ساياسي كەڭەس مەملەكەتتىك 13 - كەزەكتى كوميتەتىنىڭ باسشىلارى سايلاندى
ۋاڭ ياڭ مەملەكەتتىك ساياسي كەڭەستىڭ ءتوراعالىعىنا سايلاندى
2018.03.15 16:39 كەلۋ قاينارى : حالىق تورابى
«حالىق گازەتى»، 14 – ناۋرىز، بەيجيڭ. جاڭا داۋىردەگى جۇڭگوشا سوتسياليزمىنىڭ ۇلى جەڭىسىن قولعا كەلتىرۋ ۇلى جورىعىندا جىگەرلەنە العا باسقان ساتتە حالىق ساياسي كەڭەسى تاعى ءبىر رەتكى باسشىلىق القانىڭ الماسۋىن ءساتتى تامامدادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ ياڭ 14 - ناۋرىز تۇستەن كەيىن وتكىزىلگەن ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ ءتورتىنشى جالپى جيىنىندا مەملەكەتتىك ساياسي كەڭەستىڭ ءتوراعالىعىنا سايلاندى. جيىندا تاعى مەملەكەتتىك ساياسي كەڭەستىڭ 24 ورىنباسار ءتوراعاسى سايلاندى.
سايلاۋ ناتيجەسى جاريالانۋدان بۇرىن ساياسي كەڭەس مەملەكەتتىك 12 - كەزەكتى كوميتەتىنىڭ ءتوراعاسى يۇي جىڭشىڭ جيىن الاڭىنا كەلىپ، سايلانۋ الدىندا تۇرعان ساياسي كەڭەستىڭ جاڭا كەزەكتى مەملەكەتتىك تۇراقتى كوميتەتىنە قۇتتى بولسىن ايتتى. ساعات 17 دەن 15 مينۋت وتكەندە جيىننىڭ باسقارۋشىسى ۋاڭ ياڭنىڭ ساياسي كەڭەس مەملەكەتتىك 13 – كەزەكتى كوميتەتىنىڭ ءتوراعالىعىنا سايلانعانىن جاريالاعان سوڭ، يۇي جىڭشىڭ ۋاڭ ياڭمەن قول الىستى، تۇتاس الاڭدى ۇزاققا دەيىن شاتىرلاعان شاپالاق ءۇنى كەرنەدى.
جيىندا جاڭ چيڭلي، ليۋچيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋەي، ما بياۋ، چىن شياۋگۋاڭ، لياڭ جىنيڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ساياسي كەڭەس مەملەكەتتىك 13 – كەزەكتى كوميتەتىنىڭ ورىنباسار ءتوراعالارى بولىپ سايلاندى.
جيىندا شيا باۋلۇڭ ساياسي كەڭەس مەملەكەتتىك 13 – كەزەكتى كوميتەتىنىڭ باس حاتشىلىعىنا سايلاندى ءارى ساياسي كەڭەس مەملەكەتتىك 13 – كەزەكتى كوميتەتىنىڭ 300 تۇراقتى مۇشەسى سايلاندى.
جيىن ساعات 15 تە حالىق سارايىندا اشىلدى. جاڭ چيڭلي، دۇڭ جيانحۋا، حى حوۋحۋا، لياڭ جىڭيىڭ جيىننىڭ اتقارۋشى ءتوراعالارى بولدى، جيىندى جاڭ چيڭلي باسقاردى. ساياسي كەڭەس مەملەكەتتىك 13 – كەزەكتى كوميتەتىنىڭ 2158 مۇشەسىنەن 2144 مۇشە جيىنعا قاتىناستى، بۇل سايلاۋدا بەلگىلەنگەن ادام سانىنا ۇيلەسەدى.
سايلاۋ باستالۋدان بۇرىن اۋەلى جيىننىڭ باسقارۋشىسى شاقىرعان قىزمەتكەر باس بەلەت باقىلاۋشىلاردىڭ، بەلەت باقىلاۋشىلاردىڭ ەسىمدىگىن جاريالادى. ىلە - شالا باس بەلەت باقىلاۋشىلار، بەلەت باقىلاۋشىلار جۇمىسقا كىرىسىپ، مايدانداعى 23 بەلەت ساندىعىن تەكسەردى. 2 باس بەلەت باقىلاۋشى جيىنعا بەلەت ساندىعىن تەكسەرۋ ناتيجەسىن مالىمدەدى.
وسىدان كەيىن قىزمەتكەرلەر سايلاۋ بەلەتىن تاراتتى. سايلاۋ بەلەتى ءتوراعانى، ورىنباسار ءتوراعالاردى، باس حاتشىسى سايلاۋ بەلەتى جانە تۇراقتى مۇشەلەردى سايلاۋ بەلەتى دەگەن 2 تۇرگە ءبولىندى.
ساياسي كەڭەس مەملەكەتتىك 13 - كەزەكتى كوميتەتى 1 – ءماجىلىسىنىڭ سايلاۋ ادىسىنە ساي، جيىن سايلاۋىندا جاسىرىن داۋىس بەرۋ ءادىسى قولدانىلدى. ءتوراعا، ورىنباسار ءتوراعا، باس حاتشى جانە تۇراقتى مۇشەلەر ۇقساس سالىسترماداعى سايلاۋ ءادىسى بويىنشا سايلاندى. كانديداتتار وزدەرىنە بەرىلگەن داۋىس سانى بارلىق مۇشە سانىنىڭ تەڭ جارىمىنان اسسا سايلانادى.
قىزمەتكەر سايلاۋ بەلەتىن تولتىرۋ تالابىن وقىعاننان كەيىن مۇشەلەر سايلاۋ بەلەتىن تولتىردى. داۋىس بەرۋ باستالعاننان كەيىن باس بەلەت باقىلاۋشىلار مەن بەلەت باقىلاۋشىلار بەلگىلەنگەن ورىندا تۇرىپ الدىمەن داۋىس بەلەتىن ساندىققا تاستادى، مۇشەلەر وتىرعان ورنى بويىنشا بەلگىلەنگەن بەلەت ساندىعىنا بەلەت تاستادى.
قىزمەتكەرلەر تاستالعان داۋىس بەلەتىن ەسەپتەپ بولعاننان كەيىن باس بەلەت باقىلاۋشىلار جيىن باسقارۋشىعا داۋىس بەرۋ ناتيجەسى جونىندەگى مالىمەتتى تاپسىردى.جيىن باسقارۋشى سايلاۋدىڭ كۇشكە يە بولعانىن جاريالادى.
داۋىس ەسەپتەلىپ بولعاننان كەيىن قىزمەتكەر سايلاۋ بەلەتىنىڭ ناتيجەسىن جاريالادى. سايلام ناتيجەسى ءتوراعا، ورىنباسار ءتوراعا، باس حاتشى جانە تۇراقتى مۇشەلەردەن 325 كانديداتقا جالپى مۇشەنىڭ تەڭ جارىمىنان استامى داۋىس بەرىپ، تۇگەلدەي سايلانعانىن كورسەتتى.
جاڭادان سايلانعان مەملەكەتتىك ساياسي كەڭەستىڭ ءتوراعاسى مەن ورىنباسار ءتوراعالارىنىڭ ورتاشا جاسى 64. ورىنباسار ءتوراعالاردىڭ ىشىندە كوممۋنيستىك پارتيا مۇشەسى 11 ادام، ج ك پ - دا جوق قايراتكەر 13 ادام، از ۇلت قايراتكەرلەرى 4 ادام، ايەلدەر ەكەۋ. جاڭادان سايلانعان تۇراقتى مۇشەلەردىڭ ورتاشا جاسى 59.3 جاس، بۇنىڭ ىشىندە ج ك پ – دا جوق قايراتكەرلەر 195 ادام، %65 ىن قۇرايدى؛ از ۇلت قايراتكەرلەرى 33 ادام؛ ايەلدەر 39.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
