قازاقستاندا حانزۋ ءتىلىن ۇيرەنۋ جالپىلىق اۋقىمعا اينالدى (باس ەلشىنىڭ كۇندەلىگى)
ادامدار اراسىن جالعايتىن ءتىل كوپىرىن جاقسى سالىپ، جۇڭگو مەن قازاقستان حالىقىنىڭ جۇرەكتەرىن توعىستىرايىق
جاڭ شياۋ
2019.01.16 14:48 كەلۋ قاينارى : حالىق تورابى
جۋىردا، قازاقستان پرەزيدەنتى نازاربايەۆ جەرگىلىكتى ورىنداعى مەكتەپتەردى كوزدەن كەشىرگەندە، قازاقستانداعى بارلىق ورتا – باستاۋىش مەكتەپ وقۋشىلارىن حانزۋ ءتىلىن ۇيرەنۋگە شاقىردى. ول بىلاي دەدى: حانزۋ ءتىلى قازاقستان جونىنەن العاندا ەرەكشە ماڭىزدى. قازاقستاننىڭ حالىقارالىق ساۋداسىندا، جۇڭگومەن بولعان ساۋدا سوماسى 20 پايىزىن ۇستايدى. حانزۋ ءتىلىن ۇيرەنۋ ارقىلى ءبىر ميلليارد 400 ميلليون اداممەن سويلەسۋگە بولادى. بۇل قازاقستان ەگەمەندىك العاننان بەرى قاراي قازاقستان پرەزيدەنتىنىڭ تۇڭعىش رەت جاستاردى كورشىلەس ەلدىڭ ءتىلىن ۇيرەنۋگە شاقىرۋى، جۇڭگو مەن قازاقستان قارىم – قاتىناسىنىڭ دامۋىنداعى ماڭىزدى ءبىر ەستەمە.
نازاربايەۆ پرەزيدەنتتىڭ حانزۋ ءتىلىن ۇيرەنۋگە شاقىرۋى جاي ايتىلا سالعان ءسوز ەمەس. بۇل كورەگەندىكتىڭ بەلگىسى، جۇڭگو – قازاقستان ەكى ەل جونىنەن الىپ ايتقاندا رەال مانگە يە.
بۇل جۇڭگو مەن قازاقستاننىڭ قارىم – قاتىناسىن دامىتۋداعى سوزسىزدىك. جۇڭگو مەن قازاقستان ديپلوماتيالىق قارىم – قاتىناس ورناتقان 27 جىلدان بەرى، ەكى ەل ساياسات جاعىندا ٶزارا سەنىمدىلىكتى ارتتىرىپ، ەكونوميكالىق ساۋدا سەلبەستىگىن كۇن سايىن كۇشەيتتى، جۇڭگو قازاقستاننىڭ 2 – ۇلكەن ساۋدا سەرىگىنە جانە ماڭىزدى قارجى قوسۋشى ەلگى اينالدى، سونىمەن بىرگە «قازاقستان جاساعان» ونىمدەردى ەكسپورت ەتەتىن ماڭىزدى بازاردىڭ ءبىرى. 2018 – جىلى 1 – ايدان 10 – ايعا دەيىن، جۇڭگو مەن قازاقستاننىڭ ساۋدا سوماسى 16 ميلليارد ا ق ش دوللارىنا جەتىپ، ۇقساس مەزگىلدەگىدەن 15 پايىز ارتتى. ەكى ەلدىڭ ناقتى سەلبەستىگى جالپى بەتتىك تەز دامۋداي تاماشا اۋقىمدى ساقتاپ، قازاقستان حالقىنىڭ حانزۋ ءتىلىن ۇيرەنۋ قىزعىندىلىعىن ارتتىرۋدا.
بۇل جۇڭگو مەن قازاقستاننىڭ «ءبىر بەلدەۋ، ءبىر جول» دارىپتەمەسىن بىرلىكتە قۇرۋداعى سوزسىزدىك. بەس جىلدان بەرى، جۇڭگو مەن قازاقستان «ءبىر بەلدەۋ، ءبىر جول» دارىپتەمەسى مەن «نۇرلى جول» جاڭا ەكونوميكالىق ساياساتىن سايكەستىرىپ، ٶندىرىس قۋاتى مەن قارجى قوسۋ سەلبەستىگىن بار كۇشپەن ىلگەرىلەتتى، ءبىر توپ مول جەتىستىكتەردى قولعا كەلتىرىپ، ەكى ەل حالقىنا باقىت جاراتتى. «ءبىر بەلدەۋ، ءبىر جول» قۇرىلىسىنىڭ ۇزدىكسىز ىلگەرىلەۋىنە وراي، ءتىپتى دە كوپتەگەن سەلبەستىك نىساندارى تياناقتانىپ، قازاقستاننىڭ ەلى ىشىندەگى ٵرقايسى سالادا حانزۋ تىلىنە بولعان سۇرانىس بارعان سايىن كۇشەيۋدە.
بۇل جۇڭگو مەن قازاقستان حالقىنىڭ جۇرەگىن توعىستىرۋداعى سوزسىزدىك. ەل مەن ەلدىڭ قاتىناسى حالىقتىڭ دوستىعىنان باستاۋ الادى، حالىق جۇرەگىنىڭ توعىسۋى − ەكى ەل قاتىناسىنىڭ دامۋىنداعى ماڭىزدى نەگىز. ءتىلدىڭ توعىسۋى − حالىق جۇرەگىن توعىستىرۋداعى ماڭىزدى العى شارت. جۋىق جىلداردان بەرى قازاقستان مەن جۇڭگو حالقىنىڭ بارىس – كەلىسىنىڭ كۇن سايىن جيىلەۋىنە بايلانىستى ساياحات، وقۋ – اعارتۋ، مادەنيەت قاتارلى سالالارداعى سەلبەستىكتەر كۇن سايىن كۇشەيۋدە، قازاقستان حالقىنىڭ جۇڭگوعا بولعان قىزىعۋشىلىعى دا كۇن سايىن ارتۋدا، حالىق اراسىنداعى حانزۋ ءتىلىن وزدىگىنەن ۇيرەنۋگە بولعان تالپىنىس تا كۇن سايىن ارتۋدا.
وسىنداي جاعدايدا، قازاقستاندا حانزۋ ءتىلىن ۇيرەنۋ جالپىلىق اۋقىمعا اينالدى. قازىر قازاقستاندا 5 كۇڭزى ينستيتۋتى اشىلىپ، جۇڭگولىق جانە قازاقستاندىق ستۋدەنتتەر سانى 14 مىڭعا جەتتى. جۇڭگو مەن قازاقستان ەكى ەلدىڭ ورتاق قولشىنۋىندا، ءتىپتى دە كوپتەگەن قازاقستاندىق جاستارعا حانزۋ ءتىلىن ۇيرەنۋ، جۇڭگونى ءتۇسىنۋ ورايىن جاراتتى.
ءبىز ادامدار اراسىن جالعايتىن ءتىل كوپىرىن جاقسى سالىپ، جۇڭگو مەن قازاقستان حالىقىنىڭ جۇرەكتەرىن توعىستىرىپ، گۇلدەنگەن كوركەم بولاشاقتى بىرگە جاراتايىق! (اۆتور: جۇڭگونىڭ قازاقستاندا تۇراتىن باس ەلشىسى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
