مەكسيكادا مۇناي تاسىمالداۋ قۇبىرى پارتىلاپ، قازىرگە دەيىن 79 ادام قازا بولدى

2019.01.21 14:59   كەلۋ قاينارى : حالىق تورابى

　　حالىق گازەتى، 1 – ايدىڭ 20 – كۇنى مەكسيكا قالاسى (ءتىلشى: ليۋ شۇيشيا) مەكسيكا دەنساۋلىق ساقتاۋ مينيسترلىگىنىڭ مينيسترى يورگە الساسەردىڭ 1 – ايدىڭ 20 – كۇنى ايتۋىنشا، اتالعان ەلدە 1 – ايدىڭ 18 – كۇنى مۇناي تاسىمالداۋ قۇبىرىندا تۋىلعان قوپارىلىستا قازا بولعانداردىڭ سانى 70 ادامعا جەتكەن، مۇنان سىرت، كەمىندە 81 ادام جارالانعان.


　　مەكسيكادا زاڭسىز ەلەمەنتتەردىڭ مۇناي ۇرلاۋىنىڭ كەسىرىنەن، مەكسيكانىڭ ورتا بولەگىندەگى حيدالگو شتاتى تراۆەلليپان قالاسىنداعى مۇناي تاسىمالداۋ قۇبىرىندا 1 – ايدىڭ 18 – كۇنى قوپارىلىس تۋىلىپ، كوپ ادام قازا بولعان، جارالانعان. جەرگىلىكتى اقپارات قۇرالدارىنىڭ حابارلاۋىنشا، وقيعا تۋىلعان جەرگە نەشە ءجۇز ادام جينالعان، كوپ ادام اۋىر جارالانعان.


　　مەكسيكانىڭ باس پروكۋرورى الەحاندرو حەرتس مانيەرونىڭ اقپارات قۇرالدارىنا ايتۋىنشا، العاشقى تەكسەرۋ ناتيجەلەرىنە قاراعاندا، وقيعا تۋىلعان جەردىڭ ماڭىندا مۇناي گازى جايىلعان، بۇل قۇبىرداعى تاسىمالدانىپ جاتقان مۇناي سۇيىقتىعىمەن جاناسۋ بارىسىندا قوپارىلىس تۋدىرعان بولۋى مۇمكىن. قازىر مۇناي ۇرلاعاندار ءالى قولعا تۇسپەگەن.


　　كەلۋ قاينارى: حالىق تورابى