سىرتتان تاماق الدىرعاندا دامىنە ءمان بەرۋمەن بىرگە، حاۋىپسىزدىگىنە ءتىپتى دە ءمان بەرۋ كەرەك
حي حۇڭۋەي
2019.01.04 16:10 كەلۋ قاينارى : حالىق تورابى
حالىق تورابى، 1 – ايدىڭ 4 – كۇنى، بەيجيڭ. جۋىردا، سىرتتان الدىرعان تاماقتان تەمەكىنىڭ تۇقىلى شىققان ءبىر جىگىتتىڭ توراپقا شىعىپ ارىز ايتقان حابارى توراپتا قىزۋ تالقىعا اينالدى، ۋاقيعانىڭ شىن سىرى ٵلى بەلگىسىز بولسا دا، سىرتتان الدىرعان تاماقتىڭ حاۋىپسىزدىگى جۇرت نازارىن تاعى دا اۋداردى.
تۇرمىس ريتىمىنىڭ تەزدەۋىنە بايلانىستى، سىرتتان تاماق الدىرۋ تۇتىنۋ تۇيىنىنە اينالدى. ءبىر جاعىنان سىرتتان الدىراتىن تاعامداردىڭ ءتۇرى الۋان، بارلىعى تولىق، ونىڭ ۇستىنە توراپتا ابدەن تانىلعان ٵر الۋان تاماق تۇرلەرى جاستاردىڭ قالاۋىنان شىقسا؛ ەندى ءبىر جاعىنان، تاماقتى ەسىك الدىنا اكەلىپ بەرۋ ۋاقىت ۇنەمدەپ، بارىپ – كەلىپ جۇرەر جولدى قىسقارتادى، سونىمەن بىرگە قىزمەتى قاربالاس ادامدارىڭ تالابىن قاناعاتتاندىرادى.
دەسە دە، سىرتتان تاماق الدىرۋ تۇتىنۋشىلارعا قولايلىلىق اكەلۋىمەن بىرگە، سىرتتان الدىرعان تاماقتىڭ حاۋىپسىزدىك ماسەلەسى تۇتىنۋشىلاردىڭ جاقسى تاعامنان ءدام تاتقان كەزدەگى كومەسكى قورقىنىشقا اينالۋدا.
مەملەكەت «توراپتاعى ازىق – تۇلىك حاۋىپسىزدىگىنە قايشىلىق جاساۋ ارەكەتىن تەكسەرۋ»، «توراپتاعى اس – سۋ قىزمەت وتەۋىن، ازىق – تۇلىك حاۋىپسىزدىگىن باقىلاپ – باسقارۋ ءادىسى» قاتارلىلاردى ارت – ارتىنان شىعارىپ، ٵرقايسى جەردە توراپتاعى اس – سۋ قىزمەت وتەۋىنە بولعان باقىلاۋ مەن باسقارۋدى كۇشەيتكەنىمەن، دەسە دە ٵر ءتۇرلى سەبەپتەرمەن توراپتاعى اس – سۋ قىزمەت وتەۋىندە ءمالىم مولشەردە حاۋىپسىزدىك قاتەرى ساقتالۋدا.
سىرتتان الدىرعان تاعامنىڭ كەلۋ قاينارى، ساۋدالىق تولىمدىلىعى، تاماق ىستەلەتىن ورتا انىق بولماۋ سياقتى سەبەپتەردىڭ كەسىرىنەن تاماقتىڭ حاۋىپسىزدىك ماسەلەسىن مەڭگەرۋ قيىنعا سوعادى. ەگەر جاقسى – جامان دەپ بەرىلگەن باعا ارقىلى سىرتتان الدىرتقان تاماقتىڭ حاۋىپسىزدىگىن ولشەسەڭىز انشا سەنىمدى بولمايدى.
ساۋداگەر جونىنەن الىپ ايتقاندا، جاقسى جاسالعان سىرتتان الدىراتىن تاماق ٶزى ءۇشىن جارناما، توراپتاعى بەرىلگەن باعانىڭ جاقسى – جامان بولۋى ونىڭ ناقتى دۇكەنىنە كەلىپ – كەتكەندەر سانىنا اسەر ەتەدى، سوندىقتان دامىنە ءمان بەرۋمەن بىرگە، حاۋىپسىزدىگىنە ءتىپتى دە ءمان بەرۋ كەرەك. ال تۇتىنۋشى قولايلىلىقتان لازاتتانۋىمەن بىرگە، قىراعىلىقتى ارتتىرۋى كەرەك، سىرتتان الدىرتقان تاماعىنان حاۋىپسىزدىك ماسەلەسى بايقالسا دەرەۋ مالىمدەپ، ٶزىنىڭ زاڭدى ۇقىق - مۇدەسىن قورعاۋى كەرەك. توراپ ارقىلى تاماققا تاپسىرىس بەرگەندە سەنىمدى توراپتى تاڭداۋ، « ءۇش ءتۇرلى ينفورماتسياسى جوق» ازىق – تۇلىكتەردى ساتىپ الۋدان باس تارتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
