شي جينپيڭ وڭتۇستىك افريكانىڭ پرەزيدەنتى راماپوسامەن كەڭەس وتكىزدى
2018.07.25 15:29 كەلۋ قاينارى : حالىق تورابى
«حالىق گازەتى»، 24 – شىلدە، پرەتوريا (تىلشىلەر گۋان كىجياڭ، دۋ شاڭزى، لي جى - ۋەي). مەملەكەت ءتوراعاسى شي جينپيڭ 24 - شىلدەدە پرەتوريادا وڭتۇستىك افريكانىڭ پرەزيدەنتى راماپوسامەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن وڭتۇستىك افريكانىڭ ءداستۇرلى دوستىعىن جوعارى باعالاپ، جاڭا داۋىردەگى جۇڭگو مەن وڭتۇستىك افريكانىڭ جالپى بەتتىك ستراتەگيالىق ارىپتەستىك قاتىناسىن ىلگەرىلەتۋ جونىندە ماڭىزدى ورتاق تانىم قالىپتاستىرىپ، جوعارى جىكتەگىلەردىڭ بارىس - كەلىسىن كۇشەيتىپ، ساياسي سەنىمدىلىكتى تەرەڭدەتىپ، دامۋ ستراتەگياسىن ۇشتاستىرىپ، ناقتى ىستەر سەلبەستىگىن ىلگەرىلەتىپ، گۋمانيتارلىق اۋىس - كۇيىستى جيىلەتىپ، ەكى ەل حالقىن جۇڭگو مەن وڭتۇستىك افريكانىڭ سەلبەستىك تابىسىنان اناعۇرلىم كوپ يگىلىكتەندىرۋگە ءبىر اۋىزدان قوسىلدى.
شي جينپيڭ راماپوسانىڭ جۇڭگو مەن وڭتۇستىك افريكانىڭ ديپلوماتيالىق قاتىناسىن ىلگەرىلەتۋ جانە ەكى ەل قاتىناسىنىڭ دامۋىن جەبەۋ جولىندا قوسقان ماڭىزدى ۇلەسىن القادى. شي جينپيڭ مىنالاردى اتاپ كورسەتتى: جۇڭگو مەن وڭتۇستىك افريكا تۇگەلدەي ماڭىزدى ىقپالعا يە وركەندەپ كەلە جاتقان ءىرى ەلدەر جانە بازارى جاڭادان گۇلدەنگەن ەلدەر. ديپلوماتيالىق قاتىناس ورناتقان 20 جىلدان بەرى، ەكى جاق سەلبەسىپ تەڭ يگىلىككە كەنەلۋگە، ورتاق دامۋعا كۇش سالىپ، باستان - اياق بەينەت پەن زەينەتتە بىرگە بولىپ، قيىن - قىستاۋ كۇندەردى بىرگە وتكەرىپ، شىنايى دوستىق، سەنىمدىلىك، توتەنشە تاتۋ «جولداستىق، باۋىرلاستىق» قاتىناس ورناتتى. جۇڭگو - وڭتۇستىك افريكا قاتىناسى ارىپتەستىك قاتىناستان ستراتەگيالىق ارىپتەستىك قاتىناس، ونان سوڭ جالپى بەتتىك ستراتەگيالىق ارىپتەستىك قاتىناس ورناتۋداي كەلەلى سەكىرىستى جۇزەگە اسىرىپ، ەكى ەل حالقىنا ناقتى پايدا جەتكىزدى. جۇڭگو وڭتۇستىك افريكامەن بىرگە ەكى ەلدىڭ ديپلوماتيالىق قاتىناس ورناتقانىنىڭ 20 جىلدىعىن وراي ەتىپ، بيىلعى تەبىندى ەلدەر باسشىلارىنىڭ يوحاننەسبۋرگ كەڭەسىن جانە جۇڭگو - افريكا سەلبەستىك تالقى مىنبەسىنىڭ بەيجيڭدەگى باسشىلار باس قوسۋىن ويداعىداي وتكىزۋگە قولداۋ كورسەتىپ، الدىڭعىعا مۇراگەر بولىپ، كەيىنگىگە جول اشىپ، الدىڭعىلاردىڭ ءىزىن باسىپ، بولاشاققا جول اشىپ، جۇڭگو مەن وڭتۇستىك افريكانىڭ جالپى بەتتىك ستراتەگيالىق ارىپتەستىك قاتىناسىنىڭ اناعۇرلىم مول ناتيجە بەرۋىن ىلگەرىلەتىپ، ەكى ەل حالقىن اناعۇرلىم باقىتقا كەنەلتۋدى قالايدى.
شي جينپيڭ مىنالاردى دارىپتەدى: قازىر جۇڭگو - وڭتۇستىك افريكا قاتىناسى جاڭا تاريحي باستامادا تۇر. مەن جۇڭگو مەن وڭتۇستىك افريكانىڭ جالپى بەتتىك ستراتەگيالىق ارىپتەستىك قاتىناسىنىڭ تەرەڭدەي دامۋىن ىلگەرىلەتۋ جونىندە مىناداي ۇسىنىس قويامىن:
ءبىرىنشى، ەكى جاق جوعارى جىكتەگىلەردىڭ بارىس - كەلىسىن كۇشەيتىپ، ساياسي سەنىمدىلىكتى نىعايتىپ، ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن قولداپ، ءبىر - ءبىرىنىڭ وزەكتى مۇددەسىىنە جانە قاداعالاي نازار اۋدارىپ وتىرعان ىستەرىنە ساياتىن ماسەلەلەردە ۇزدىكسىز ءتۇسىنىسىپ جانە قولداۋ كورسەتىپ، ەكى ەل ۇكىمەتتەرى، زاڭ شىعارۋ قۇرىلىمدارى سياقتى سالالارداعى بارىس - كەلىستى جيىلەتىپ، جۇڭگو مەن وڭتۇستىك افريكانىڭ پارتيالار ارا اۋىس - كۇيىسىن، سەلبەستىگىن تەرەڭدەتۋ كەرەك.
ەكىنشى، ەكى جاق «ءبىر بەلدەۋ، ءبىر جول» جانە جۇڭگو - افريكا سەلبەستىك تالقى مىنبەسى اياسىندا سەلبەستىكتى كۇشەيتىپ، دامۋ ستراتەگياسىن ۇشتاستىرىپ، جاڭا ەكونوميكالىق سالاداعى جانە تىڭنان وركەندەپ كەلە جاتقان ومىرشەڭ كاسىپتەردەگى اۋىس - كۇيىستى، سەلبەستىكتى تەرەڭدەتىپ، 4 - رەتكى ونەركاسىپ توڭكەرىسىىنەن تۋىنداعان دامۋ ورايىنان بىرگە يگىلىكتەنۋ كەرەك. جۇڭگو نەگىزدىك قۇرىلعى قۇرىلىسى، ساۋدا، قارجى قوسۋ، عىلىم - تەحنيكادا جاڭالىق جاراتۋ، فينانس سياقتى سەلبەستىكتى ءتۇيىندى ىلگەرىلەتىپ، وڭتۇستىك افريكا ۇكىمەتىنىڭ ەكونوميكانى دامىتۋ، جۇمىس ورنىن دايىنداۋ، حالىق تۇرمىسىن جاقسارتۋ، قوعامدىق بۇرىلىستى ىلگەرىلەتۋ قۇلشىنىسىنا قولداۋ كورسەتۋدى قالايدى.
ءۇشىنشى، ەكى جاق گۋمانيتارلىق اۋىس - كۇيىس دانەكەرىن كۇشەيتىپ، سەلبەسۋ بارىسىندا حالىقتى وزەك ەتۋدە تاباندى بولىپ، ەكى جاقتىڭ ادامدار ارا بارىس - كەلىسكە قولايلىلىق جاساۋ، مادەنيەت جانە دەنە تاربيە اۋىس - كۇيىسىن كۇشەيتۋ سياقتى جاقتاردا كەلىسكەن ورتاق تانىمىن ەرتەرەك تياناقتاندىرىپ، ادام كۇشى بايلىعىن اشۋ، ساياحات سەلبەستىكتەرىن تەرەڭدەتىپ، جۇرت تىلەگىنىڭ توعىسۋىن جەبەۋ كەرەك.
ءتورتىنشى، ەكى جاق حاۋىپسىزدىك جاعىنداعى زاڭ اتقارۋ سەلبەستىگىن كۇشەيتۋ كەرەك. جۇڭگو وڭتۇستىك افريكامەن زاڭ اتقارۋ قابىلەت قۇرىلىسى سەلبەستىگىن كۇشەيتۋدى قالايدى.
بەسىنشى، ەكى جاق ب م ۇ، 20 ەل توبى، تەبىندى ەلدەر، كليمات وزگەرىسىندەگى «نەگىزدىك ءتورت ەل» سياقتى كوپ جاقتى جۇلگەدەگى سەلبەستىكتى جيىلەتىپ، كوپ جاقتىلىقتى بىرگە قورعاپ، سىڭار جاقتىلىققا، قورعانىمپازدىققا بىرگە قارسى تۇرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
