شي جينپيڭ سولتۇستىك كورەيا ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن دالياندا كەزدەسۋ وتكىزدى
ۋاڭ حۋنيڭ قاتىستى قيمىلدارعا قاتىناستى
2018.05.09 15:05 كەلۋ قاينارى : حالىق تورابى
شينحۋا اگەنتتىگى، 8 – مامىر، داليان (ءتىلشى لي جۇڭفا). مامىردىڭ 7 - كۇنىنەن 8 – كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ سولتۇستىك كورەيا ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن دالياندا كەزدەسۋ وتكىزدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ قاتىستى قيمىلدارعا قاتىناستى.
مامىرداعى دالياننىڭ تاۋلارى جاسىل جەلەك جامىلىپ، كوك تەڭىز باياۋ تولقىپ، اسپاندا اقشا بۇلتتار قالقيدى. شي جينپيڭ كيم جوڭ - ۇنمەن كەڭەس وتكىزدى، سونداي - اق كيم جوڭ - ۇنگە قارسى الۋ قوناعاسىسىن بەردى، ونىمەن بىرگە سەرۋەندەپ، تۇسكى قوناعاسىعا قاتىناستى، ەكى پارتيانىڭ، ەكى ەلدىڭ ەڭ جوعارى باسشىلارى جۇڭگو مەن سولتۇستىك كورەيانىڭ قارىم - قاتىناسى جانە بىرگە نازار اۋدارىپ وتىرعان ماڭىزدى ماسەلەلەر جونىندە شىنايى دوستىقپەن جان - جاقتى، ىشكەرىلەي پىكىر الماستىردى.
شي جينپيڭ مىنالاردى اتاپ كورسەتتى: كوميتەت باستىعى جولداستىڭ كورەي تۇبەگى جاعدايىندا تەرەڭ، كۇردەلى وزگەرىس بولىپ جاتقان شەشۋشى ساتتە اراعا 40 نەشە كۇن سالىپ جۇڭگوعا تاعى ءبىر رەت ارنايى كەلىپ، مەنىمەن كەزدەسۋ وتكىزۋى كوميتەت باستىعى جولداس پەن سولتۇستىك كورەيا ەڭبەك پارتياسى ورتالىق كوميتەتىنىڭ جۇڭگو مەن سولتۇستىك كورەيا ەكى پارتياسىنىڭ، ەكى ەلدىڭ قارىم - قاتىناسىنا، ەكى پارتيانىڭ، ەكى ەلدىڭ ستراتەگيالىق پىكىرلەسۋىنە ايرىقشا ءمان بەرەتىنىن ايگىلەدى، مەن مۇنى جوعارى باعالايمىن. مەن كوميتەت باستىعى جولداسپەن العاشقى رەت كەزدەسكەننەن بەرى جۇڭگو - سولتۇستىك كورەيا قارىم - قاتىناسى مەن كورەي تۇبەگىنىڭ جاعدايى تۇگەلدەي بەلسەندى ىلگەرىلەۋشىلىككە قول جەتكىزدى، بۇعان ايرىقشا قۋانىشتىمىن، كوميتەت باستىعى جولداسپەن تاعى ءبىر رەت كەڭەس وتكىزىپ، جۇڭگو - سولتۇستىك كورەيا قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋ، كورەي تۇبەگىنىڭ باياندى تىنىشتىعىن جۇزەگە اسىرۋ، ءوڭىردىڭ بەيبىتشىلىگىن، ورنىقتىلىعىن، گۇلدەنۋىن جەبەۋ ءۇشىن بىرگە قۇلشىنۋدى قالايمىن.
كيم جوڭ - ۇن بىلاي دەدى: بيىل ناۋرىزدان بەرى سولتۇستىك كورەيا مەن جۇڭگونىڭ دوستىعى جانە كورەي تۇبەگى جاعدايى مول مانگە يە ىلگەرىلەۋشىلىككە قول جەتكىزدى، بۇل − مەنىڭ باس شۋجي جولداسپەن تاريحي كەزدەسۋىمنىڭ بەلسەندى جەمىسى. قازىرگى ءوڭىر جاعدايى جەدەل دامىعان شەشۋشى مەزگىلدە مەن تاعى ءبىر رەت جۇڭگوعا كەلىپ، باس شۋجيمەن كەزدەستىم جانە قاتىستى جاعدايلاردى حابارلاندىردىم، مەن جۇڭگومەن ستراتەگيالىق پىكىرلەسۋدى جانە ىنتىماقتاستىقتى كۇشەيتۋدى، سولتۇستىك كورەيا - جۇڭگو دوستىعىنىڭ ىشكەرىلەي دامۋىن ىلگەرىلەتۋدى، ءوڭىردىڭ بەيبىتشىلىگى مەن ورنىقتىلىعىن جەبەۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
