قۋاتتىق ونىمدەر ءدارى – دارمەككە جاتپايدى، الدامشىلىق ىستەۋشىلەرگە تيىم سالۋ كەرەك
شىڭ يۇيلەي
2019.01.07 14:42 كەلۋ قاينارى : حالىق تورابى
جۋىردا «چۋانجيان وقيعاسى» جۇرت اڭىسىن بارىنشا قوزعادى. تيانجين قالاسى بىرلەسكەن تەكسەرۋ گرۋپپاسىن قۇرىپ، چۋانجيان سەرىكتەستىگىنە ورنالاسىپ تەكسەرۋ جۇرگىزگەننەن كەيىن، قوعام حاۋىپسىزدىگى تاراۋلارى دا تەكسەرۋ جانە فاكت ازىرلەۋ ارقىلى، جالعامالى ساتۋ قىلمىس كۇمانى مەن جالعان جارناما جاساۋ قىلمىس كۇمانى بويىنشا 1 – ايدىڭ 1 – كۇنى اتالعان سەرىكتەستىكتىڭ ۇستىنەن زاڭ بويىنشا دەلو تۇرعىزىپ، تەكسەرۋ جۇرگىزدى. سونىمەن بىرگە، قاتىستى تاراۋلار ورتتەن ساقتانۋ حاۋىپسىزدىگى بەلگىلەمەلەرىنە ساي كەلمەيتىن وتپەن كۇتىمدەنۋ ورىندارىن زاڭ بويىنشا تەكسەردى جانە توقتاتتى، قۋاتتىق ونىمدەر جاعىنداعى كەلەڭسىز جاعدايلارعا شوعىرلى تۇردە سوققى بەرۋ، الاستاۋ، جونگە سالۋ جونىندەگى ارناۋلى ارەكەتتى ورىستەتتى.
بۇل ءىس ۇلكەن ءدۇمپۋ قوزعاپ، قۋاتتىق ونىمدەردى ساۋدالاۋ جاعىنداعى ءادىس – ايلالاردىڭ سىرىن اشىپ تاستادى. بۇل ءىس قۋاتتىق ونىمدەردىڭ رولىن ءبىلۋ جانە ءتۇسىنۋ جاعىنداعى ءبىر رەتكى اشىق ساباق بولىپ، تۇتىنۋشىلارعا، وسى سالاداعى كاسىپورىندارعا جانە باقىلاۋ تاراۋلارىنا وي سالدى.
اقپارات قۇرالدارىنىڭ حابارلاۋىنشا، مىڭ يۋانعا ساتىلاتىن ۇلتاراق قامىت اياقتى، جۇرەك اۋرۋىن، قۋىق ءتۇبى بەزىنىڭ قابىنۋىن ەمدەيدى؛ تەرىس يوندى ماگنيتتى تازالىق قاعازى ەرلەر مەن ايەلدەردە بولاتىن ءتۇرلى فيزولوگيالىق اۋرۋلاردى ەمدەيدى؛ ءونىمدى قۇرامى جەمىس شىرىنىمەن بىردەي «بىنساۋ چيڭيە» سۇيىقتىعى «ۋىتتى ايدايدى» دەپ جەر – سۋعا سيعىزباي ماقتاعان، باعاسى مىڭ يۋانعا جەتكەن ... وسىنداي ادام نانعىسىز، بارلىق اۋرۋعا بىردەي ەم بولاتىن شيپالى قاسيەتتەر ونىمدەردى ساتۋ بارىسىندا كەڭىنەن قولدانىلعان. الايدا، مۇنىڭ ءبارى قۋاتتىق ونىمدەردى ساۋدالاۋ بارىسىندا اقساقتى تىڭداي سوعىپ، ونىڭ رولىن اسىرەلەي جارنامالاۋ جاپپاي ءومىر ءسۇرىپ وتىرعان «ايلا – شارعى» ەكەندىگى سىندى ءبىر شىندىقتى جاسىرا المايدى.
قۋاتتىق ونىمدەر ءدارى – دارمەككە جاتپايدى، «بارلىعىنا ەم بولاتىن حيكمەتتى ءدارى – دارمەك» بولۋى ءتىپتى مۇمكىن ەمەس، بۇل ورتاق تانىم رەتىندەگى جاي ساۋات بولۋى كەرەك. ءبىراق، كەيبىرەۋلەر قۋاتتىق ونىمدەردىڭ شيپالىق قۋاتىن تىلسىمدەندىرىپ، جالعان جارناما جاساپ، ناۋقاستارعا اعات تۇسىنىك قالىپتاستىرادى، ءتىپتى ولاردى قالىپتى ەمدەلۋدەن ۋاز كەشتىرەدى؛ كەيبىرەۋلەر دەنساۋلىقتى تەگىن تەكسەرۋ، ساياحاتتاتۋ، لەكسيا سويلەۋ قاتارلى جەلەۋلەردى جامىلىپ، باۋىرمالدىق بىلدىرگەندەي جولىمەن ونىمدەرىن وتكىزەدى؛ كەيبىرەۋلەرى جوعارى سومادا اقشا قايتارۋ، كوپ العاندارعا كوپ تيىمدىلىك بەرۋ قاتارلى ۋادەلەر بەرىپ، تۇتىنۋ تۇزاعىن قۇرۋ ارقىلى تۇتىنۋشىلاردىڭ قالتاسىن قاعادى ... كوپتەگەن دەلولاردا كەيبىر قۋاتتىق ونىمدەردى ساتۋشىلاردىڭ نازارى دەنساۋلىققا ءمان بەرۋ، دەنساۋلىققا پايدالى ونىمدەردى ساتۋدان گورى، بۇل ونىمدەردى الاياقتىق ىستەۋ، الۋان ايلا – شارعىدان پايدالانۋدىڭ قۇرالىنا اينالدىرۋعا قاراي اۋىسقان، بۇل ارەكەتتەر ناۋقاستار مەن ولاردىڭ وتباسىنداعىلاردىڭ جۇرەگىنە وشپەس قاياۋ سالدى. دەنساۋلىقتى جاقسارتۋ، استە، اقشا تابۋدى عانا كوزدەيتىن ساۋداعا اينالىپ قالماۋى كەرەك.
ءبىز شىندىققا جۇگىنەتىن، شىن – جالعانىن پارىقتاي الاتىن عىلمي ساۋاتتىلىقتى دارىپتەۋىمىز قاجەت. ۋەي زىشيدىڭ وتباسىنداعىلار سەنگەن «جوعارى عىلىم – تەحنيكالى ەمدەۋدەن» تارتىپ، جوۋ ياڭ وتباسى ساتىپ العان «راكقا قارسى ونىمگە» دەيىن، ساتۋشىلار ادامداردىڭ عىلىمنىڭ قۇدىرەتىنە دەگەن سەنىمىنەن پايدالانعان. ساناداعى وسىنداي قاراپايىم تۇسىنىكتەردىڭ زاڭعا قايشى ەلەمەنتتەرگە پايدالاناتىن وراي جاراتىپ بەرۋىنەن ساقتانۋ كەرەك. ادەيى الجاستىراتىن، اقساقتى تىڭداي سوعاتىن «سىرلى كۇشتەردىڭ» ءبارى عىلىمدى بۇرمالاۋشىلىق ەسەپتەلەدى؛ ەڭبەك ەتپەي قول جەتكىزۋدى، ءبىر تۇندە بايىپ شىعا كەلۋدى دارىپتەيتىن ءارقانداي «ۋاكىلدىك قىزمەت وتەۋ حيكايالارى» تابىسقا جەتۋدىڭ شىن ءمانىن بۇرمالاۋ بولىپ تابىلادى.
ءبىز ادالدىق پەن سەنىمدىلىكتى تۋ ەتكەن، زاڭ بويىنشا تيجارات جۇرگىزەتىن نارىقتىق پرينسيپتەردى باسا دارىپتەۋىمىز كەرەك. مەيلى جارناما زاڭى بولسىن، مەيلى ازىق – تۇلىك حاۋىپسىزدىگى زاڭى بولسىن، بارلىعىندا قۋاتتىق ازىق – تۇلىكتەردى اۋرۋدى جازادى دەپ جارنامالاۋعا بولمايدى، جالعان جارناما جاساۋعا تيىم سالىنادى دەپ بەلگىلەنگەن. ءىس جۇزىندە، قوعام حاۋىپسىزدىگى تاراۋلارى دا مۇنداي ارەكەتتەرگە باستان – اياق سوققى بەرىپ كەلەدى، بىلتىردان بەرى، قۋاتتىق ونىمدەرگە قاتىستى الدامكوستىك قىلمىستىق دەلولارىنان 3000نان استام دەلونى انىقتاپ، دەلوعا قاتىستى 140 ميلليون يۋان زياننىڭ ورنىن تولتىردى. كاسىپورىن جونىنەن ايتقاندا، مەيلى كولەمى قانشا ءىرى بولسىن، ماركاسى قانشالىق ايگىلى بولسىن، تەك زاڭعا قايشىلىق جاساپ، تۇتىنۋشىلاردى زيانعا ۇشىراتاتىن بولسا، زاڭنىڭ قاتاڭ جازالاۋىنا ۇشىراپ، كوپشىلىكتىڭ الدىندا جاۋاپ بەرەتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
