگىزۋىمىز، قاشان دا، ءار قانداي شارت - جاعدايدا دا وتانعا، حالىققا ادال بولۋىمىز، پارتيانىڭ ءتۇبىرلى ماقساتىن تىڭعىلىقتى تۇردە امالياتتا ايگىلەپ، بار عۇمىرىمىزدى پارتيا مەن حالىققا ارناپ، پارتيا مەن حالىق ىستەرى ءۇشىن اقتىق دەمىمىز ۇزىلگەنشە ەڭبەك ەتۋىمىز كەرەك.
شي جينپيڭ بىلاي دەپ باسا دارىپتەدى: شىندىقتى ءىس جۇزىنەن ىزدەۋ − دىڭ شياۋپيڭ جولداستىڭ عۇمىر بويعى ەڭ ماڭىزدى يدەيالىق ەرەكشەلىگى، سونداي - اق جۇڭگو كوممۋنيستەرى باسشىلىققا الۋعا ءتيىستى يدەيالىق ءادىس. ەلىمىزدىڭ توڭكەرىس، قۇرىلىس، رەفورما تاريحى تەك ءىس جۇزىندىك جاعدايعا ۇيلەسەتىن ساياسات - شارالار بەلگىلەپ، ءىس جۇزىندىك جاعدايعا ساي كەلەتىن قىزمەت ءتاسىلىن قولدانعاندا عانا، پارتيا مەن حالىق ىستەرىنىڭ دۇرىس جولعا تۇسەتىنىن، سوندا عانا حالىق جۇرتشىلىعى ءدان رازى بولاتىن ناقتى ناتيجەگە جەتۋگە بولاتىنىن سان قايتارا دالەلدەدى. ءبىز دۇنيەگە ديالەكتيكالىق ماتەرياليزم، تاريحي ماتەرياليزم تۇرعىسىنان كوز جىبەرۋگە، ماسەلەلەردى سول ارقىلى تىڭعىلىقتى ءبىر جايلى ەتۋگە شەبەر بولىپ، ناقتى، ناتيجەلى جۇمىس جۇرگىزۋ، قۇر سوزگە سالىنباۋ سىندى قىزمەت ستيلىن ساۋلەلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى باعدارلاماسىن، نەگىزگى تاجىريبەسىن، نەگىزگى تالابىن ويداعىداي دايەكتى تياناقتاندىرۋىمىز كەرەك.
شي جينپيڭ بىلاي دەپ اتاپ كورسەتتى: ءورىس اشا جاڭالىق جاراتۋ دىڭ شياۋپيڭ جولداستىڭ عۇمىر بويعى ەڭ كورنەكتى باسشىلىق ونەگەسى سونداي - اق جۇڭگو كوممۋنيستەرى ازىرلەۋگە ءتيىستى تاريحي جاۋاپكەرشىلىك. جۇڭگوشا سوتسياليزم بۇرىن بولماعان ۇلى ءىس، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جول ءالى ۇزاق. ءبىز جاڭا ءاماليات پەن تىڭ دامۋعا مۇقيات زەر سالىپ، جەرگىلىكتى ورىننىڭ، نەگىزگى ساتىنىڭ، بۇقارانىڭ ءتول جاسامپازدىق رۋحىنا قۇرمەت ەتىپ، باتىلدىقپەن كەسىم جاساپ، ءورىس اشا جاڭالىق جاراتۋدى داعدىلى كۇيگە اينالدىرىپ، تىڭ امالياتقا دامۋ ۇستىندەگى ماركسيزم ارقىلى جەتەكشىلىك ەتىپ جانە امالياتتان جاڭا نازاريالىق قورتىندى شىعارىپ، رەفورما جاساۋ، ەسىك اشۋ ىستەرىن ەشتەڭەگە جالتاقتاماستان تىنباي العا ىلگەرىلەتۋىمىز كەرەك.
شي جينپيڭ بىلاي دەپ باسا دارىپتەدى: دىڭ شياۋپيڭ جولداستىڭ بىزگە قالدىرعان ەڭ ماڭىزدى يدەيالىق جانە ساياسي مۇراسى - ول پارتيا مەن حالىققا باسشىلىق ەتىپ جۇڭگوشا سوتسياليزمدى العا قويىپ، دىڭ شياۋپيڭ نازارياسىن جاراتتى. جۇڭگوشا سوتسياليزم جۇڭگونىڭ جاعدايىنا ۇيلەسەتىن، جۇڭگونىڭ ەرەكشەلىگىنە باپ كەلەتىن، ءداۋىردىڭ دامۋ تالابىنا سايكەسەتىن نازاريا جانە ءاماليات، سوندىقتان دا تابىسقا جەتكەن ءارى ۇزدىكسىز تابىسقا جەتە بەرەدى. ءبىزدىڭ مەملەكەت بيلىگىمىز، مەملەكەتتىك قاسيەتىمىز، ۇلتتىق ار - نامىسىمىز، ۇلتتىق تاۋەلسىزدىگىمىز، سايىپ كەلگەندە، جول، نازاريا، ءتۇزىم جاعىنداعى تاۋەلسىزدىككە بايلانىستى.
شي جينپيڭ بىلاي دەپ باسا دارىپتەدى: دىڭ شياۋپيڭ جولداس ارامىزدان كەتكەن 17 جىلدا حالىقارالىق جاعداي مىڭ قۇبىلىپ، ەل ىشىندە رەفورما، دامۋ مىندەتتەرى اۋىر ءارى جاپالى بولدى. جياڭ زىمين جولداستى ۇيتقى ەتكەن پارتيانىڭ 3 - ۇرپاق باسشىلىق كوللەكتيۆىنىڭ، حۋ جينتاۋ جولداس باس شۋجي بولعان پارتيا ورتالىق كوميتەتىنىڭ باسشىلىعىندا پارتيامىز بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى لۋشيان، باعىت، ساياساتتارعا تاباندى بولىپ، پارتيا مەن مەملەكەت ىستەرىندە تىڭ دا ۇلى جەتىستىكتەرگە جەتتى. بۇگىن تاريحي تاپسىرما ءبىزدىڭ موينىمىزعا جۇكتەلدى، جاۋاپكەرشىلىگىمىز تايشان تاۋىنان دا اۋىر. بۇكىل پارتيا، ءسوز جوق، تىعىز ىنتىماقتاسىپ، جاۋاپكەرشىلىكتى باتىلدىقپەن ارقالاپ، شوگەلدىكپەن ىستەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۋاقىت كۇتىپ تۇرمايدى، داۋىرمەن تەڭ ىلگەرىلەيىك دەگەن رۋحپەن تىڭ جەڭىستەرگە تىنباي قول جەتكىزىپ، جۇڭگوشا سوتسياليزمدى ۇزدىكسىز كەمەلدەندىرىپ جانە دامىتىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە تىڭ دا اناعۇرلىم زور ۇلەستەر قوسا بەرۋىمىز كەرەك.
ليۋ يۇنشان ءماجىلىستى باسقارعان كەزدە بىلاي دەدى: باس شۋجي شي جينپيڭ ماڭىزدى سوزىندە دىڭ شياۋپيڭ جولداس پەن دىڭ شياۋپيڭ نازارياسىنىڭ تاريحي ورنى مەن تاريحي ۇلەسىنە وسكەلەڭ باعا بەرىپ، بەرىك سەنىم، حالىققا ماحاببات، شىندىقتى ءىس جۇزىنەن ىزدەۋ، ءورىس اشا جاڭالىق جاراتۋ، ستراتەگيالىق وي، قالتقىسىز جومارتتىق سياقتى جاقتاردا دىڭ شياۋپيڭ جولداستىڭ وسكەلەڭ رۋحاني ونەگەسىن جان - جاقتى بايىمداپ، بۇكىل پارتيانى جۇڭگوشا سوتسياليزم جولىنا، نازارياسىنا، تۇزىمىنە نىق سەنىم ارتىپ، «ەكى 100 جىل» كۇرەس نىساناسى مەن جۇڭحۋا ۇلتىنىڭ ۇلگى گۇلدەنۋى دەيتىن جۇڭگو ارمانىن جۇزەگە اسىرۋ ساپارىندا قاجىرلىلىقپەن العا ۇمتىلۋعا ۇندەدى. ماڭىزدى سوزدە بۇكىل پارتيانىڭ، بۇكىل ەل حالقىنىڭ دىڭ شياۋپيڭ جولداسقا دەگەن تەرەڭ سۇيىسپەنشىلىگى، بۇرىنعىعا مۇراگەر، كەيىنگىگە بۇيداگەر بولىپ، پارتيا مەن مەملەكەت ىستەرىنىڭ دامۋىن ىلگەرىلەتۋ جاۋاپكەرشىلىگى قامتىلعان، اسا كۇشتى نازاريالىق، ستراتەگيالىق، جەتەكشىلىك سيپاتقا يە. ءبىز رەفورمانى جاپپاي تەرەڭدەتۋ مەن وسىزامانداندىرۋ قۇرىلىسىنىڭ امالياتىمەن تىعىز ۇشتاستىرىپ، ءسوزدى مۇقيات ۇيرەنۋىمىز، شىنايى، دايەكتى تياناقتاندىرۋىمىز كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
