الدىڭعى 11 ايدا رايونىمىزدىڭ اۋىل - قىستاقتارىندا 2 ميلليون 800 مىڭ ادام - رەتكە تاياۋ ارتىق ەڭبەككۇش باسقا سالاعا ويىسىپ جۇمىسقا ورنالاستى
2018.12.27 17:01 كەلۋ قاينارى : حالىق تورابى
حالىق تورابى، 12- ايدىڭ، 27 - كۇنى، بەيجيڭ. 12 - ايدىڭ 24 - كۇنى اقسۋ رۇنباڭ سۋ ۇنەمدەۋ جابدىقتارى شەكتى جاۋاپكەرشىلىك سەرىكتەستىگىنىڭ ءوندىرىس سەحىنداعى تۇردى ازەز ءوندىرىس جابدىقتارىن جەتىك مەڭگەرۋگە قۇلشىندى. «بۇل ارادا ىستەپ جاتقانىما 3 ايعا تايادى، قازىر ايىنا 3000 يۋاننان استام ەڭبەكاقى الامىن، وتباسىمىزدىڭ تۇرمىسى كۇننەن - كۇنگە جاقسارىپ كەلەدى».
تۇردى شايار اۋدانى شايار قالاشىعىنان، وتباسى كەدەي، 4 مۋ عانا جەرى بار، تۇرمىس قيىنشىلىعى اۋىر. بيىل 10 - ايدا ول جەرگىلىكتى ۇكىمەتتىڭ كومەگىندە قىزمەت تاۋىپ، تۇراقتى كىرىس كىرگىزىپ، وتباسىنىڭ ەكونوميكالىق جاعدايى ايتارلىقتاي جاقساردى، وسىنداي كوزبەن كورىپ، قولمەن ۇستاۋعا بولاتىن تابىس سەزىمى تۇردىنىڭ كۇش - قۋاتىن ونان ارى تاسقىنداتتى: «پارتيا مەن ۇكىمەت ماعان قىزمەت ورايىن جاراتىپ بەردى، مۇنى قاستەرلەۋىم كەرەك، جاقسى ىستەپ، كوپ اقشا تاۋىپ، كەدەيلىكتەن ەرتەرەك ارىلامىن».
جۇمىسقا ورنالاسۋ − حالىق تۇرمىسىنىڭ نەگىزى، سان مىڭداعان وتباسىنا قوزعاۋشىلىق ەتەدى. 2018 - جىلى رايونىمىز جۇمىسقا ورنالاسۋ ءبىرىنشى دەگەنگە تاباندى بولىپ، جۇمىسقا ورنالاستىرۋدىڭ بەلسەندى ساياساتتارىن اتقارىپ، باسقا سالاعا ويىستىرىپ جۇمىسقا ورنالاستىرۋ، ورنىقتى جۇمىسقا ورنالاستىرۋ، ۇزاق ۋاقىت جۇمىسقا ورنالاستىرۋ سىندى جاڭا جاعدايدى اشتى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا نەگىزدەلگەندە، بيىل 11 - ايدىڭ سوڭىنا دەيىن، بۇكىل رايونىمىزدا اۋىل - قىستاقتاردا ارتىق ەڭبەككۇشتەردەن 2 ميلليون 796 مىڭ ادام - رەت باسقا سالاعا ويىسىپ جۇمىسقا ورنالاسىپ، تۇتاس جىلدىق نىسانالىق مىندەتتىڭ 103.61 پايىزىن ورىنداعان. مۇندا وڭتۇستىك شينجياڭداعى 4 ايماق - وبلىستا ءبىر ميلليون 736 مىڭ 300 ادام - رەت باسقا سالاعا ويىسىپ جۇمىسقا ورنالاسىپ، 62.1 پايىزىن ۇستاعان. اۋىل - قىستاقتارداعى كوپتەگەن ارتىق ەڭبەككۇشتەر تۇردى سياقتى جۇمىسقا ورنالاسىپ، اناعۇرلىم تاماشا تۇرمىسقا قاراي تالپىندى.
كەدەي وتباسى جونىنەن العاندا، ءبىر ادام جۇمىسقا ورنالاسسا، بۇكىل وتباسى كەدەيلىكتەن ارىلۋى مۇمكىن. سوندىقتان كەدەي وتباسىنداعى ەڭبەككۇشتەردى تۇراقتى جۇمىسقا ورنالاستىرۋ توتەنشە ماڭىزدى. شينجياڭ نازاردى اۋىر كەدەي رايوندارعا شوعىرلاندىرىپ، وڭتۇستىك شينجياڭداعى 4 ايماق - وبلىستىڭ اۋىر كەدەي رايوندارىندا كەدەيلەردى جۇمىسقا ورنالاستىرۋ ارقىلى سۇيەمەلدەۋدىڭ 3 جىلدىق جوباسىن اتقارىپ، جۇمىسقا ورنالاسۋ ارناسىن كەڭەيتىپ، جۇمىسقا ورنالاسۋ، شارۋاشىلىق قۇرۋ تۇعىرىن ورناتىپ، «كەدەيلەردى جۇمىسقا ورنالاستىرۋ ارقىلى سۇيەمەلدەۋ ارناۋلى باۋلۋ سومكەسىن» زەرتتەپ شىعارىپ، كەدەي وتباسىلارىنداعى ەڭبەككۇشتەردىڭ مەملەكەتتە ءبىر تۇتاس قولدانىلاتىن ءتىل - جازۋ ورەسىن جانە جۇمىسقا ورنالاسۋ شەبەرلىك قابىلەتىن جان - جاقتىلى جوعارىلاتىپ، جۇمىسقا ورنالاسۋدىڭ تۇراقتىلىعىن جوعارىلاتتى. بيىل 11 - ايعا دەيىن، وڭتۇستىك شينجياڭنىڭ 4 ايماق - وبلىسىنداعى 22 اۋىر كەدەي اۋدان ارحيۆ تۇرعىزىلىپ، كارتچكا بەرىلگەن كەدەي وتباسىنداعى جالپى 82 مىڭ ادامدى ۇيىمدى تۇردە باسقا سالاعا ويىستىردى، 75 مىڭ ادام 6 ايدان استام ەڭبەك توقتامىن جاساسىپ، تۇراقتى جۇمىسقا ورنالاسۋ سالىستىرماسى 92 پايىزعا جەتتى. « اۋىلعا، قىستاققا، وتباسىنا، جەكە ادامعا دەيىن كەدەيلەردى جۇمىسقا ورنالاستىرۋ ارقىلى دالمە - ءدال سۇيەمەلدەۋ كەدەي وتباسىلارىن كەدەيلىكتەن شىنايى ارىلتتى»، - دەدى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شارۋا جۇمىسكەرلەر قىزمەت باسقارماسىنىڭ قاتىستى جاۋاپتىسى.
11 - ايدىڭ سوڭىنا دەيىن، شينجياڭ ىشكەرىدەگى كاسىپورىندارعا 25 مىڭ 378 ادامدى تۇتاسىمەن ۇيىمدى تۇردە باسقا سالاعا ويىستىردى. بيىل 7 - ايدا يەڭەسار اۋدانى ساعان قالاشىعى يىكەنكول قىستاعىنداعى ءامينام ابليميت قىستاقتاعى باسقا 15 تۇرعىنمەن بىرگە ءتىل جانە شەبەرلىككە قاتىستى جاتتىعۋدان وتكەننەن كەيىن، چيڭداۋداعى اياق كيىم زاۆودىنا بارىپ جۇمىس ىستەدى، بۇل كۇندەرى ول ايىنا 3000 يۋان ايلىق الادى. جاقىندا ول وتباسىنداعىلارىنا كىر جۋۋ ماشيناسىن ساتىپ الىپ بەرىپ، كۇنى بويى ءۇي شارۋاسىمەن ابىگەر بولىپ جۇرەتىن شەشەسىن قۋانتتى.
«كىرىسىمىز جوعارىلاپ، تۇرمىسىمىز بارعان سايىن جاقساردى. باقىت كۇرەسپەن كەلەدى، ءبىز وسى جۇمىسقا ورنالاسۋ ورايىن قاستەرلەپ، قوس قولىمىزعا سۇيەنىپ اناعۇرلىم تاماشا تۇرمىس جاراتۋىمىز كەرەك»، - دەدى ءامينام وزىنە زور سەنىم ارتىپ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
