شي جينپيڭ لياڭ جىنيىڭمەن جانە شياڭگاڭ ەرەكشە اكىمشىلىك رايونىنىڭ اكىمشىلىك، زاڭ شىعارۋ، ءادىليا قۇرىلىمدارىنىڭ جاۋاپتىلارىمەن كەزدەستى
2017.06.30 17:20 كەلۋ قاينارى : حالىق تورابى
«حالىق گازەتى»، 29 – ماۋسىم، شياڭگاڭ (تىلشىلەر دۋ شاڭزى، ۋاڭ ياۋ). مەملەكەت ءتوراعاسى شي جينپيڭ 29 - ماۋسىم تۇستە شياڭگاڭدا شياڭگاڭ ەرەكشە اكىمشىلىك رايونىنىڭ اكىمى لياڭ جىنيىڭمەن كەزدەستى، تۇستەن كەيىن شياڭگاڭ ەرەكشە اكىمشىلىك رايونىنىڭ اكىمشىلىك، زاڭ شىعارۋ، ءادىليا قۇرىلىمدارىنىڭ جاۋاپتىلارىمەن كەزدەستى.
شي جينپيڭ لياڭ جىنيىڭنىڭ اكىم بولعان 5 جىلدان بەرگى قىزمەتىن جوعارى باعالادى. ول بىلاي دەدى: ورتالىقتىڭ بار كۇشپەن قولداۋىندا، سەنىڭ جەتەكشىلىگىڭدەگى ەرەكشە اكىمشىلىك رايون ۇكىمەتى «ءبىر ەل، ەكى ءتۇزىم» باعىتى مەن شياڭگاڭ ەرەكشە اكىمشىلىك رايونىنىڭ ءتۇبىرلى زاڭىن مۇقيات دايەكتىلەندىرىپ، تياناقتاندىرىپ، قازىرگى جاعدايدى تياناق ەتىپ، ۇزاق بولاشاقتىق جوسپار جاساپ، شياڭگاڭنىڭ ۇزاق جىلدان بەرى قوردالانعان قات - قابات ماسەلەلەرىن شەشۋ جانە بولاشاقتىق دامۋ ءورىسىن كەڭەيتۋ ءۇشىن ماشاقاتتى قۇلشىنىس جاسادى. سەن جانە ەرەكشە اكىمشىلىك رايون ۇكىمەتى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، قوعامدىق جالپى جاعدايدىڭ ورنىقتىلىعىن قورعاپ، «ءبىر ەلدە ەكى ءتۇزىم» ىستەرىنىڭ دامۋىنا بەلسەندى ۇلەس قوستىڭدار. ورتالىق ساعان تولىق سەنىم ارتىپ، سەنىڭ قىزمەتىڭدى تولىق تۇراقتاندىردى.
شي جينپيڭ لياڭ جىنيىڭنەن جاڭا قىزمەت ورنىندا شياڭگاڭ ءۇشىن، مەملەكەت ءۇشىن ۇزبەي قىزمەت ەتىپ، «ءبىر ەلدە ەكى ءتۇزىم» ىستەرى جانە مەملەكەتتىڭ دامۋى ءۇشىن اقىل - پاراساتى مەن كۇش - قايراتىن ارناۋدى ءۇمىت ەتتى.
سول كۇنى تۇستەن كەيىن شي جينپيڭ لياڭ جىنيڭنىڭ سەرىك بولۋىندا شياڭگاڭ ەرەكشە اكىمشىلىك رايونىنىڭ قازىرگى اكىمشىلىك، زاڭ شىعارۋ، ءادىليا قۇرىلىمدارىنىڭ جاۋاپتىلارىمەن كەزدەستى.
شي جينپيڭ مىنالاردى اتاپ كورسەتتى: «ءبىر ەلدە ەكى ءتۇزىمنىڭ» شياڭگاڭداعى امالياتى وتە تابىستى بولدى. «ءبىر ەلدە ەكى ءتۇزىم» ۇلى ويى بويىنشا شياڭگاڭ وتان قۇشاعىنا بەيبىت جولمەن ورالىپ، تاريحتا قولدان كەتكەن جەردى قايتارىپ الۋ ءۇشىن، قارۋ جۇمساپ، بىلەك سىبانۋ كەرەك دەيتىن بۇرىنعى قاساڭ قاعيدانى وزگەرتتى، بۇل ــ جۇڭگو مەن شەتەلدە، وتكەن مەن بۇگىندە سيرەك كەزدەسەتىن جاعداي. شياڭگاڭ وتان قۇشاعىنا ورالعان سوڭ جۇڭحۋا حالىق رەسپۋبليكاسىنىڭ نەگىزگى زاڭى مەن شياڭگاڭ ەرەكشە اكىمشىلىك رايونىنىڭ ءتۇبىرلى زاڭى بەلگىلەگەن ەرەكشە اكىمشىلىك رايون ءتۇزىمى شياڭگاڭدا تامىر تارتىپ، وركەن جايدى، شياڭگاڭ ازيا فينانس داعدارىسىنىڭ، سارس ىندەتىنىڭ، حالىقارالىق فينانس داعدارىسىنىڭ سوققىسىنا ۇشىراعانىمەن، گۇلدەنگەن، ورنىقتى جاعدايدى جالعاستىردى. اماليات «ءبىر ەل، ەكى ءتۇزىمنىڭ» بۇكىلدەي دۇرىس ەكەنىن، ونىڭ اسا كۇشتى ومىرشەڭدىككە يە ەكەنىن تولىق دالەلدەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
