- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ كانادانىڭ زۇڭليىمەن جانە ساۋد ارابياسىنىڭ تاق مۇراگەرىمەن جەكە - جەكە كەزدەستى
2016.09.01 13:41 كەلۋ قاينارى : شينجياڭ گازەتى
شينحۋا اگەنتتىگىنىڭ 31 - تامىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 31 - تامىزدا دياۋيۇيتاي مەملەكەتتىك قوناق ۇيىندە كانادانىڭ زۇڭليى تريۋدومەن كەزدەستى.
شي جينپيڭ تريۋدو زۇڭليدىڭ جۇڭگوعا رەسمي ساپارلاي كەلگەنىن ءارى 20 ەل توبى باسشىلارىنىڭ حاڭجوۋداعى باس قوسۋىنا قاتىناساتىنىن قارسى الاتىندىعىن ءبىلدىردى. شي جينپيڭ بىلاي دەپ اتاپ كورسەتتى: جۇڭگو مەن كانادانىڭ ءداستۇرلى، تەرەڭ دوستىعى بار. ديپلوماتيالىق قاتىناس ورناتقاننان بەرى ەكى ەل قاتىناسى تۇلعالىق جاقتان تىنباي العا دامىپ كەلەدى. جاڭا جاعدايدا تاراپتار اناعۇرلىم كوپ ورتاق مۇددە مەن سەلبەستىك كەڭىستىگىنە يە. جۇڭگو ءوزارا قۇرمەت ەتۋ، سەلبەسە وتىرىپ بىردەي يگىلىككە كەنەلۋ پرينسيبىنە كانادامەن بىرگە تاباندى بولىپ، ەكى ەل قاتىناسى دامۋىنىڭ تىڭ جاعدايىن قۇلشىنا اشىپ، ەكى ەل حالقىن اناعۇرلىم كوپ، اناعۇرلىم جاقسى يگىلىككە كەنەلتۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن كانادا جوعارى جىكتەگىلەردىڭ بارىس - كەلىسىن كۇشەيتۋى ءتيىس. ەكى ەل باسشىلارىنىڭ بىرگە نازار اۋدارىپ وتىرعان ماسەلەلەر جونىندە ءتۇرلى فورمالارمەن اۋىس - كۇيىستى ساقتاۋىنا جانە سايكەسۋىنە بولادى. تاراپتار سونىمەن بىرگە قازىرگى بار ەكى جاقتى مەحانيزم ارقىلى ءارقايسى سالالارداعى تىلدەسۋدى، سەلبەستىكتى كۇشەيتۋى ءتيىس. تاراپتار دامۋ ستراتەگيالارىن توعىستىرىپ، ناقتى سەلبەستىك اياسىن كەڭەيتىپ، ەنەرگيا، بايلىق، فينانستىق قىزمەت وتەۋ، عىلىم - تەحنيكادا جاڭالىق اشۋ، وسى زامانعى اۋىل شارۋاشىلىعى، جابدىق جاساۋ، قورشاعان ورتانى قورعاۋ، ەنەرگيانى ۇنەمدەۋ سياقتى سالالارداعى سەلبەستىكتى قۇلشىنا كۇشەيتىپ، ءبىر توپ نىشاندىق نىسانداردى جۇزەگە اسىرۋى ءتيىس. ءبىز سونىمەن بىرگە، ءادىليا، زاڭ اتقارۋ سالاسىنداعى سەلبەستىك پەن مەحانيزم قۇرىلىسىن ۇزدىكسىز كۇشەيتۋىمىز كەرەك. تاراپتار گۋمانيتارلىق اۋىس - كۇيىستى تەرەڭدەتۋ، مادەنيەت، وقۋ - اعارتۋ، ايەلدەر، جاستار، دەنە تاربيە، جەرگىلىكتى ورىندار سياقتى سالالارداعى اۋىس - كۇيىس، سەلبەستىك اياسىن كەڭەيتىپ، ەكى ەل حالقىنىڭ ءوزارا تۇسىنىستىگى مەن دوستىعىن نىعايتۋى كەرەك. تاراپتار وزدەرى تاڭداعان دامۋ جولىنا قۇرمەت ەتۋى، ءبىر - ءبىرىنىڭ وزەكتى مۇددەسى مەن باسا نازار اۋدارىپ وتىرعان ماڭىزدى تۇيىندەرىنە قۇرمەت ەتۋى، الاۋىزدىقتاردى سىندارلى فورمامەن يكەمدى ءبىر جايلى ەتۋى كەرەك. تاراپتار كوپ جاقتى سەلبەستىكتى كۇشەيتۋى كەرەك. جۇڭگو كانادانىڭ ازيا نەگىزدىك قۇرىلعىلارىنا قارجى قوسۋ بانكەسىنە ءوتىنىش بەرىپ مۇشە بولۋىن قارسى الادى، كانادامەن اۋىس - كۇيىستى جانە سايكەسۋدى كۇشەيتىپ، اشىق، باۋىرمال كوپ جاقتى ساۋدا جۇيەسىن قورعاپ، كليمات وزگەرىسىنە توتەپ بەرۋ، بەيبىتشىلىكتى قورعاۋ، تەڭىز - مۇحيتتى قورعاۋ سياقتى سالالارداعى سەلبەستىكتى تەرەڭدەتۋدى قالايدى.
شي جينپيڭ بىلاي دەپ اتاپ كورسەتتى: 20 ەل توبى باسشىلارىنىڭ حاڭجوۋداعى باس قوسۋىن ويداعىداي وتكىزۋ − حالىقارالىق قوعامنىڭ ورتاق ءۇمىتى. ءبىر جىلدان بەرى جۇڭگو كانادانى قامتىعان ءارقايسى جاقتارمەن بىرگە قۇلشىنىپ، باس قوسۋدىڭ باستى تاقىرىبى مەن ءتۇيىندى كەڭەستىك تاقىرىپتارىن ارقاۋ ەتىپ، تابىستاردى، جارقىن تۇيىندەردى كۇش سالا تۇلعالاپ، جاڭالىق اشاتىن، ومىرشەڭدىك كۇشكە يە، بىرگە ارەكەتتەنەتىن، باۋىرمال الەم ەكونوميكاسىن ورناتۋدى جەبەدى. جۇڭگو ءارقايسى جاقتارمەن ۇزدىكسىز تىعىز سەلبەسىپ، باس قوسۋدىڭ تولىق تابىسقا جەتۋىنە شىنايى كەپىلدىك ەتۋگە پەيىل.
تريۋدو بىلاي دەدى: مەنىڭ جۇڭگوداعى بۇل جولعى ساپارىم اكەمنىڭ ءوز كەزىندەگى جۇڭگوداعى ساپارىن، سونداي - اق كانادا مەن جۇڭگونىڭ ديپلوماتيالىق قاتىناس ورناتۋىن العا ىلگەرىلەتۋ تاريحىن ەسىمە سالادى. كانادا جۇڭگونىڭ نەشە ونداعان جىلداردان بەرگى دامۋدا قول جەتكىزگەن قوماقتى تابىستارىنا جوعارى باعا بەرەدى، جۇڭگومەن ەكونوميكا - ساۋدا، گۋمانيتارلىق سالالارداعى قاتىناسىنىڭ جەدەل دامىعانىنا قۋانادى. قازىرگى جاعدايدا ەكى ەل قاتىناسىنىڭ قۋاتتى، ورنىقتى دامۋ ارناسىنا قايتا ءتۇسۋى ەكى ەل حالقىن يگىلىككە كەنەلتۋمەن بىرگە، ول دۇنيە ءجۇزىنىڭ بەيبىتشىلىگى مەن دامۋىنا دا پايدالى. كانادا جۇڭگومەن بولعان ەكونوميكا - ساۋدا، قارجى قوسۋ، زاڭ اتقارۋ سياقتى سالالارداعى سەلبەستىگىن تەرەڭدەتۋگە كۇش سالادى، ازيا نەگىزدىك قۇرىلعىلارىنا قارجى قوسۋ بانكەسىنە ءوتىنىش بەرىپ مۇشە بولۋدى ۇيعارىپ، كانادا مەن جۇڭگونىڭ كوپ جاقتى ىستەردەگى سايكەسۋىن، سەلبەسۋىن كۇشەيتەدى. كانادا 20 ەل توبى باسشىلارىنىڭ حاڭجوۋداعى باس قوسۋىنىڭ جاڭالىق اشۋ جانە باۋىرمالدىقپەن ارتتىرۋ سياقتى كەڭەستىك تاقىرىپتاردى ارقاۋ ەتىپ، حالىقارالىق سەلبەستىكتى كۇشەيتىپ، الەمدىك سىن - سايىستارعا توتەپ بەرگەنىن القايدى، جۇڭگونىڭ حاڭجوۋ باس قوسۋىن ءساتتى وتكىزۋىن قولدايدى.
شينحۋا اگەنتتىگىنىڭ 31 - تامىزدا بەيجيڭنەن بەرگەن حابارى. مەملەكەت ءتوراعاسى شي جينپيڭ 31 - تامىزدا دياۋيۇيتاي مەملەكەتتىك قوناق ۇيىندە ساۋد ارابياسىنىڭ تاق مۇراگەرى مۇحاممەدپەن كەزدەستى. مەملەكەتتىك كەڭەستىڭ ورىنباسار زۇڭيلى جاڭ گاۋلي كەزدەسۋدە بىرگە بولدى.
شي جينپيڭ مۇحاممەدتىڭ جۇڭگوعا ساپارلاي كەلگەنىن جانە 20 ەل توبى باسشىلارىنىڭ حاڭجوۋداعى باس قوسۋىنا قاتىناساتىنىن قارسى الىپ، جۇڭگو مەن ساۋد ارابياسىنىڭ جوعارى دارەجەلى بىرلەسكەن كوميتەتىنىڭ تۇڭعىش ءماجىلىس وتكىزگەنىن قۇتتىقتادى. شي جينپيڭ مىنالاردى اتاپ كورسەتتى: جۇڭگو مەن ساۋد ارابياسى ديپلوماتيالىق قاتىناس ورناتقان 26 جىلدان بەرى، تاراپتار قاشاندا شىنايى دوستىق ورناتىپ، تەپە - تەڭ مامىلە جاساسىپ، ءار سالاداعى سەلبەستىكتە كوپتەگەن تابىستارعا قول جەتكىزدى. جۇڭگو ساۋد ارابياسىن «ءبىر بەلدەۋ، ءبىر جولدى» بىرگە قۇراتىن ماڭىزدى سەلبەستىك سەرىك دەپ سانايدى، ساۋد ارابياسىمەن بىرگە قۇلشىنىپ، جۇڭگو مەن ساۋد ارابياسىنىڭ جان - جاقتى ستراتەگيالىق سەرىكتەستىك قاتىناسىنىڭ ءمانىن بايىتىپ، ەكى ەل حالقىن ءتىپتى دە كوپ يگىلىككە كەنەلدىرىپ، الەمنىڭ جانە ءوڭىردىڭ بەيبىتشىلىگىن جەبەۋدى قالايدى.
شي جينپيڭ مىنالاردى باسا دارىپتەدى: جۇڭگو مەن ساۋد ارابياسى ستراتەگيالىق ءوزارا سەنىمدىلىكتى بەكەمدەپ، سايىستارعا تىزە قوسا توتەپ بەرۋى كەرەك. جۇڭگو ساۋد ارابياسىنىڭ ءوز حاۋىپسىزدىگى مەن تۇراقتىلىعىن قورعاۋ جولىنداعى قۇلشىنىستارىن قولدايدى، قاتىستى جاقتاردى ءوڭىردىڭ بەيبىتشىلىگى مەن تۇراقتىلىعىن قورعاۋعا ىنتالاندىرادى. تاراپتار دامۋ ستراتەگيالارىن ۇشتاستىرۋدى تەزدەتىپ، مۇددەلەردىڭ توعىسۋىن تەرەڭدەتۋى كەرەك. ءبىز «ءبىر بەلدەۋ، ءبىر جولدى» بىرگە قۇرۋ ارقىلى ەكى جاقتى سىندارلى سەلبەستىككە ءبىر تۇتاس جەتەكشىلىك ەتۋىمىز قاجەت. جۇڭگو ساۋد ارابياسىمەن نەگىزدىك قۇرىلعى، جاساۋ كاسىبى، فينانس، قارجى سالۋ جانە ەنەرگيا سياقتى سالالارداعى سەلبەستىكتەردى كۇشەيتۋدى قالايدى. تاراپتار كەلەلى ستراتەگيالىق سەلبەستىك نىساندارىن تياناقتاندىرىپ، ءبىر - ءبىرىنىڭ دامۋىنا قىزمەت كورسەتۋى كەرەك. جۇڭگونىڭ كوپتەگەن باسىم وندىرىستىك قۋاتتارى، جابدىقتارى، جاڭا تەحنولوگيالارى الەمگە بەت الۋدا، جۇڭگو ساۋد ارابياسىنا ەكونوميكانى كوپ نەگىزدەندىرۋ ستراتەگياسى مەن جاساۋ كاسىبىن دامىتۋدى ىلگەرىلەتەتىن سەلبەستىك سەرىك بولا الادى.
شي جينپيڭ مىنالاردى اتاپ كورسەتتى: حالىقارالىق قوعام 20 ەل توبى باسشىلارىنىڭ حاڭجوۋداعى باس قوسۋىنىڭ دۇنيە ءجۇزى ەكونوميكاسى مەن حالىقارالىق ەكونوميكالىق سەلبەستىكتى جانداندىرۋدا بەلسەندى رول كورسەتۋىنە ۇلكەن ءۇمىت ارتىپ وتىر. جۇڭگو مەن ساۋد ارابياسى 20 ەل توبىنىڭ ماڭىزدى مۇشەلەرى جانە بازارى جاڭادان كوركەيگەن مەملەكەتتەر. ءبىز 20 ەل توبىنىڭ حالىقارالىق ەكونوميكالىق سەلبەستىكتىڭ نەگىزگى تالقى مىنبەرىندىك رولىن شىنايى ساۋلەلەندىرىپ، حاڭجوۋ باس قوسۋىنىڭ دۇنيە ءجۇزى ەكونوميكاسىنىڭ دامۋىن جەبەۋىن، الەمدىك جونگە سالۋدى كەمەلدەندىرۋگە ءتىپتى دە ۇلكەن ۇلەس قوسۋىن جەبەۋىمىز كەرەك.
مۇحاممەد بىلاي دەدى: ساۋد ارابياسى مەن جۇڭگونىڭ قاتىناسى ەرەكشە ماڭىزدى، تاراپتاردىڭ كەڭ ورتاق مۇددەلەرى، حالىقارالىق ىستەردە كوپتەگەن ۇقساس تۇرعىلارى بار، ەكى ەل ەكونوميكاسىنىڭ ءبىرىن - ءبىرى تولىقتاۋ سيپاتى كۇشتى. ساۋد ارابياسى ۇكىمەتى مەن حالقى جۇڭگومەن قاتىناسقا ايرىقشا ءمان بەرىپ، جۇڭگونى ماڭىزدى ستراتەگيالىق سەرىك دەپ سانايدى. ساۋد ارابياسى جۇڭگونىڭ تايۋان، نانحاي تەڭىزى سياقتى ماسەلەلەردەگى مايدانىن باتىل قولدايدى، ساۋد ارابياسى مەن جۇڭگونىڭ جوعارى دارەجەلى بىرلەسكەن كوميتەتىنىڭ ساۋد ارابياسى مەن جۇڭگونىڭ ساياسي، ەكونوميكالىق قارىم - قاتىناستارىن ونان ارى تەرەڭدەتۋىن ءۇمىت ەتەدى، ءوزىنىڭ دامۋ ستراتەگياسىن «ءبىر بەلدەۋ،ءبىر جول» دارىپتەمەسىمەن ۇشتاستىرۋدى، ساۋدا - ەكونوميكا، زات اينالىمى، فينانس سياقتى سالالارداعى سەلبەستىكتى كۇشەيتۋدى قالايدى. ساۋد ارابياسى جۇڭگونىڭ 20 ەل توبى باسشىلارىنىڭ حاڭجوۋداعى باس قوسۋىن تابىستى وتكىزۋىن قولدايدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
