11 قالا سىناق ءتۇيىنى ەتىلدى
تاڭدالاتىن ءدارى – دارمەكتىڭ باعاسى ورتاشا ٪52 تومەندەدى (ساياساتتىق تۇسىنىك)
2019.01.18 16:36 كەلۋ قاينارى : حالىق تورابى
«حالىق گازەتى»، 1 – ايدىڭ 17 – كۇنى، بەيجيڭ (ءتىلشى لي حۇڭمەي). بەيجيڭ، تيانجين، شاڭحاي، چۇڭچيڭ جانە شىنياڭ، داليان، شيامىن، گۋاڭجوۋ، شىنجىن، چىڭدۋ، شي – ان سىندى 11 قالادا مەملەكەت جاعىنان ۇيىمداستىرىلاتىن ءدارى – دارمەكتى شوعىرلى ساتىپ الۋ جانە پايدالانۋدى سىناق ءتۇيىن ەتۋ قىزمەتى ورىستەتىلەدى. وتكەن جىلى 12 – ايدا، سىناق ءتۇيىنى ەتىلگەن رايونداردىڭ شوعىرلى ساتىپ الۋعا تاڭداۋ ناتيجەسى جاريالاندى، تاڭدالعان 25 ءتۇرلى ءدارىنىڭ باعاسى ورتاشا ٪52 تومەندەدى، ەڭ جوعارى تومەندەۋ مولشەرى ٪96 كە جەتتى. 3 – ايدىڭ سوڭعى جارتىسىنان باستاپ، سىناق ءتۇيىنى ەتىلگەن 11 قالا تاڭداۋ ناتيجەسىن اتقارۋدى باستايدى، ناۋقاستاردىڭ وسى سىناق تۇيىندەرىنەن ءدارى – دارمەكتى ىركەس – تىركەس ساتىپ الۋىنا بولادى.
1 – ايدىڭ 17 – كۇنى تۇستەن كەيىن، مەملەكەتتىك كەڭەس اقپارات كەڭسەسى وتكىزگەن مەملەكەتتىك كەڭەستىڭ ساياساتتىق حابارلاندىرۋ ماجىلىسىندە، مەملەكەتتىك ەمدەۋدى قامسىزداندىرۋ مەكەمەسىنىڭ ورىنباسار باستىعى چىن جينپۋ، مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ اكىمشىلىگى، ەمدەۋدى باسقارۋ مەكەمەسىنىڭ باستىعى جاڭ زۇڭجيۋ، مەملەكەتتىك ءدارى – دارمەك، ازىق – تۇلىكتى باقىلاپ – باسقارۋ مەكەمەسى ءدارى – دارمەكتى باقىلاپ – باسقارۋ مەڭگەرمەسىنىڭ باستىعى يۋان لين سىناق تۇيىندەرىندە رايون اتتايتىن بىرلەسپە مولشەرلى ساتىپ الۋ، باعانى تومەندەتپەۋ، ءدارى – دارمەك اقشاسىن ەسەپتەۋ ادىسىنە جاسامپازدىق ەنگىزۋ سىندى مازمۇندار جانە جاسامپاز ادىستەر جونىنەن تۇسىنىك بەردى.
وسى رەتكى سىناق تۇيىنىمەن بۇدان بۇرىنعى ءدارى – دارمەكتى شوعىرلى ساتىپ الۋدىڭ قانداي ايىرماشىلىعى بار؟ ۇقسامايتىنى ءدارى – دارمەكتەر بۇدان بۇرىن ولكەنى نەگىز ەتىپ شوعىرلى ساتىپ الىناتىن، وسى رەتكى مەملەكەتتىك سىناق تۇيىنىندە مەملەكەت نەگىزگى ساياسات، كولەم جانە تالاپ بەلگىلەدى، مەملەكەت جاعىنان سىناق ءتۇيىن قىزمەت گرۋپپاسى قۇرىلدى، سىناق ءتۇيىن قىزمەت گرۋپپاسى كەڭسەسى مەملەكەتتىك ەمدەۋدى قامسىزداندىرۋ مەكەمەسىندە. بىرلەسكەن رايوندارداعى ۇكىمەت مەنشىگىندەگى ەمدەۋ قۇرىلىمدارى شوعىرلى ساتىپ الۋدى تۇلعا ەتىپ، جاريا ساتىپ الۋ تەكشەلەرىنىڭ جۇمىس ىستەۋىنە تاپسىرىپ، رايون اتتاعان بىرلەسپە تۇلعانىڭ شوعىرلى مولشەرلى ساتىپ الۋىنا ىزدەنىستەر جاساۋدا.
وسى رەتكى سىناق تۇيىنىندە، ساتىپ الۋ تولىمدىعى بار ءدارى – دارمەكتەرگە قويىلاتىن تالاپ ءبىرشاما جوعارى، ساپاسى مەن ەمدەۋ ونىمدىلىگى بىردەي باعالانعان ۇقساتپالى جاسالعان دارىمەن اۋەلدە زەرتتەلگەن ءدارىنى باسەكەلەستىرۋ ارقىلى، ءونىمنىڭ ورنىن باسۋدى جۇزەگە اسىرماق، بۇنداعى ماقسات – ءدارى باعاسىن كورنەكتى تومەندەتىپ، ناۋقاستاردىڭ ءدارى ساتىپ الۋ اۋىرتپالىعىن جەڭىلدەتۋ.
ناقتى ساتىپ الۋ شاراسى تومەندەگىدەي 4 ءتۇرلى: مولشەرلى ساتىپ الۋ، ءونىم مولشەرىنە قاراپ باعا اۋىستىرۋ، سىناق ءتۇيىن رايوندارىنداعى جالپىلىق مەنشىكتەگى ەمدەۋ قۇرىلىمدارىنىڭ جىلدىق ءدارى – دارمەك ىستەتۋ مولشەرىنىڭ ٪60 - ٪70 تى بويىنشا ساتىپ الۋ جالپى مولشەرى ەسەپتەلىپ، مولشەرلى ساتىپ الۋ جۇرگىزىلەدى؛ ساۋداگەر شاقىرۋ مەن ساتىپ الۋ بىرلەستىرىلەدى، پايدالانۋعا كەپىلدىك ەتىلەدى؛ ساپاعا كەپىلدىك ەتىلىپ، قامداۋ قامتاماسىزداندىرىلادى، تاڭدالعان ءدارى – دارمەكتەردى ءوندىرۋ، اينالىمعا ءتۇسىرۋ، پايدالانۋدىڭ جالپى بارىستىق ساپاسىنا باقىلاپ – باسقارۋ جۇرگىزىلەدى؛ قايتارىپ الۋعا كەپىلدىك ەتىلەدى، ساتىپ الۋ سوماسىنىڭ ٪30 نەن تومەن بولماۋ نەگىزىندە، ەمدەۋ قۇرىلىمدارىنا مەرزىمنەن بۇرىن تولەنەدى، شارت – جاعدايى بار قالالاردىڭ ەمدەۋ قامسىزداندىرۋىن ەسەپتەن تىكەلەي كوتەرۋدى سىناق ەتۋىنە بولادى.
تۇتاس سىناق ءتۇيىن قىزمەتى 3 كەزەڭگە بولىنگەن، ءبىرىنشى كەزەڭ، شوعىرلى ساۋداگەر شاقىرىپ ساتىپ الۋ كەزەڭى، وتكەن جىلى 12 – ايدا اتقارىلىپ بولعان، ءدارى – دارمەكتى تاڭداۋ ناتيجەسى دە جاريالاندى، 25 ءتۇرلى ءدارى تاڭدالىپ، ولاردىڭ باعاسى ورتاشا ٪52 تومەندەدى. ەكىنشى كەزەڭ، مەردىگەرلىككە ءىلىنۋ ناتيجەسىنىڭ تياناقتانۋ جانە تۇلعالانۋ كەزەڭى. ءۇشىنشى كەزەڭ، باعالاۋ، قورىتىندىلاۋ كەزەڭى بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
