عىلمي جوبالاۋ، جاسىل دامۋ
شينجياڭ مەملەكەت دارەجەلى 26 جاسىل شاحتا قۇردى
2018.06.05 16:13 كەلۋ قاينارى : شينجياڭ گازەتى
حالىق تورابى، 5 - ماۋسىم، بەيجيڭ. «بۇگىن ءبىز ءبىر ميلليون يۋان اينالاسىندا قارجى قوسىپ، كونە كەن رايونىنىڭ ورتاسىن جونگە سالۋدى جوسپارعا الدىق. سونىمەن قاتار، جۇمىسشى - قىزمەتشىلەردى اعاش ەگۋگە جۇمىلدىرىپ، تۇرمىس، قىزمەت ورتاسىن جاسىلداندىرماقشىمىز»، دەدى 1 - ماۋسىم، شينجياڭ ياكىسى بايلىق قاينارىن اشۋ شەكتى جارنا سەرىكتەستىگى مەڭگەرۋشىسىنىڭ ورىنباسارى يان شۋەجۇن تەلەفوندا تىلشىگە.
شينجياڭ ياكىسى بايلىق قاينارىن اشۋ شەكتى جارنا سەرىكتەستىگىنىڭ (تومەندە قىسقاشا ياكىسى سەرىكتەستىگى دەلىنەدى) حۋاڭشان مىس، نيكەل كەنى ءشول ءجازيراعا ورنالاسقان، 2009 - جىلدان باستاپ ياكىسى سەرىكتەستىگى عىلمي زەرتتەۋ ورىندارىمەن سەلبەسىپ، قالامشا وتىرعىزۋ جانە وسىمدىك، جامىلعى ارقىلى ءشول ءجازيراداعى شاحتانى جاسىلداندىرۋعا كىرىسكەن. ياكىسى سەرىكتەستىگىندەگى بارلىق جۇمىسشى - قىزمەتشىلەردىڭ قاجىرلىلىقپەن قۇلشىنۋىنىڭ ارقاسىندا، قازىرگە دەيىن كەن رايونىنىڭ مىڭ مۋ اۋماعى جاسىل جامىلعىمەن كومكەرىلدى. 2014 - جىلى تامىز ايىندا ياكىسى سەرىكتەستىگى «مەملەكەت دارەجەلى جاسىل شاحتا سىناق ءتۇيىنى ورنى» بولىپ باعالاندى.
«بۇل ءوڭىر جەل ءوتى، بۇرىن ورمان بولماعان كەزدە سوققان بوران كوزدى اشتىرمايتىن، ءتىپتى، بوران ۇشىرعان قيىرشىق تاستار بەت قاراتپايتىن. ال قازىر كەن رايونى ماڭىندا بوران قانشا قاتتى سوقسا دا كەن رايونىنا جەتكەندە كورنەكتى باسەيەتىن بولدى، جۇمىسشى - قىزمەتشىلەر جاسىل جامىلعىنىڭ جاقسىلىعىن اڭعاردى، قازىر ولار اعاش، ءشوپ ەگۋگە توتەنشە بەلسەندى»، - دەدى يان شۋەجۇن.
ۇعىسۋعا قاراعاندا، سوڭعى 5 جىلدا، مەملەكەت پەن شينجياڭ ۇيعۇر اۆتونوميالى رايونى قازىنادان ارت - ارتىنان 400 نەشە ميلليون يۋان قارجى شىعارىپ، 52 شاحتانىڭ گەولوگيالىق ورتاسىن جونگە سالۋ جونىندە الدىڭعى كەزەڭدىك بارلاۋ جۇرگىزۋ قىزمەتىن، 96 شاحتانىڭ گەولوگيالىق ورتاسىن جونگە سالۋ نىسانىن، جالپى 4710 گەكتار جەردى قالپىنا كەلتىرۋ جۇمىسىن ورنالاستىرعان.
«تاياۋدا <شينجياڭ ۇيعۇر اۆتونوميالى رايونىنىڭ جاسىل شاحتا قۇرىلىسىن باسقارۋ ءادىسى (سىناق رەتىندە اتقارىلادى)> باسىپ تاراتىلدى جانە اتقارىلدى، سونىمەن كەن ءونىمى بايلىعىن اشۋ جالپى بارىسى عىلمي، ءتارتىپتى باقىلانىپ، باسقارىلىپ، بايلىقتى اشۋ، پايدالانۋ مەن ەكولوگيالىق ورتانى قورعاۋدىڭ سايكەسىمدىلىگى جەبەلدى»، - دەدى اۆتونوميالى رايوندىق جەر بايلىعى مەڭگەرمەسى جوبالاۋ باسقارماسى تەكسەرىپ - زەرتتەۋشىسىنىڭ ورىنباسارى جىن جىچياڭ.
قازىر شينجياڭ مەملەكەت دارەجەلى 26، اۆتونوميالى رايون دارەجەلى 6 جاسىل شاحتا قۇردى، مۇندا تەمىر، مىس، نيكەل، التىن، سيرەك كەزدەسەتىن مەتال، مىرىش، مۇناي، كومىر جانە كاليلى تۇز سياقتى كەن ونىمدەرى قامتىلادى.
«تۇتاس شينجياڭ ۇيعۇر اۆتونوميالى رايونىنىڭ جاسىل شاحتا قۇرىلىسىن جەدەل ىلگەرىلەتۋ ءۇشىن، جاسىل شاحتا قۇرۋعا قاتىستى وتىنىشتەردى دەر كەزىندە مالىمدەپ، قاراپ، جاڭادان قۇرىلعان شاحتالاردى جاسىل شاحتا ولشەمى بويىنشا قۇرۋدى تالاپ ەتتىك، بۇرىن قۇرىلعان شاحتالاردى جاسىل شاحتا ولشەمىنە بىرتىندەپ جەتكىزىپ، بايلىقتى اشۋ مەن قورشاعان ورتانى قورعاۋدىڭ سايكەستى دامۋىن بىرتىندەپ جۇزەگە اسىردىق»، - دەدى جىن جىچياڭ.
كەلەسى قادامدا، شينجياڭ كومىر، مۇناي، تابيعي گاز، تەمىر، مىس، التىن، اكتاس سياقتى شينجياڭداعى 10 ءتۇرلى كەن ءونىمى كاسىبى سالاسى بويىنشا جاسىل شاحتا قۇرىلىسى ولشەمىن شىعارىپ، 2020 - جىلعا بارعاندا شينجياڭدا 400دەن استام جاسىل شاحتا، 6 جاسىل كەن كاسىبىن دامىتۋدان ۇلگى كورسەتۋ رايونىن قۇرۋعا كۇش سالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
