شينجياڭ ۇيعۇر اۆتونوميالى رايونىنىڭ مەملەكەت بويىنشا ەكونوميكانى 4 - رەت جاپپاي تەكسەرۋ جۇمىسى رەسمي تىزىمگە الىندى
شوكىرات زاكىر ۇرىمجىدە تەكسەرۋ - زەرتتەۋ جۇرگىزدى
2019.01.03 14:11 كەلۋ قاينارى : حالىق تورابى
حالىق تورابى، 1 – ايدىڭ 3 – كۇنى، بەيجيڭ. 1 - ايدىڭ 1 - كۇنى مەملەكەت بويىنشا ەكونوميكانى 4 - رەت جاپپاي تەكسەرۋ جۇمىسىندا رەسمي تىزىمگە الۋدىڭ العاشقى كۇنى، شينجياڭ ۇيعۇر اۆتونوميالى رايوندىق پارتكوم شۋجيىنىڭ ورىنباسارى، شينجياڭ ۇيعۇر اۆتونوميالى رايونىنىڭ ءتوراعاسى شوكىرات زاكىر ءۇرىمجى قالاسىنداعى تىزىمدەۋ جۇمىس باسىنا كەلىپ تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: مەملەكەت بويىنشا ەكونوميكانى 4 - رەت جاپپاي تەكسەرۋ جۇڭگوشا سوتسياليزم جاڭا داۋىرگە وتكەن، «قوس 100 جىلدىق» كۇرەس نىساناسىنىڭ تاريحي توعىسۋ مەزگىلىندە ورىستەتىلگەن مەملەكەت جاعدايى، مەملەكەت قۋاتى تۋرالى كەلەلى تەكسەرۋ، سونداي - اق جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستاۋ بارىسىندا ەلىمىز ەكونوميكاسىنا جۇرگىزىلگەن ءبىر رەتكى «جاپپاي دەنساۋلىق تەكسەرۋ» بولىپ تابىلادى. مەملەكەت بويىنشا ەكونوميكانى 4 - رەت جاپپاي تەكسەرۋ جۇمىسىن ورىستەتۋ − مەملەكەت جاعدايىنا، مەملەكەت قۋاتىنا، شينجياڭنىڭ جاعدايىنا، شينجياڭنىڭ قۋاتىنا جاپپاي كوز جەتكىزىپ، جاپپاي دوڭگەلەك داۋلەتتى قوعام ورناتۋ كۇرەس نىساناسىن جۇزەگە اسىرۋدىڭ وبيەكتيۆ قاجەتى، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭ ۇيعۇر اۆتونوميالى رايونى ەكونوميكاسىنىڭ جوعارى ساپالى دامۋىن ىلگەرىلەتۋدىڭ نەگىزدىك قىزمەتى، ول شينجياڭ ۇيعۇر اۆتونوميالى رايونىمىز ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدە ماڭىزدى مانگە يە.
شوكىرات زاكىر، الدىمەن، شينجياڭ جەر اشۋ، رەتتەۋ، قۇرىلىس باسقارۋ مەكەمەسىنە كەلىپ، قىزمەت ىستەپ جاتقان جاپپاي تەكسەرۋ قىزمەتكەرلەرىنە جاڭا جىل سالەمىن جەتكىزدى، سونداي - اق جاپپاي تەكسەرۋ وبيەكتىلەرىنىڭ نەگىزگى جاعدايىمەن، جاپپاي تەكسەرۋ قىزمەتىنىڭ تارتىبىمەن ەگجەي - تەگجەيلى تانىستى. شوكىرات زاكىر ءاربىر جاپپاي تەكسەرۋ قىزمەتكەرىنەن جاپپاي تەكسەرۋ جۇمىس باسىنداعى تىزىمگە الۋ قىزمەتىن تىڭعىلىقتى، ويداعىداي ىستەۋدى، ءاربىر جاپپاي تەكسەرۋ كەستەسىن جوعارى ساپامەن تولتىرۋدى، ءاربىر ينفورماتسيانى دۇرىس جيناۋدى، جاپپاي تەكسەرۋدىڭ قاينار ساندى مالىمەتىنىڭ شىنايى، سەنىمدى بولۋىنا كەپىلدىك ەتۋدى ءۇمىت ەتتى.
جۇڭگو تايپيڭ عۇمىر قامسىزداندىرۋى شەكتى جارنا سەرىكتەستىگىنىڭ شينجياڭ بولىمشەسىندە، شوكىرات زاكىر مىنالاردى اتاپ كورسەتتى: ساندى مالىمەت − ەكونوميكانى جاپپاي تەكسەرۋدىڭ جانى،، جاپپاي تەكسەرۋدىڭ ءساتتى - ءساتسىز بولۋىن تارازىلايتىن ءتۇبىرلى ولشەم، ءار دارەجەلى جاپپاي تەكسەرۋ قۇرىلىمدارى مەن قالىڭ جاپپاي تەكسەرۋ قىزمەتكەرلەرى دەربەس تەكسەرۋ، دەربەس مالىمدەۋ قىزمەت مىندەتىن مۇقيات اتقارىپ، جاپپاي تەكسەرۋ ساندى مالىمەتىنە كيلىگەتىن ءتۇرلى ارەكەتتەردى باتىل تيىپ، جاپپاي تەكسەرۋ وبيەكتىلەرىنىڭ جەكە ينفورماتسياسى مەن ساۋدا قۇپيالىعىن قاتاڭ ساقتاپ، كاسىپورىندار، جەكە كاسىپكەرلەر سياقتى جاپپاي تەكسەرۋ وبيەكتىلەرىمەن ىشكەرىلەي ارالاسىپ، ناقتى جاعدايدى تەكسەرىپ، ناقتى ساندى مالىمدەپ، جاپپاي تەكسەرۋ وبيەكتىلەرىنىڭ قايتالانباۋىنا، قالىپ قالماۋىنا كەپىلدىك ەتۋ، قاينار ساندى مالىمەتتەردىڭ شىنايى، دۇرىس بولۋىنا كەپىلدىك ەتۋ كەرەك.
شينجياڭ سايۋىن بازار تەكسەرۋ، كەڭەس بەرۋ شەكتى سەرىكتەستىگىندە تەكسەرۋ - زەرتتەۋ جۇرگىزگەندە، سەرىكتەستىكتىڭ بازار تەكسەرۋ - زەرتتەۋ ساندى مالىمەتتەرىن جيناۋمەن اينالىساتىن حالىقتىق كاسىپورىن ەكەنىن بىلگەن سوڭ، شوكىرات زاكىر مىنالاردى اتاپ كورسەتتى: حالىقتىق كاسىپورىندار − باس نىسانانى تياناقتاندىرۋعا ۇلەس قوسۋشىلار، ەكونوميكانىڭ جوعارى ساپالى دامۋىن جۇزەگە اسىرۋدى ىلگەرىلەتۋشىلەر، ولار شينجياڭ ۇيعۇر اۆتونوميالى رايونىنىڭ ەكونوميكالىق دامۋىنا اسا زور ۇلەس قوستى. بۇل رەتكى ەكونوميكانى جاپپاي تەكسەرۋ وبيەكتىلەرى ەلىمىز شەكاراسى ىشىندە 2 - كاسىپپەن جانە 3 - كاسىپپەن شۇعىلداناتىن بارلىق زاڭدىق تۇلعا ورىندارى، كاسىپ سالاسىنىڭ قيمىل ورىندارى جانە جەكە كاسىپكەرلەر. جالپى جاعداي تانىمىن، جالپى جاعداي كوزقاراسىن ورناتىپ، ساندى مالىمەتتىڭ ساپا وتكەلىن مىقتى يگەرىپ، ساناقتا زاڭدى بۇزعانداردى تەكسەرىپ ءبىر جاقتى ەتۋ تەبىنىن ارتتىرىپ، مەملەكەت بويىنشا ەكونوميكانى 4 - رەت جاپپاي تەكسەرۋ قىزمەتى مىندەتىنىڭ تولىق، تابىسپەن ورىندالۋىنا كەپىلدىك ەتۋ كەرەك.
ۇعىسۋعا قاراعاندا، بۇگىننەن باستاپ 4 - ايدىڭ سوڭىنا دەيىن، شينجياڭدا 24 مىڭنان استام ساناق قىزمەتكەرى كۋالىكتەرىن تاعىپ، قولدارىنا ەلەكتروندىق جىلجىمالى تەرمينال سياقتى جابدىقتارىن ۇستاپ، 290 مىڭنان استام ءتۇرلى زاڭدىق تۇلعا ورىندارى مەن كاسىپ سالاسىنىڭ قيمىل ورىندارىنا، 130 مىڭعا جۋىق جەكە كاسىپكەرلەردى ارالاپ، تىركەۋ جۇرگىزەدى ەكەن.
شينجياڭ ۇيعۇر اۆتونوميالى رايوندىق پارتكومىنىڭ تۇراقتى مۇشەسى، ءۇرىمجى قالالىق پارتكومىنىڭ شۋجيى شۇي حايرۇڭ، شينجياڭ ۇيعۇر اۆتونوميالى رايون ءتوراعاسىنىڭ ورىنباسارى جاۋ چيڭ تەكسەرۋ - زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
