شي جينپيڭنىڭ «25 – قاڭتارداعى» اقپارات قۇرالدارىن توعىستىرا دامىتۋ جونىندەگى ون اۋىز باعالى ءسوزى

2019.01.28 16:39   كەلۋ قاينارى : حالىق تورابى

　　قۇراستىرۋشىدان: ج ك پ ورتالىق كوميتەتىنىڭ ساياسي بيۋروسى 1 - ايدىڭ 25 - كۇنى تۇستەن بۇرىن جالپىلىق اقپارات قۇرالدارى ءداۋىرى جانە اقپارات قۇرالدارىن توعىستىرا دامىتۋ جونىندە 12 - رەتكى توپتىق ۇيرەنۋىن وتكىزدى، شي جينپيڭنىڭ باستاۋىندا ج ك پ ورتالىق كوميتەتى ساياسي بيۋروسىنداعى جولداستار حالىق گازەتى مەكەمەسىنىڭ جاڭا اقپارات قۇرالى عيماراتىنا كەلدى ءارى حالىق تورابى جالپىلىق اقپارات قۇرالدارىنىڭ تاراتۋ - مەڭگەرۋ ورتالىعىندا حالىق تورابىنىڭ باسالقاسى يە جىنجىننىڭ اقپارات قۇرالدارىن توعىستىرا دامىتۋ جونىندە جاساعان تۇسىنىگىن تىڭدادى، اقپارات قۇرالدارىن توعىستىرا دامىتۋ جونىندە تالقى ورىستەتتى. ج ك پ ورتالىق كوميتەتىنىڭ باس شۋجيى شي جينپيڭ ماڭىزدى ءسوز سويلەدى، حالىق تورابى وسى ماڭىزدى سوزدەن ون اۋىز باعالى ءسوزدى ارنايى سۇرىپتاپ، توراپتاستاردىڭ نازارىنا ۇسىنىپ وتىر.

　　1. اقپارات قۇرالدارىن توعىستىرا دامىتۋدى ىلگەرىلەتۋ، جالپىلىق اقپارات قۇرالىن قۇرۋ ءبىز ءدوپ كەلگەن شۇعىل تاقىرىپقا اينالدى. ينفورماتسيا توڭكەرىسىنىڭ تابىسىنان پايدالانىپ، اقپارات قۇرالدارىن توعىستىرا تەرەڭدەي دامىتۋدى ىلگەرىلەتىپ، نەگىزگى اعىمدىق قوعامدىق پىكىردى ۇلعايتىپ، كۇشەيتىپ، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاساۋىنىڭ ورتاق يدەيالىق نەگىزىن بەكەمدەپ، «ەكى 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن مىعىم رۋحاني كۇش جانە قوعامدىق پىكىر قولداۋىن ۇسىنۋ كەرەك.

　　2. جالپىلىق اقپارات قۇرالدارى ۇزدىكسىز دامىپ، جالپى بارىستىق اقپارات قۇرالى، تولىق ينفورماتسيالى اقپارات قۇرالى، جالپى جۇرت ات سالىساتىن اقپارات قۇرالى، جالپى ونىمدىلىك اقپارات قۇرالى جارىققا شىعىپ، ينفورماتسيا بارلىق جەردەن تابىلىپ، بارلىق جەرگە تارالىپ، بارلىق ادام قولدانىپ، قوعامدىق پىكىر ەكولوگياسىندا، اقپارات قۇرالدارى جۇلگەسىندە، تاراتۋ تاسىلىندە تەرەڭ وزگەرىس تۋىلىپ، اقپارات قوعامدىق پىكىر قىزمەتى تىڭ سايىستارعا ءدوپ كەلدى.

　　3. اقپارات قۇرالدارىن توعىستىرا دامىتۋدى ىلگەرىلەتۋدە ءبىر تۇلعالاندىرىپ دامىتۋ بەتالىسىنان جازباي، بارىسىن ساپالىلاندىرىپ، تەكشەنى قايتا سومداپ، ءار ءتۇرلى دانەكەر بايلىعىن، ءوندىرىس فاكتورىن ءونىمدى بىرىكتىرىپ، ينفورماتسيا مازمۇنىن، تەحنيكا قولدانىلىمىن، تەكشە تەرمينالىن، باسقارۋ ءتاسىلىن بىرگە توعىستىرىپ، ءوزارا بايلانىستىرىپ، توعىسۋدان تۋىنداعان ساپا وزگەرىسىن جەدەلدەتىپ، ءبىر تۇلعالى اسەرىن زورايتىپ، قۇدىرەتتى ىقپالعا، باسەكەلىك قۋاتقا يە جاڭاشا نەگىزگى اقپارات قۇرالدارىن قالىپتاستىرۋ كەرەك.

　　4. جىلجىمالى تاراتۋدى الدىمەن دامىتۋ تاكتيكاسىنان جازباي، نەگىزگى اقپارات قۇرالدارىنىڭ جىلجىمالى تاراتۋدان پايدالانىپ، قوعامدىق پىكىرگە جەتەكشىلىك ەتۋ، يدەياعا جەتەكشىلىك ەتۋ، مادەنيەتكە مۇراگەرلىك ەتۋ، حالىققا قىزمەت وتەۋ سىندى تاراتۋداعى بيىك تۇعىردى مىقتاپ يەلەۋىنە مۇمكىندىك جاراتۋ كەرەك.

　　5. جاساندى زەردەنى اقپارات جيناۋعا، شىعارۋعا، تاراتۋعا، قابىلداۋعا، اڭىس ەتۋگە قولدانۋ جونىندە ىزدەنىس جاساپ، قوعامدىق پىكىرگە جەتەكشىلىك ەتۋ قابىلەتىن جاپپاي جوعارىلاتۋ كەرەك.

　　6. ءداستۇرلى اقپارات قۇرالدارى مەن جاڭادان گۇلدەنگەن اقپارات قۇرالدارىنىڭ، ورتالىق اقپارات قۇرالدارى مەن جەرگىلىكتى ورىن اقپارات قۇرالدارىنىڭ، نەگىزگى اقپارات قۇرالدارى مەن ساۋدا تەكشەلەرىنىڭ، الەۋمەتتەنگەن اقپارات قۇرالدارى مەن كاسىپتىك اقپارات قۇرالدارىنىڭ قاتىناسىن ءبىر تۇتاس جوسپارلاپ، جاقسى ءبىر جاقتى ەتىپ، بايلىق شوعىرلانعان، قۇرىلىمى ۇيلەسىمدى، پارىقتى دامىعان، سايكەستى، جوعارى ءونىمدى جالپىلىق اقپارات قۇرالدارىنىڭ تاراتۋ جۇيەسىن قالىپتاستىرۋ كەرەك.

　　7. جاڭادان گۇلدەنگەن اقپارات قۇرالدارىن باسقارۋدى زاڭ بويىنشا كۇشەيتىپ، تور كەڭىستىگىمىزدىڭ اناعۇرلىم تازا بولۋىنا مۇمكىندىك جارتۋ كەرەك.

　　8. جوعارى دەڭگەيدە جوبالاۋدى تىڭعىلىقتى ىستەپ، جاڭاشا تاراتۋ تەكشەسىن ورناتىپ، جاڭاشا نەگىزگى اقپارات قۇرالدارىن قۇرىپ، نەگىزگى اعىم قۇن ىقپالىنا يە الاپتى كەڭەيتىپ، پارتيا ءۇنىنىڭ اناعۇرلىم اشىق، اناعۇرلىم كەڭ، اناعۇرلىم ىشكەرىلەي تارالۋىنا مۇمكىندىك جاراتۋ كەرەك.

　　9. نەگىزگى اقپارات قۇرالدارى ءتىپتى دە كوپ ناقتى، وبيەكتيۆ، كوزقاراسى ايقىن ينفورماتسيا مازمۇندارىمەن دەر كەزىندە قامداپ، قوعامدىق پىكىر ءورىسىنىڭ ىرىقتىلىق ۇقىعى مەن جەتەكشىلىك ۇقىعىن يگەرۋى كەرەك.

　　10. پارتيا گازەتى، پارتيا جۋرنالى تاراتۋ ءتاسىلى قۇرىلىسىن جانە جاسامپازدىعىن كۇشەيتىپ، توراپ بەكەتى، ميكرو بلوگ، ۋيچات، ەلەكتروندى گازەت وقۋ ايدارشاسى، قولفون گازەتى، ينتەرنەت تەلەۆيزياسى سياقتى ءتۇرلى جاڭا اقپارات قۇرالدارىن دامىتۋ، ءتۇرلى ىقپالداستىق، قىزمەت وتەيتىن، باستان وتكىزەتىن اقپارات ينفورماتسياسى قىزمەتىن بەلسەنە دامىتىپ، اقپارات تاراتۋدىڭ شار تاراپتى قامتۋىن، تاۋلىك بويى ءۇزىلىسسىز تارالۋىن، كوپ سالاعا كەڭەيۋىن جۇزەگە اسىرىپ، پارتيا ءۇنىنىڭ ءتۇرلى تۇتىنۋشى تەرمينالدارعا تىكەلەي جەتۋىن ىلگەرىلەتىپ، جاڭا قوعامدىق پىكىر ورتاسىن قۇلشىنا يەلەۋى كەرەك.

　　كەلۋ قاينارى: حالىق تورابى