بۇقارانىڭ جۇزىنەن ەسكەن باقىت شاتتىعى
− بايىنعولين وبلىسىنداعى 44 مىڭ كادر شارۋالارعا جاردەمدەسىپ ولاردى شاتتىققا بولەدى
ەرىكتى ءتىلشى حۋ شياۋدۇڭ
2019.01.07 13:48
ءونىم جيناۋ ماۋسىمىنا وتكەننەن بەرى بايىنعولين موڭعۇل اۆتونوميالى وبلىسىنداعى 44 مىڭ كادر نەگىزگى ساتىعا جابال اتتانىپ، اۋىل - قىستاقتارداعى اتىز باستارىنا بارىپ، تۋىستارىنا ءوز قولدارىمەن كومەك جاساپ، شارۋالارعا جاردەمدەسىپ، ولاردى شاتتىققا بولەپ، شىن نيەت، ىستىق ىقىلاستارىمەن ءار ۇلت شارۋالارىنىڭ جۇرەگىن مەيىرگە بولەدى.
ەڭ اسەم جارقىن جۇزدەر مەيىرىم قۇشاعىندا
باعراش اۋدانى باعراش اۋىلى كودايلىك قىستاعىنداعى تۇرسىن قادىر مەن اماراگۇل ەرلى - زايىپتىلار جونىنەن بيىلعى مەملەكەت مەرەكەسى ەڭ باقىتتى ءسات بولدى، ويتكەنى ولار مەملەكەت مەرەكەسىن تۋىستارى باعراش اۋىلىنىڭ باستىعى شۇي تاۋدىڭ وتباسىمەن بىرگە وتكىزىپ، وتانعا تىلەك تىلەدى.
«شىنىمەن قاتتى اسەرلەندىم، اۋىل باستىعى شۇي تاۋ ايەلىن، بالاسىن ەرتىپ كەلدى، ەكى ءۇيلى جان مەملەكەت تۋىن بىرگە شىعارىپ، مەملەكەت مەرەكەسىن قۇتتىقتادىق، ولار ءبىزدىڭ ءۇيىمىزدى جيناستىرۋىمىزعا، قىزىل بۇرىش جيناۋىمىزعا، ءجۇزىم سورەسىن ورناتۋىمىزعا، اۋلامىزدى جوبالاۋىمىزعا كومەكتەستى، بالالاردىڭ تاپسىرما ورىنداۋىنا دا قولعابىس ەتىپ، بىزگە كوپ - كوپ جاردەم جاسادى، ولارعا قالاي العىس ايتارىمىزدى بىلمەدىك، ولارمەن ءومىر بويى تۋىس بولامىز!»، - دەدى 10 - ايدىڭ 18 - كۇنى تۇرسىن كوزىنە جاس الا تۇرىپ.
بىلتىر 10 - ايدا تۇرسىن مەن شۇي تاۋ جۇپ قۇراپ، تۋىس بولعان. بۇرىن ۇنەمى اعاسىنا ىلەسىپ جۇمىس ىستەيتىن تۇرسىننىڭ ءۇيى دە، جەرى دە جوق ەدى، تۇرمىسى توتەنشە قيىنشىلىقتا بولاتىن. جۇپ قۇراپ، تۋىس بولعاننان كەيىن شۇي تاۋ بۇل ەرلى - زايىپتىلاردىڭ ەڭبەكقور ەكەندىگىن، اسپازدىققا بەيىمى كۇشتى ەكەندىگىن بايقاپ، جالدايتىن اسحاناعا بايلانىس جاساپ، ءۇيدىڭ جالاقىسىن سويلەستى ءارى جاقىن ماڭداعى يانجي حۇيزۋ اۆتونوميالى اۋدانىنان ازىق - تۇلىك ساتىپ اكەلۋگە پايدالاناتىن كونە اۆتوكولىك ساتىپ الۋى ءۇشىن ولارعا ىرىقتىلىقپەن 10 مىڭ يۋان نەسيە اقشا بەردى. قازىر شاعىن اسحانانىڭ ساۋداسى بارعان سايىن كۇسەتتەنىپ، اشىلعانىنا جارىم جىلدان استام ۋاقىتتا 40 مىڭ يۋان كىرىس كىرگىزدى.
اسحانانىڭ جۇمىسىمەن قاربالاس بولعاندىقتان، ەرلى - زايىپتىلاردىڭ بالالارىنا قارايلاسۋعا ۋاقىتى شىقپاي قالدى، بۇل جاعدايدى بايقاعان شۇي تاۋ تۋىسىنىڭ ۇيىنە كەلىپ جاتىپ، كۇندىز ءوز قىزمەتىمەن قاربالاس بولسا، كەشتەرى بالالاردىڭ تاپسىرما ورىنداۋىنا كومەكتەستى. بۇل كۇندەرى بالالار ونى كورگەن جەردەن شىن ىقىلاسپەن «شۇي اكە» دەپ شاقىرادى.
«بۇقاراعا ازىراق بولسا دا قولعابىس ەتۋ مەنىڭ ارمان - تىلەگىم، بۇقارانىڭ تۇرمىسى جاقسارسا، بۇعان ولاردان ارمان قۋانامىن»، - دەيدى شۇي تاۋ.
ەڭ اسەم جارقىن جۇزدەر مول ءونىم قۋانىشىندا
بايىنعولين وبلىستىق حالىق ۇكىمەتى كەڭسەسىندەگى پارتيالى كادرلاردىڭ جابال ماقتا تەرىسىپ جاتقانىن كورگەن بۇگۇر اۋدانى چۇمباق اۋىلى نورشوقى قىستاعى 1 - گرۋپپاسىنداعى ساقا پارتيا مۇشەسى قۇربان اسەرلەنە: بيىل 81 جاسقا كەلدىم، قىستاقتىڭ ءار جىلعى جاڭا وزگەرىستەرىنە كۋامىن، قازىر تۇرمىسىمىز كۇننەن - كۇنگە جاقسارۋدا، مۇنىڭ بارلىعى كوممۋنيستىك پارتيانىڭ ارقاسى، كوممۋنيستىك پارتيا جاقسى، - دەدى.
10 - ايدىڭ 2 - كۇنى كورلا قالاسى قارايۇلعىن اۋىلى باقجيدە قىستاعىنىڭ تۇرعىنى ياسىن حالىقتىڭ ماقتا اتىزىندا قۇرلىق ارميا تەڭىز جاعالاۋى قورعانىس شۋەيۋانىنىڭ پراكتيكانت وقۋشىلارى قاربالاس ماقتا تەرىپ، دۋماندى ەڭبەك ىستەپ جاتتى. قىستاق تۇرعىنى ياسىن مەن قۇرلىق ارميا تەڭىز جاعالاۋى قورعانىس شۋەيۋانىنىڭ پراكتيكانت وقۋشىسى ۋاڭ جى تۋىس بولاتىن، ياسىننىڭ وتباسىندا 20 مۋلىق ماقتا اتىزى بار، جالعىز عانا ەڭبەككۇش، بۇنىمەن قوسا ماقتا تەرۋشى شاقىرۋعا اقشا جوق، ماقتانىڭ ءونىمىن جيناۋ ماۋسىمى تاياعان سايىن ول ۋايىمعا باتتى. كلاس باستىعى دۇڭ پيڭ ونىڭ وتباسىنىڭ بۇل جاعدايىنان حابار تاپقاننان كەيىن كلاستاعى وقۋشىلاردى مىندەتتى ەڭبەك شاعىن اترەتى ەتىپ ۇيىمداستىرىپ، قالياسىن وتباسىنىڭ ماقتاسىن تەرۋىنە كومەكتەسىپ، ونىڭ كوز الداعى قيىنشىلىعىن شەشتى.
مەملەكەت مەرەكەسى كەزىندە، باعراش اۋداندىق 3 - باستاۋىش مەكتەپتىڭ 100گە جۋىق وقىتۋشىسى بۇمبۇت قالاشىعىنداعى تۋىستارىنىڭ ۇيىنە كەلىپ، كۇزگى جيىن - تەرىن قوسىندارىنا جابال قوسىلىپ پيگمەنتتى قىزىل بۇرىش جيناپ، جۇگەرى ارشىپ، كوك بۇرشاق تەردى... اتىزداردا، كەپىترۋ الاڭدارىندا تۋىستارىمەن بىرگە ەڭبەك ىستەگەن ولار شوق - جالىنداي قاۋلاپ ءار ۇلت تۇرعىندارىنىڭ جۇرەگىن مەيىرگە بولەدى.
كەيبىرەۋلەرىنىڭ جۇزدەرى توتىعىپ، كەيبىرەۋلەرىنىڭ الاقانى قولدىراپ، كەيبىرەۋلەرى شارشاعاندارىنان بەلىن جازا الماي قالسا دا، وقىتۋشىلار وزدەرىنىڭ ارەكەتتەرى ارقىلى ەڭ كورىكتى وقىتۋشى كەلبەتىن ايگىلەۋمەن بىرگە، التىن كۇزدەگى ەڭ كوركەم كارتينانى دا سالدى.
ەڭ اسەم جارقىن جۇزدەر وتانعا اق تىلەكتە
«قايراتتان! قايراتتان!» 10 - ايدىڭ 5 - كۇنى چارقىلىق اۋدانى ۋاششەرى قالاشىعى شينجيان قىستاعى دۋمانعا بولەندى، ماداق ءۇنى، كۇلكى اۋەنى ءار جەردەن كوتەرىلدى، جۇپ قۇراپ، تۋىس بولعان كادرلار مەن تۋىستاردان 200دەن استام ادام «وتانعا اق تىلەك ءبىلدىرۋ . پارتياعا العىس ايتۋ» تاقىرىبىنداعى ۇلتتار ىنتىماعى بىرلەسكەن دوستىق قيمىلىنا قاتىناستى، ارقان تارتۋ، شاحمات ويناۋ، سەكىرمە دويبى ويناۋ، جىپتەن سەكىرۋ، تەپكىش تەبۋ، ۆەلوسيپەدپەن باياۋ ءجۇرۋ سياقتى جارىس تۇرلەرى جۇرتتى قويۋ مەرەكە رايىنا شومدىردى.
قيمىل اياقتالعاننان كەيىن قىستاق تۇرعىنى ما شۋحۋا: بۇل قيمىل وتە ءماندى بولدى، باي مازمۇندى مادەنيەت، دەنە تاربيە بىرلەسكەن دوستىق قيمىلدارىنا قاتىناسۋ تۇرمىستى بايىتۋمەن بىرگە، كوپشىلىكتىڭ ءوزارا اۋىس - كۇيىس جاساۋىن جەبەپ، سۇيىسپەنشىلىكتى كۇشەيتتى، سونىمەن بىرگە قيمىل ارقىلى كوپشىلىك ۇلى وتانعا دەگەن اق تىلەكتەرىن ءبىلدىرىپ، جۇڭگو كوممۋنيستىك پارتياسىنا العىس ايتۋ سەزىمدەرى مەن تاماشا تۇرمىسقا بولعان قىزۋ سۇيىسپەنشىلىكتەرىن بەينەلەدى، - دەدى.
بيىلعى مەملەكەت مەرەكەسى كەزى يانجي حۇيزۋ اۆتونوميالى اۋدانى وتكىزگەن 8 - رەتكى ساياحات، ءدامدى تاعام مادەنيەتى مەرەكەسىنە تۋرا كەلدى. ءار ۇلت كادرلارى جۇپ قۇراعان تۋىستارىن ەرەكشە ءدامدى تاعام مەرەكەسىنە ۇسىنىس ەتتى، حولاشان قالاش ناندارى، سامسا، كاۋاپ، راڭپيزى، ەرەكشە قاقتامالار، ءتاتتى كۇرىش وراماسى سياقتىلاردىڭ حوش ءيىسى اڭقىپ، جۇرتتى وزىنە باۋرادى، كادرلار مەن تۋىستار بىرگە وتىرىپ تاماقتانىپ، مول ءونىمنىڭ شاتتىعىن ورتاقتاسىپ، قازىرگى تاماشا تۇرمىستى اڭگىمەلەدى.
9 - ايدان بەرى بايىنعولين وبلىسىنداعى ءار ۇلت پارتيالى كادرلار ءوز ۇيىندەگىلەرمەن باس قوسۋ ورايىنان، مەرەكە دەمالىسى ورايىنان كەشىپ، كەڭ قامتىمدى ەڭبەك باسەكەسى قيمىلدارىن ورىستەتىپ، قالتقىسىز سۇيىسپەنشىلىكتەرى ارقىلى ۇلتتار ىنتىماعىنىڭ اسەرلى جىرىن جازدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
