ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى جاۋاپتى جولداس: كاسىپتەندىرۋدى ورنىقتىرۋدا باستىسى 4 جاقتان كۇش سالىنادى
2019.01.14 16:04 كەلۋ قاينارى : حالىق تورابى
ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى جاۋاپتى جولداس: 2019 – جىلى ەلىمىزدىڭ كاسىپتەندىرۋ جالپى مولشەرىندەگى قىسىمى كەمەيمەيدى، قالا – قالاشىقتاردا كاسىپتەندىرۋگە ءتيىستى جاڭادان جەتىلگەن ەڭبەككۇشتەر ءالى دە 15 ميلليون ادامنان كوپ بولادى، اسىرەسە، جوعارى مەكتەپ بىتىرگەن ستۋدەنتتەردىڭ مولشەرى 8 ميلليون 340 مىڭعا جەتىپ، تاعى دا تىڭ ورە جاراتىلادى. سونىمەن بىرگە، قۇرىلىمدىق كاسىپتەندىرۋ قايشىلىعى اناعۇرلىم كورنەكتى بولادى. ورتالىقتىڭ ەكونوميكالىق قىزمەت ماجىلىسىندە بيىلعى جاڭا اۋقىم، جاڭا احۋال، جاڭا وزگەرىسكە قاراتا كاسىپتەندىرۋدى ورنىقتىرۋ «التىنى ورنىقتىرۋدا» ماڭداي الدى ورىنعا قويىلىپ، كاسىپتەندىرۋ قىزمەتىن ويداعىداي ىستەۋ جونىنەن ارناۋلى ايقىن تالاپ ورتاعا قويىلدى. ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋى ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات دايەكتى تياناقتاندىرۋى، ءبىر نەگىزگى جەلىنى كورنەكتىلەندىرۋى، 4 جاقتان كۇش سالىپ، كاسىپتەندىرۋ اۋقىمىنىڭ ورنىقتى بولۋىنا بار كۇشپەن كەپىلدىك ەتۋى كەرەك.
باستىسى مىناداي 4 جاقتان كۇش سالۋ كەرەك: ءبىرىنشى، كاسىپورىنداردىڭ اۋىرتپالىعىن جەڭىلدەتىپ، ومىرشەڭدىك قۋاتىن ارتتىرۋعا كۇش سالۋ كەرەك. كاسىپورىنداردا ومىرشەڭدىك قۋات بولسا، كاسىپتەندىرۋ قامتاماسىزداندىرىلادى. ءبىز الدا قوعامدىق قامسىزداندىرۋدىڭ اقى شاماسىن تومەندەتۋدەگى اتقارۋ جوباسىن زەرتتەۋدى تەزدەتەمىز. كاسىپسىزدىك قامسىزداندىرۋ اقىسىن قايتارۋ تەبىنى مەن مولشەرىن ارتتىرىپ، قىزمەتكەرلەردى قىسقارتپاعان نەمەسە از قىسقارتقان قامسىزداندىرۋعا قاتىناسۋشى كاسىپورىندارعا قاراتا ولار الدىڭعى جىلدا ناقتى تاپسىرعان كاسىپسىزدىك قامسىزداندىرۋ اقىسىنىڭ %50 ىن قايتارۋعا بولادى. يگىلىك جاراتۋ كەپىلدىكتى قارىزىنىڭ مولشەرى جوعارىلاتىلادى، جەكەلەردىڭ ءوتىنىش ەتۋ مولشەرى 100 مىڭ يۋاننان 150 مىڭ يۋانعا جوعارىلاتىلادى، شاعىن كاسىپورىنداردىڭ ءوتىنىش ەتۋ مولشەرى 2 ميلليون يۋاننان 3 ميلليون يۋانعا جوعارىلاتىلادى. ماندىك شارالارمەن كاسىپورىنداردىڭ اۋىرتپالىعى جەڭىلدەتىلىپ، ومىرشەڭدىك قۋاتى ارتتىرىلادى. ەكىنشى، باستىسى ءتۇيىندى بۇقارالىق توپتى ءدال سۇيەمەلدەۋ جاعىنا كۇش سالۋ كەرەك. كاسىپتەندىرۋ قىزمەتىن جاقسى ىستەۋمەن بىرگە، ماڭىزدى ءتۇيىندى كورنەكتىلەندىرىپ، جوعارى مەكتەپ بىتىرگەن ستۋدەنتتەر، شارۋا جۇمىسكەرلەر، قوسىننان قايتقان اسكەريلەر قاتارلى ءتۇيىندى بۇقارالىق توپتىڭ كاسىپتەنۋ، يگىلىك جاراتۋ قىزمەتىن جاقسى ىستسەپ، باعىتتامالى نىسان جانە جوسپارلاردى اتقارىپ، ناقتى اتى – ءجونى بويىنشا باسقارۋ جانە قىزمەت وتەۋدى كۇشەيتىپ، كوكتەم سامالى ارەكەتى سياقتى كاسىپتەندىرۋگە ارناۋلى قىزمەت وتەۋ قيمىلدارىن ورىستەتۋ كەرەك. ءۇشىنشى، تاربيەلەۋدى كۇشەيتىپ، ەڭبەكشىلەردىڭ كاسىپتىك ونەرىن ۇشتاۋ جاعىنا كۇش سالۋ كەرەك. ەڭبەكشى ءبىر ونەردى يگەرسە، ءومىر بويى جەمىسىن جەيدى. كەڭ كولەمدەگ كاسىپتىك ونەرگە باۋلۋ كۋرستارىن اشىپ، كۋرستا تولىمدى بولعان كاسىپسىزدەرگە كاسىپتىك تاربيەلەۋ قوسىمشا قاراجاتىن بەرىپ، كاسىپورىنداردىڭ جۇمىسشى – قىزمەتشىلەر ءۇشىن ونەرگە تاربيەلەۋ قوسىمشا قاراجاتىن ءوتىنىش ەتىپ الۋىنا كەڭشىلىك ەتىپ، كوپ ارنامەن، الۋان تاسىلمەن باعىتتامالى كۋرس ۇيىمداستىرىپ، ەڭبەكشىلەردىڭ كاسىپتەنۋ، يگىلىك جاراتۋ قۋاتىن ۇزدىكسىز جوعارىلاتۋ كەرەك. ءتورتىنشى، ۇقىق – مۇددەنى قامتاماسىزداندىرۋدا تومەنگى شەكتى ساقتاۋعا كۇش سالۋ كەرەك. قيىنشىلىعى بارلاردىڭ كاسىپتەنۋىنە كومەك بەرۋ تەبىنىن ارتتىرىپ، بىردە – ءبىر مۇشەسى كاسىپتەنبەگەن وتباسىلاردى تولىق اداقتاپ، كاسىپسىزدىك قامسىزداندىرۋى سياقتى قوعامدىق قامتاماسىزداندىرۋ مامىلەسىن ۋاعىندا ناقتىلاندىرۋ كەرەك. شارۋا جۇمىسكەرلەردىڭ ەڭبەكاقىسىن تولەپ بەرۋ قىزمەت تەبىنىن ارتتىرىپ، ەڭبەكشىلەردىڭ ۇقىق – مۇددەسىن قورعاپ، جاراسىمدى ەڭبەك قاتىناسىن ورناتىپ، قوعامنىڭ ورنىقتىلىعى ءۇشىن بەلسەندى ۇلەس قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
