ورتالىقتىڭ قۋعىنداۋ - تۇتقىنداۋ كەڭسەسى شەتەلگە قاشىپ كەتكەن 50 ادامنىڭ دەرەگىن جاريالادى
2018.06.07 15:39 كەلۋ قاينارى : حالىق تورابى
حالىق تورابى، 6 – ماۋسىم، بەيجيڭ. ورتالىق ءتارتىپ تەكسەرۋ كوميتەتى مەملەكەتتىك باقىلاۋ كوميتەتى تورابىنىڭ حابارىنا قاراعاندا، پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جەمقورلىققا قارسى تۇردىڭ مەملەكەتتىك قۋعىنداۋ – تۇتقىنداۋ، ارام اقشانى قايتارىپ اكەلۋ قىزمەتىنە كەلەلى شەشىم، ورنالاستىرۋلار جاساپ، پارتيانى جاپپاي قاتاڭ باسقارۋ جانە جەمقورلىققا قارسى تۇرۋ كۇرەسىنىڭ جاڭا مايدانىن اشتى. ورتالىق جەمقورلىققا قارسى تۇرۋ، سايكەستىرۋ گرۋپپاسىنىڭ سايكەسۋىمەن، ورتالىق قۋعىنداۋ – تۇتقىنداۋ كەڭسەسى ورتالىق كوميتەتتىڭ شەشىم، ورنالاستىرۋلارىن باتىل دايەكتى تياناقتاندىرىپ، ءبىر تۇتاس جوسپارلاپ، سايكەسۋدى كۇشەيتىپ، جەر – جەر ءارقايسى تاراۋلاردى بەلسەنە ارەكەتكە كەلتىرىپ، تىعىز سايكەسۋ ارقىلى، قۋعىنداۋ – تۇتقىنداۋ، ارام اقشالاردى قايتارىپ اكەلۋ قىزمەتىندە كەزەڭدىك تابىسقا قول جەتكىزدى. 2018 – جىلى ءساۋىردىڭ سوڭىنا دەيىن، «اسپاندا تور ارەكەتى» ارقىلى 90 نان استام مەملەكەت پەن رايونعا قاشىپ كەتكەن 4 مىڭ 141 ادام ىلگەرىندى – كەيىندى ۇستالدى، بۇلاردىڭ ىشىندە 825 ادام ۇكىمەت قىزمەتكەرى، 52 ادام «قىزىل ءتۇستى قۋعىنداۋ بۇيرىعى شىعارىلعان 100 ادام» بولىپ، 10 ميلليارد يۋانعا جۋىق ارام اقشا قايتارىپ اكەلىندى.
حالىق بۇقاراسى شەتەلگە قاشىپ كەتكەن جەمقورلارعا قاتتى كەكتەنىپ، ولاردىڭ زاڭ جازاسىنا ەرتەرەك تارتىلۋىن ارمانداعان ەدى. 2017 – جىلى ساۋىردە ورتالىق قۋعىنداۋ – تۇتقىنداۋ كەڭسەسى «شەتەلگە قاشقان ءىشىنارا ادامداردىڭ جاسىرىنعان دەرەگى جونىندەگى حابارلاندىرۋدى» جاريالاپ، «قىزىل ءتۇستى قۋعىنداۋ بۇيرىعى شىعارىلعان 100 ادامنىڭ» تىزىمدىگىندەگى قاشىپ ۇستاتپاي جۇرگەن 22 ادامنىڭ جاسىرىنۋ دەرەگىن قوعامعا جاريالادى. «حابارلاندىرۋدا» شەتەلگە قاشقاندارعا كۇشتى سەس كورسەتىپ، ەل ىشىندەگى حالىق بۇقاراسى، شەتەلدەگى جۇڭگولىق مۇھاجىرلاردىڭ بەلسەنە جىپ ۇشىمەن قامداۋىمەن، دەرەگىن ىزدەپ تابۋعا كومەكتەسىپ، سايكەسۋدى ورىستەتىپ، وتانعا قايتىپ كەلۋگە ءناسيحات جۇرگىزدى. قازىرگە دەيىن، جوعارىداعى «حابارلاندىرۋدا» اتى اتالىپ، ءتۇسى تۇستەلگەن رىن بياۋ، شۇي شۋەۋەي، ليۋ چاڭكاي، حۋاڭ حۇڭ، حى جيان، لي ۋىنگى سىندى 6 ادام «قىزىل ءتۇستى قۋعىنداۋ بۇيرىعى شىعارىلعان 100 ادامنىڭ» ىشىندە بار بولىپ، ەلگە قايتىپ وزدەرىن مالىمدەدى. ۇزدىكسىز تاراتىلا بەرەتىن «حابارلاندىرۋدىڭ» ماقساتى – بۇقاراعا تىعىز سۇيەنىپ، بۇقارانى بەلسەنە اتتانىسقا كەلتىرۋ، قۋعىنداۋ – تۇتقىنداۋ، ارام اقشالاردى قايتارىپ اكەلۋدىڭ اسپاندا تور جايىپ، جەردە قاقپان قۇرۋ قيمىلىن اناعۇرلىم كۇشەيتۋ ارقىلى، شەتەلگە قاشقاندار اسپانعا شىقسا اياعىنان، جەرگە كىرگە شاشىنان تارتىپ ءتۇسىرۋ بولماق. سونىمەن بىرگە، پاش ەتكەندەردىڭ ۇقىق – مۇددەسىن زاڭ بويىنشا قورعاۋعا ءمان بەرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
