اراسان اۋدانى «جۇڭگوداعى ىستىقتان ساقتاناتىن شۇرايلى مەكەن» مەملەكەتتىك كليمات بەلگىسىن الدى
2018.12.25 14:58 كەلۋ قاينارى : حالىق تورابى
حالىق تورابى، 12 – ايدىڭ 25 – كۇنى، بەيجيڭ. ءتىلشىنىڭ جۋىردا، جۇڭگو اۋا رايى مەكەمەسى مەملەكەتتىك كليمات ورتالىعى كليمات قىزمەت وتەۋىنىڭ ەكولوگيالىق وركەنيەت قۇرىلىسى تالقى جينالىسىنان ۇعىسقان حابارىنا قاراعاندا، بۇراتالا مۇڭعول اۆتونوميالى وبلىسى اراسان اۋدانى «جۇڭگوداعى ىستىقتان ساقتاناتىن شۇرايلى مەكەن» مەملەكەتتىك كليمات بەلگىسىن العان. بۇل بيىل 8 – ايعا دەيىن، التاي قالاسى «جۇڭگوداعى قار مەكەنى» مەملەكەتتىك كليمات بەلگىسىن العاننان كەيىنگى، شينجياڭنىڭ ەكىنشى رەت مەملەكەتتىك كليمات بەلگىسىن الۋى. قازىرگە دەيىن بۇكىل ەلىمىزدە 22 اۋدان – قالا مەملەكەتتىك كليمات بەلگىسىن العان.
شينجياڭ كليمات ورتالىعىنىڭ مەڭگەرۋشىسى جاڭ تايشيدىڭ ايتۋىنشا، مەملەكەتتىك كليمات بەلگىسى − وزىندىك ەرەكشەلىگى بار كليمات شارت – جاعداي بەلگىلەگەن قونىستانۋعا پايدالى كليماتى، ەكولوگيالىق كليماتى، اۋىل شارۋاشىلىق ونىمدەرى، كليمات ساپاسى قاتارلىلار ساپالى كليمات ماركاسىنىڭ جالپىلىق اتالۋى، كليمات بايلىعىنىڭ ۋنيۆەرسال قابىلەتىن تارازىلايتىن عىلىمي تۇراقتاندىرۋ.
اراسان اۋدانىنىڭ ىستىقتان ساقتاناتىن شۇرايلى مەكەن بولۋداعى كليمات ەرەكشەلىگى نەگىزىنەن مىناداي التى جاقتان كورسەتىلەدى: ءبىرىنشى، كليماتى سالقىن، جوعارى تەمپەراتۋرالى شىلىڭگىر ىستىق از كەزىگەدى. اراسان اۋدانىنىڭ 6 - ايدان 8 – ايعا دەيىنگى ايلىق ورتاشا اۋا تەمپەراتۋراسى 18.3 سەلتسي گرادۋس. ەكىنشى، جىل بويى «جاز» بولمايدى، جانعا جايلى كۇندەردىڭ سانى كوپ. اراسان اۋدانىنىڭ 6 - ايدان 8 – ايعا دەيىنگى كۇندىك ورتاشا اۋا تەمپەراتۋراسى 10 سەلتسي گرادۋس پەن 22 سەلتسي گرادۋس اينالاسىندا بولاتىن كۇنى سانى 88.5 پايىزىن ۇستايدى، ادامعا سونداي راحات سەزىم باعىشتايدى. ءۇشىنشى، از مولشەردەگى جاۋىن – شاشىن كوپ جاۋادى، ونىڭ ۇستىنە كوبىنەسە كەشقۇرىمنان ٴتۇن جارىمىنا دەيىنگى ۋاقىتتاردا كوپ جاۋادى، سىرتقا اينالىپ سەرۋەندەپ، ساياحاتتاپ كەلگەنگە وتە ۇيلەسەدى. ءتورتىنشى، سالقىن، جانعا جايلى، كۇن نۇرىنىڭ ٴتۇسۋ ۋاقىتى كوپ. كليمات ساياحات ساندىق كورسەتكىشى مەن كليمات دەمالۋ كورسەتكىشى ەرەكشە ۇيلەسىمدى (جايلى) دارەجەدەن جوعارى. بەسىنشى، كليمات قاتەرى تومەن، اۋا رايى اپاتىنىڭ زيانىنا ۇشىراۋى از. التىنشى، كليمات وزگەرىسى ىستىقتان ساقتانۋ ساياحاتىنا پايدالى. جۋىق جىلداردان بەرى، اراسان اۋدانىنىڭ 6 – ايدان 8 – ايعا دەيىنگى جوعارى تەمپەراتۋرالى كۇن سانى مەن ەرەكشە جوعارى تەمپەراتۋرانىڭ بارعان سايىن ازايۋى بايقالعان، از مولشەردەگى جاڭبىر مەن سامال سوعاتىن كۇن سانى بارعان سايىن ارتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
