رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى
2018.12.19 16:03 كەلۋ قاينارى : حالىق تورابى
«حالىق گازەتى»، 12 – ايدىڭ 18 - كۇنى، بەيجيڭ (ءتىلشى ۋاڭ دي). رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسى 12 - ايدىڭ 18 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
شي جينپيڭ مىنالاردى دارىپتەدى: 40 جىلدىڭ امالياتى پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ اشقان جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ بۇكىلدەي دۇرىس ەكەنىن، قالىپتاستىرعان پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى جالپى جوباسىنىڭ بۇكىلدەي دۇرىس ەكەنىن تولىق دالەلدەدى.
شي جينپيڭ مىنالاردى دارىپتەدى: 40 جىلدىڭ امالياتى جۇڭگونىڭ دامۋى قالىڭ وركەندەپ كەلە جاتقان ەلدەردىڭ وسىزاماندانۋعا بەتتەۋىنە تابىستى تاجىريبە ازىرلەپ، جارقىن بولاشاق كورسەتكەنىن، دۇنيە ءجۇزىنىڭ بەيبىتشىلىگى مەن دامۋىن جەبەگەن قۇدىرەتتى كۇش بولعانىن، جۇڭحۋا ۇلتتارىنىڭ ادامزات وركەنيەتىنىڭ العا باسۋىنا قوسقان ماڭىزدى ۇلەسى ەكەنىن تولىق دالەلدەدى.
شي جينپيڭ مىنالاردى دارىپتەدى: 40 جىلدىڭ امالياتى رەفورما جاساپ، ەسىك اشۋدىڭ پارتيا مەن حالىقتىڭ ارشىندى قاداممەن داۋىرمەن بىرگە العا باسۋىنىڭ ماڭىزدى اسىلى، جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ باسىپ وتۋگە ءتيىستى جولى، جۇڭگونىڭ تاعدىرىن بەلگىلەگەن شەشۋشى شارا، سونداي - اق «ەكى 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋداعى شەشۋشى شارا ەكەنىن تولىق دالەلدەدى.
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.
حالىق سارايى ايبىنمەن كوز تارتىپ، 10 مىڭ ادامدىق زالدا شامدار سامالاداي جارقىراپ، دۋماندى بەينەگە شومدى. ءتوراعالار مىنبەسىنىڭ ۇستىڭگى جاعىنا «رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسى» دەگەن جينالىس بەلگىسى ىلىنگەن، ساحنانىڭ ارتىنداعى شىمىلدىققا جۇڭحۋا حالىق رەسپۋبليكاسىنىڭ مەملەكەت گەربى مەن «1978 − 2018 » دەگەن جازۋ ىلىنگەن، ەكى جاعىنا بەس - بەستەن نارت قىزىل تۋ قويىلعان.
شي جينپيڭ قاتارلى باسشى جولداستار جينالىس زالىنا كىرگەندە، زالداعىلار تۇگەل ورىندارىنان تۇرىپ، شاتىرلاتا شاپالاق سوقتى.
ساعات 10 دا لي كىچياڭ قۇتتىقتاۋ جينالىسىنىڭ باستالعانىن جاريالادى. زالداعىلار تۇگەل ورنىنان تۇرىپ، مەملەكەت ءانىن اسقاقتاتا شىرقادى.
ۋاڭ حۋنيڭ «ج ك پ ورتالىق كوميتەتىنىڭ، مەملەكەتتىك كەڭەستىڭ رەفورما جاساپ، ەسىك اشۋعا كورنەكتى ۇلەس قوسقانداردى ماداقتاۋ - سيلاۋ جونىندەگى قاۋلىسىن» وقىدى. قاۋلىدا مىنالار اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس يۇي مين قاتارلى 100 جولداسقا رەفورما اتويشىسى اتاعىن بەرىپ، رەفورما اتويشىسى مەدالىن بەرۋدى؛ حالىقارالىق قوعامنىڭ جۇڭگونىڭ رەفورما جاساپ، ەسىك اشۋ ىستەرىنە كورسەتكەن قولداۋى مەن كومەگىنە العىس ايتۋ ءۇشىن، الاين مەريەۋكس سياقتى حالىقاراداعى 10 دوسقا جۇڭگونىڭ رەفورما دوستىق مەدالىن بەرۋدى ۇيعاردى. جينالىستا رەفورما اتويشىسى اتاعى، جۇڭگو رەفورما دوستىق مەدالى بەرىلگەندەردىڭ ەسىمدىگى وقىلدى (قاۋلىنىڭ تولىعى «حالىق گازەتىنىڭ» 3 – بەتىندە جاريالاندى).
«كوكتەمنىڭ حيكاياسى» مۋزىكا ءۇنى ىشىندە شي جينپيڭ قاتارلىلار رەفورما اتويشىسى اتاعى، جۇڭگو رەفورما دوستىق مەدالى بەرىلگەندەرگە سيلىق تابىستادى.
زالداعىلار تۇگەل ورنىنان تۇرىپ، ىستىق ىقىلاسپەن شاپالاق سوعىپ، ماداقتالىپ - سيلانعانداردى شىن جۇرەكتەن قۇتتىقتاپ، ولارعا وسكەلەك قۇرمەت ءبىلدىردى. پيونەرلەر ولارعا اسەم گۇل سيلادى.
شاتىرلاعان شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنالاردى دارىپتەدى: پارتيامىز رەفورما جاساپ، ەسىك اشۋ جونىندەگى تاريحي شەشىمىن پارتيا مەن مەملەكەتتىڭ بولاشاعىن، تاعدىرىن تەرەڭدەي يگەرۋگە نەگىزدەلە، سوتسياليستىك توڭكەرىس پەن قۇرىلىس امالياتىن تەرەڭدەي قورىتىندىلاۋعا نەگىزدەلە، حالىق جۇرتشىلىعىنىڭ تىلەگى مەن قاجەتىن تەرەڭدەي سەزىنۋگە نەگىزدەلە شىعارعان. رەفورما جاساپ، ەسىك اشۋ − پارتيامىزدىڭ ءبىر رەتكى ۇلى ويانۋى، ءدال وسى ۇلى ويانۋ پارتيامىزدىڭ نازايادان امالياتقا دەيىنگى ۇلى جاسامپازدىعىن تۋىنداتتى. رەفورما جاساپ، ەسىك اشۋ − جۇڭگو حالقى مەن جۇڭحۋا ۇلتتارىنىڭ دامۋ تاريحىنداعى ءبىر رەتكى ۇلى توڭكەرىس، ءدال وسى ۇلى توڭكەرىس جۇڭگوشا سوتسياليزم ىستەرىنىڭ ۇلى شارىقتاۋىن ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
