چاۋشياننىڭ ەڭ جوعارى باسشىسى كيم جۇڭ – ۇن ۋاڭ يمەن كەزدەستى
2018.05.04 14:13 كەلۋ قاينارى : حالىق تورابى
شينحۋا اگەنتتىگى، 3 – مامىر، پحەنيان (چىڭ دايۇي، ۋ چياڭ) چاۋشيان ەڭبەكشىلەر پارتياسىنىڭ كوميتەت باستىعى، مەملەكەت ىستەرى كوميتەتىنىڭ كوميتەت باستىعى كيم جۇڭ – ۇن 3 – مامىردا پارتيا ورتالىق كوميتەتىنىڭ باس شتابىندا چاۋشيانعا ساپارلاي بارعان مەملەكەتتىك كەڭەس مۇشەسى جانە سىرتقى ىستەر مينيسترى ۋاڭ يمەن كەزدەستى.
ۋاڭ ي الدىمەن ءتوراعا شي جينپيڭنىڭ كوميتەت باستىعى كيم جۇڭ – ۇنعا جولداعان ىقىلاستى سالەمىن جەتكىزدى. ۋاڭ ي بىلاي دەدى: جۋىردا كوميتەت باستىعى جولداس جۇڭگوعا ءساتتى ساپارلادى، باس شۋجي شي جينپيڭ كوميتەت باستىعى جولداسپەن تاريحي سيپاتتى كەزدەسۋ وتكىزىپ، ءبىرقىدىرۋ ورتاق تانىمعا كەلىپ، جۇڭگو مەن چاۋشيان قارىم – قاتىناسىنىڭ جاڭا پاراعىن اشىپ، جۇڭگو – چاۋشيان قارىم – قاتىناسىنىڭ جاڭا دامۋ كەزەڭىنە تاستاعان قادامىن بىرگە جوسپارلادى جانە جول كورسەتتى. مەن بۇل جولعى ساپارىمدا ەكى ەلدىڭ ەڭ جوعارى باسشىلارى كەڭەسىپ ماقۇلداعان ىستەردى ويداعىداي، شىنايى ورىندايمىن.
ۋاڭ ي بىلاي دەدى: چاۋشيان جاق جاعدايعا قاراي ، باتىل شەشىم جاساپ، چاۋشيان تۇبەگى جاعدايىندا بەلسەندى وزگەرىس جاراتۋعا جەتەكشى بولدى. جۇڭگو جاق سولتۇستىك پەن وڭتۇستىك باسشىلارى كەڭەسىنىڭ ءساتتى بولعانىن ءارى تاريحي سيپاتتى «پانمۇنجەم جارناماسىن» جاريالاعانىن قولدايدى ءارى قۇتتىقتايدى. بۇل رەتكى كەڭەس تۇبەك ماسەلەسىن ساياسي جولمەن شەشۋگە ءتيىمدى وراي جاراتتى. جۇڭگو جاق تۇبەكتىڭ سوعىس كۇيىن اياقتاتىپ، جاراسۋ مەحانيزمىنە اۋىسۋدى ىسكە اسىرۋىنا قولداۋ كورسەتەدى، چاۋشيان جاقتىڭ ەكونوميكالىق قۇرىلىستى ستراتەگيالىق ءتۇيىن ەتۋگە ويىسۋىنا قولداۋ كورسەتەدى، چاۋشياننىڭ يادرولىق قارۋسىزداندىرۋ ۇردىسىندە ءوزىنىڭ ورىندى حاۋىپسىزدىگىن قورعاۋىن شەشىم ەتۋىنە قولداۋ كورسەتەدى. جۇڭگو جاق وسى جونىندە چاۋشيانمەن بايلانىستى ۇزبەي، سايكەسۋدى كۇشەيتۋدى قالايدى.
كيم جۇڭ – ۇن ۋاڭ يدان ءوزىنىڭ ءتوراعا شي جينپيڭعا دەگەن ىقىلاستى سالەمىن جەتكىزۋدى ءوتىندى. كيم جۇڭ – ۇن بىلاي دەدى: چاۋشيان - جۇڭگو دوستىعى ـ ەكى ەلدىڭ اعا بۋىن باسىشلارى قالدىرعان قىمباتتى مۇراسى، باعالى اسىلى. چاۋشيان مەن جۇڭگونىڭ دوستىعى مەن سەلبەستىگىن بەكەمدەۋ جانە دامىتۋ ـ چاۋشيان جاقتىڭ بۇلجىماس ستراتەگيالىق باعىتى. جۋىردا مەن جۇڭگودا تاريحي سيپاتتى ساپاردا بولىپ، ءتوراعا شي جينپيڭمەن كەڭ كولەمدە ىشكەرىلەي پىكىر الماستىرىپ، ماڭىزدى ورتاق تانىمعا كەلىپ، مول تابىستارعا قول جەتكىزدىك.
چاۋشيان جۇڭگو جاقپەن بىرگە چاۋشيان مەن جۇڭگونىڭ دوستىق قارىم – قاتىناسىن تىڭ، اناعۇرلىم جوعارى بەلەسكە كوتەرۋدى قالايدى. چاۋشيان جاق جۇڭگو جاقتىڭ چاۋشيان تۇبەگىنىڭ بەيبىتشىلىگى مەن ورنىقتىلىعىن قورعاۋ جاعىندا قوسقان بەلسەندى ۇلەسىن جوعارى باعالايدى، جۇڭگو جاقپەن ستراتەگيالىق بايلانىستى كۇشەيتۋدى قالايدى. كيم جۇڭ – ۇن بىلاي دەدى: تۇبەكتى يادرولىق قارۋسىزداندىرۋ ـ چاۋشيان جاقتىڭ بۇلجىماس تۇرعىسى. جۋىردان بەرى تۇبەكتىڭ جاعدايىندا تۋىلعان بەلسەندى وزگەرىستەردىڭ ءمانى تەرەڭ، بۇل تۇبەك ماسەلەسىن بەيبىت جولمەن شەشۋگە پايدالى. چاۋشيان جاق كەڭەسۋدى قالپىنا كەلتىرۋ ارقىلى ءوزارا سەنىمدىلىك ورناتىپ، تۇبەكتىڭ بەيبىتشىلىگىنە قاتەر توندىرەتىن ءتۇپ قاينار جونىندە تالقىلاۋدى جانە ونى جويۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
