گانسۋ ولكەلىك حالىق قۇرىلتايى تۇراقتى كوميتەتى پارتگرۋپپاسى شۋجيىنىڭ بۇرىنعى ورىنباسارى، مەڭگەرۋشىسىنىڭ بۇرىنعى ورىنباسارى لي جيانحۋا تارتىپكە جانە زاڭعا اۋىر دارەجەدە قايشىلىق جاساعاندىقتان پارتيادان شىعارىلىپ، ۇكىمەت قىزمەتىنەن بوساتىلدى
2018.12.20 14:03 كەلۋ قاينارى : حالىق تورابى
حالىق گازەتى، 12 – ايدىڭ 19 – كۇنى، بەيجيڭ (ءتىلشى: جياڭ جيە) ورتالىق ءتارتىپ تەكسەرۋ كوميتەتى مەملەكەتتىك باقىلاۋ كوميتەتى تورابىنىڭ 12 – ايدىڭ 18 – كۇنى حابارلاۋىنشا، جۋىردا ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى مەملەكەتتىك باقىلاۋ ءبولىمى گانسۋ ولكەلىك حالىق قۇرىلتايى تۇراقتى كوميتەتى پارتگرۋپپاسى شۋجيىنىڭ بۇرىنعى ورىنباسارى، مەڭگەرۋشىسىنىڭ بۇرىنعى ورىنباسارى لي جيانحۋانىڭ تارتىپكە جانە زاڭعا اۋىر دارەجەدە قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ناتيجەسىنە قاراعاندا، لي جيانحۋا ورتالىق كوميتەتتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىنا قاتىناسقان؛ ۇيىمدىق تارتىپكە قايشىلىق جاساپ، ۇيىم حات ارقىلى سۇراۋ سالعان كەزدە ماسەلەنى شىنايى تۇسىندىرمەگەن، بۇرىنعى قىزمەت ىستەگەن ورنىنىڭ كادرلەردى سارالاپ تاعايىنداۋ قىزمەتىنە ارالاسقان؛ پاكتىك تارتىبىنە قايشىلىق جاساپ، بەلگىلەمەگە قايشى تۇردە زاتتاي جانە اقشالاي ساۋعا العان، ءوزىنىڭ قىزمەتتەگى ىقپالىنان پايدالانىپ تۋىستارىنىڭ جەكەلىك مۇددەسىن كۇيتتەۋىن، زيناقورلىق ىستەۋىن ەركىنە جىبەرگەن، ءۇنسىز قۇپتاعان.
لي جيانحۋا پارتيانىڭ جوعارى دارەجەلى باسشى كادرى بولا تۇرا پارتيالىلىق پرينسيپىنەن جۇرداي بولىپ، ءتارتىپ تالابىنا نەمقۇرايدى قاراعان، ونىڭ ارەكەتى پارتيا تارتىبىنە قايشى كەلگەن ءارى قىزمەت جاعىنداعى زاڭعا قايشى ارەكەتتى قالىپتاستىرعان، ونى قاتاڭ ءبىرجاقتىلى ەتۋ كەرەك. لي جيانحۋانىڭ ءوزىنىڭ تارتىپكە جانە زاڭعا قايشى ماسەلەلەرىن شىنايى تاپسىرعانىن ءارى كوپتەگەن ماسەلەلەردىڭ ۇيىمنىڭ بۇدان بۇرىن مەڭگەرمەگەن ماسەلەلەر ەكەنىن، ونىڭ تارتىپكە جانە زاڭعا قايشىلىق جاساپ تاپقان بارلىق كىرىستەرىن ىرىقتىلىقپەن جوعارىعا تاپسىرىپ بەرگەنىن، قاتەلىگىن تانۋ جانە وكىنىشىن ءبىلدىرۋ پوزيتسياسىنىڭ شىنايى بولعانىن ەسكەرە وتىرىپ، وعان بەرىلەتىن جازانى جەڭىلدەتۋگە بولادى.
«جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسى مەملەكەتتىك باقىلاۋ زاڭى» قاتارلىلارداعى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسى زەرتتەپ - كەڭەسۋ جانە ج ك پ ورتالىق كوميتەتىنە جولداپ بەكىتتىرۋ ارقىلى لي جيانحۋاعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ كوميتەتى وعان ۇكىمەت قىزمەتىنەن بوساتۋ جازاسىن بەرىپ، اكىمشىلىك دارەجەسىن تومەندەتىپ، باسشىلىق مىندەتىن وتەمەيتىن باسقارما باستىعىنىڭ ورىنباسارى دارەجەسىمەن دەمالىسقا شىعۋ رەسميەتىن وتەۋدى ۇيعاردى، ونى گانسۋ ولكەلىك 13 - كەزەكتى پارتكومىنىڭ مۇشەسى بولۋ مىندەتىنەن بوساتتى، ونىڭ گانسۋ ولكەلىك 13 – كەزەكتى پارتيا قۇرىلتايىنىڭ ۋاكىلى تولىمدىلىعىن توقتاتتى، ءتارتىپ بويىنشا، گانسۋ ولكەلىك 13 – كەزەكتى حالىق قۇرىلتايى ۋاكىلى مىندەتىنەن بوساتتى؛ ونىڭ تارتىپكە جانە زاڭعا قايشىلىق جاساپ تاپقان كىرىستەرىن وتكىزىپ الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
