شي جينپيڭ حات جولداپ جۇڭگو اۋىل شارۋاشىلىق عىلىم اكادەمياسى قۇرىلعانىنىڭ 60 جىلدىعىن قۇتتىقتادى
لي كىچياڭ بەكىتۋ سالىپ قۇتتىقتادى
2017.05.27 14:16 كەلۋ قاينارى : حالىق تورابى
شي جينپيڭنىڭ جۇڭگو اۋىل شارۋاشىلىق عىلىم اكادەمياسى قۇرىلعانىنىڭ 60 جىلدىعىن قۇتتىقتاۋ حاتى
جۇڭگو اۋىل شارۋاشىلىق عىلىم اكادەمياسى قۇرىلعانىنىڭ 60 جىلدىعى ساتىندە پارتيا ورتالىق كوميتەتى اتىنان سىزدەردى قىزۋ قۇتتىقتايمىن! بارلىق اۋىل شارۋاشىلىق زەرتتەرمەندەرىنە جانە اۋىل شارۋاشىلىق عىلىم – تەحنيكا قىزمەتكەرلەرىنە شىن ىقىلاسپەن سالەم جولدايمىن!
60 جىلدان بەرى جۇڭگو اۋىل شارۋاشىلىق عىلىم اكادەمياسى بورىشتى ەستە بەرىك ساقتاپ، جاۋاپكەرلىكتى باتىلدىقپەن ارقالاپ، ەلىمىزدىڭ اۋىل شارۋاشىلىعىن دامىتۋداعى كەلەلى عىلىم - تەحنيكالىق ماسەلەلەردى شەشۋدى مىندەتىنە الىپ، حالىقارالىق وزىق ورەدەگى كەلەلى ءتول جاسامپازدىق تابىسىنا قول جەتكىزىپ، اۋىل شارۋاشىلىق عىلىم - تەحنيكاسىنداعى باستاماشى دارىندىلاردى باۋلىپ، سومداپ، ەلىمىزدىڭ اۋىل شارۋاشىلىعى، اۋىل - قىستاق، شارۋالار ىستەرىن دامىتۋعا كەلەلى ۇلەس قوستى.
شي جينپيڭ بىلاي دەدى: جۇڭگو ـ اۋىل شارۋاشىلىعىنداعى ءىرى ەل، ەلىمىزدىڭ ۇزاق ەگىنشىلىك تاريحى جانە شۇعىلالى ەگىنشىلىك مادەنيەتى بار. اۋىل شارۋاشىلىعىن وسىزامانداندىرۋدىڭ تەتىگى عىلىم - تەحنيكا العاباسارلىعىندا جانە جاڭالىق اشۋدا. ەلىمىزدىڭ مەملەكەت جاعدايىن تياناق ەتىپ، اۋىل شارۋاشىلىعى عىلىم - تەحنيكاسىنىڭ زاڭدىلىعىنا بويسۇنىپ، جاڭالىق اشۋ قادامىن جەدەلدەتىپ، دۇنيە ءجۇزىنىڭ اۋىل شارۋاشىلىق عىلىم - تەحنيكا باسەكەسىندە بيىك تۇعىردى قۇلشىنا يەلەپ، ەلىمىزدىڭ اۋىل شارۋاشىلىق عىلىم - تەحنيكاسىن دامىتۋدىڭ ىرىقتىلىق ۇقىعىن مىقتاپ يگەرىپ، ەلىمىزدىڭ اۋىل شارۋاشىلىعىنداعى ءىرى ەلدەن اۋىل شارۋاشىلىعىنداعى قۇدىرەتتى ەلگە بەت الۋىنا پارمەندى عىلىم - تەحنيكالىق تىرەك ازىرلەۋ كەرەك.
اۋىل شارۋاشىلىعىن عىلمي زەرتتەۋدەگى مەملەكەتتىك قوسىن رەتىندە، جۇڭگو اۋىل شارۋاشىلىق عىلىم اكادەمياسى دۇنيە ءجۇزىنىڭ اۋىل شارۋاشىلىق عىلىم - تەحنيكاسىنىڭ الدىڭعى شەبىن، مەملەكەتتىڭ كەلەلى قاجەتىن، وسى زامانعى اۋىل شارۋاشىلىق قۇرىلىسىنىڭ نەگىزگى شايقاس مايدانىن بەتكە الىپ، دۇنيە جۇزىندەگى بىرەگەي ءپان جانە بىرەگەي عىلمي زەرتتەۋ ينستيتۋتتارىن جەدەل قۇرىپ، بيىككە قۇلاش سەرمەپ، الدىمەن باسىپ وزىپ، ەلىمىزدىڭ اۋىل شارۋاشىلىق عىلىم - تەحنيكاسىنىڭ جالپى تۇلعالىق قارىشتاي دامۋىن ىلگەرىلەتىپ، «ەكى 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا زور ۇلەس قوسۋى كەرەك.
شي جينپيڭ
2017 – جىلى 26 – مامىر
(شينحۋا اگەنتتىگى، 26 – مامىر، بەيجيڭ)
شينحۋا اگەنتتىگى، 26 – مامىر، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 26 – مامىردا حات جولداپ جۇڭگو اۋىل شارۋاشىلىق عىلىم اكادەمياسى قۇرىلعانىنىڭ 60 جىلدىعىن قۇتتىقتادى، بارلىق اۋىل شارۋاشىلىق زەرتتەرمەندەرىنە جانە اۋىل شارۋاشىلىق عىلىم – تەحنيكا قىزمەتكەرلەرىنە شىن ىقىلاسپەن سالەم جولدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ سالىپ قۇتتىقتادى. ول بەكىتۋىندە بىلاي دەپ اتاپ كورسەتتى: جۇڭگو اۋىل شارۋاشىلىق عىلىم اكادەمياسى قۇرىلعان 60 جىلدان بەرى مەملەكەتتىڭ كەلەلى قاجەتىنە بەيىمدەلۋدەن، اۋىل شارۋاشىلىق عىلىم - تەحنيكاسىنىڭ الدىڭعى شەبىن كوزدەۋدەن جازباي، قيىندىقتاردان ۇزدىكسىز قامال الىپ، الەمدى جالت قاراتارلىق عىلىم - تەحنيكا تابىسىنا قول جەتكىزدى، ءبىر توپ اۋىل شارۋاشىلىق عىلىم - تەحنيكا دارىندىلارىن باۋلىپ، اۋىل شارۋاشىلىعى، اۋىل - قىستاق، شارۋالار ىستەرىن دامىتۋداعى كەلەلى ماسەلەلەردى شەشۋگە، مەملەكەتتىڭ استىق حاۋىپسىزدىگىن قامتاماسىزداندىرۋعا، اۋىل شارۋاشىلىعىنىڭ وسىزاماندانۋىن جەبەۋگە ماڭىزدى عىلىم - تەحنيكالىق تىرەك بولدى. جولداستارعا شىنايى سالەم جولدايمىن. سىزدەردەن ماڭىزدى تاپسىرمانى ورىنداپ، كۇش ۇستىنە كۇش قوسىپ، جاڭا دامۋ ۇستانىمىن مۇقيات دايەكتىلەندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋدى ارقاۋ ەتىپ، اۋىل شارۋاشىلىعىنا بۇرىلىس جاساۋ ءتاسىلىن، قۇرىلىمدى رەتتەۋدى تەزدەتىپ، ەلىمىزدىڭ اۋىل شارۋاشىلىق تەحنيكاسىنداعى ولقىلىقتاردى مىقتى يگەرىپ، اۋىل شارۋاشىلىق عىلىم - تەحنيكا ءتۇزىلىسى، مەحانيزمى رەفورماسىن كۇش سالا تەرەڭدەتىپ، اۋىل شارۋاشىلىق عىلىم - تەحنيكاسىندا جاڭالىق اشۋدى بارىنشا ىلگەرىلەتىپ، ءتىپتى دە كوپ قۇندى عىلىم - تەحنيكا جەتىستىكتەرىنە قول جەتكىزۋگە، ءتىپتى دە كوپ تاڭداۋلى دارىندىلاردى باۋلۋعا ۇمتىلىس جاساپ، ەلىمىزدىڭ اۋىل شارۋاشىلىق عىلىم - تەحنيكاسىنىڭ ورەسى مەن حالىقارالىق باسەكەلىك قۋاتىن ۇزدىكسىز كوتەرىپ، اۋىل شارۋاشىلىعىن، اۋىل - قىستاقتى دامىتۋدىڭ جاڭا قوزعالىس ەنەرگياسىن جەتىلدىرۋدى جەبەپ، وسى زامانعى اۋىل شارۋاشىلىعىنىڭ دامۋىن تەزدەتۋ، شارۋالاردىڭ كىرىسىن ارتتىرۋ، اۋىل - قىستاقتاردىڭ ەكونوميكاسىنىڭ، قوعامىنىڭ باياندى، اقاۋسىز دامۋىن ىلگەرىلەتۋ ءۇشىن تىڭ ۇلەس قوسۋلارىڭىزدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
