شينجياڭ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان تيپتىك ماسەلەلەردەن 6 ماسەلەنى اشىق جاريالادى
2018.12.26 13:49 كەلۋ قاينارى : حالىق تورابى
حالىق تورابى، 12 – ايدىڭ 26 – كۇنى، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى باقىلاۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان تيپتىك ماسەلەلەردەن 6 ماسەلەنى اشىق جاريالاعان. اتالعان تيپتىك 6 ماسەلە مىنالار:
1. قوبىقسارى اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ بۇرىنعى ساياسي جەتەكشىسى، اۆتوكولىكتەردىڭ قاتىناۋىن باسقارۋ ورنىنىڭ بۇرىنعى باستىعى چىڭ گۋو حۋانىڭ بەلگىلەمەگە قايشى تۇردە اقشالاي جانە زاتتاي ساۋعا الۋ ماسەلەسى. 2013 – جىلى 9 – ايدان 2018 – جىلى كوكتەم مەرەكەسىنە دەيىن، چىڭ گۋوحۋا ءوزى باسقاراتىن جانە قىزمەت وتەيتىن وبيەكتىلەردەن ىلگەرىندى – كەيىندى كوپ رەت اقشالاي جانە تۇتىنۋ كارتۋچكاسى تۇرىندە جيىنى 20 مىڭ يۋان ساۋعا العان؛ ءوزى باسقاراتىن جانە قىزمەت وتەيتىن وبيەكتىلەرگە ءوزىنىڭ دوستارىنا جايعان داستارقانىنا كەتكەن قاراجاتتى جانە جەكەلىك اۆتوكولىگىنە ماي قۇيۋعا كەتكەن قاراجاتىن تولەتكەن. مۇنان سىرت، چىڭ گۋوحۋانىڭ تارتىپكە قايشىلىق جاساعان باسقا دا ماسەلەلەرى بار. 2018 – جىلى 10 – ايدا چىڭ گۋوحۋاعا پارتيادان شىعارىپ، اكىمشىلىك قىزمەتىنەن بوساتۋ جازاسى بەرىلگەن، تارتىپكە قايشى قولعا كەلتىرگەن تابىستارى وتكىزىپ الىنعان.
2. ءۇرىمجى قالالىق ساۋداگەر شاقىرۋعا قىزمەت وتەۋ ورتالىعىنىڭ بۇرىنعى مەڭگەرۋشىسى ابىلەمەت احۇپتىڭ ءوزى باسقاراتىن جانە قىزمەت وتەيتىن وبيەكتىلەر ورنالاستىرعان ساياحاتتى جانە قوناعاسىنى قابىلداۋ ماسەلەسى. 2017 – جىلى 4 – ايدا ابىلەمەت احۇپ ءوزى باسقاراتىن جانە قىزمەت وتەيتىن كاسىپورىننىڭ ورنالاستىرۋى بويىنشا، بەيجيڭگە 5 كۇندىك ساياحاتقا بارعان، اتالعان كاسىپورىن ونىڭ جاتاق، تاماق، قاتىناس، ەسىك بەلەتى قاتارلى قاراجاتتارىنا جيىنى 40 مىڭ يۋان جۇمساعان؛ 2017 – جىلى 9 – ايدا ابىلەمەت احۇپ ءوزى باسقاراتىن جانە قىزمەت وتەيتىن كاسىپورىن ۇيىمداستىرعان تۋعان كۇن قوناعاسىنا قاتىناسىپ، 5300 يۋان جۇمساعان. مۇنان سىرت، ابىلەمەت احۇپتىڭ تارتىپكە قايشىلىق جاساعان باسقا ماسەلەلەرى دە بار. 2018 – جىلى 10 – ايدا ابىلەمەت احۇپقا پارتيادا قالدىرىپ، ءبىر جىل بايقاپ كورۋ جانە اكىمشىلىك قىزمەتىنەن بوساتۋ جازاسى بەرىلدى.
3. اۋات اۋدانى ايباق اۋىلدىق قوعام حاۋىپسىزدىگى بولىمشەسى باستىعىنىڭ بۇرىنعى ورىنباسارى جي ۋانحۇڭنىڭ بەلگىلەمەگە قايشى تۇردە «قونىس جاڭالاۋ تويىن» وتكىزىپ، اقشالاي ساۋعا الۋ ماسەلەسى. 2017 – جىلى 12 – ايدىڭ 31 – كۇنى جي ۋانحۇڭ بەلگىلەمەگە قايشى تۇردە «قونىس جاڭالاۋ تويىن» وتكىزگەن، ءوزى باسقاراتىن جانە قىزمەت وتەيتىن وبيەكتىلەردى تويعا شاقىرعان جانە ولاردان اقشالاي 31 مىڭ يۋان ساۋعا قابىلداعان. مۇنان سىرت، جي ۋانحۇڭنىڭ تارتىپكە قايشىلىق جاساعان باسقا ماسەلەلەرى دە بار. 2018 – جىلى 10 – ايدا جي ۋانحۇڭعا پارتيادا قالدىرىپ، ءبىر جىل بايقاپ كورۋ، اكىمشىلىك قىزمەتىنەن بوساتۋ جازاسى بەرىلدى، تارتىپكە قايشى قولعا كەلتىرگەن تابىستارى وتكىزىپ الىندى.
4. موڭعۇلكۇرە اۋداندىق قازىنا مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعىنىڭ ورىنباسارى تۇرعانجان ءناسىردىڭ، پارتيا باسشىلىق گرۋپپاسى شۋجيىنىڭ ورىنباسارى، مەكەمە باستىعى لي حايتاۋدىڭ بەلگىلەمەگە قايشى تۇردە قوسىمشا قاراجات تاراتۋ ماسەلەسى. 2015 – جىلى 2 – ايدان 2017 – جىلى 12 – ايعا دەيىن، موڭعۇلكۇرە اۋداندىق قازىنا مەكەمەسى جىلدىق باعالاۋ ونىمدىلىك سيلىعى رەتىندە 73 مىڭ 800 يۋان قاراجاتتى تارتىپكە قايشى تۇردە تاراتقان، تۇرعانجان ءناسىر مەن لي حايتاۋ قىزمەت مىندەتىن دۇرىس اتقارماعان، تارتىپكە قايشى تۇردە قوسىمشا قاراجات تاراتۋ ماسەلەسىندە باستى جاۋاپكەرشىلىك ارقالايدى. 2018 – جىلى 10 – ايدا تۇرعانجان ءناسىر مەن لي حايتاۋعا جەكە – جەكە پارتيا ىشىندە ەسكەرتۋ بەرۋ جازاسى بەرىلدى. بەلگىلەمەگە قايشى تاراتىلعان قاراجات قايتارىپ الىندى.
5. شەريا اۋدانى داماگوۋ اۋىلدىق ورتا مەكتەپتىڭ باستىعى الىمجان ءابدىمومىنىڭ قىزمەت كەڭسەسىن ولشەمنەن ارتىق پايدالانۋ ماسەلەسى. 2015 – جىلى 10 – ايدان 2018 – جىلى 7 – ايعا دەيىن، الىمجان ءابدىمومىننىڭ پايدالانعان كەڭسەسى بەلگىلەنگەن ولشەمنەن اسىپ كەتكەن. مۇنان سىرت، الىمجان ءابدىمومىننىڭ تارتىپكە قايشىلىق جاساعان باسقا ماسەلەلەرى دە بار. 2018 – جىلى 8 – ايدا الىمجان ابدىمومىنگە پارتيا ىشىندە قاتاڭ ەسكەرتۋ بەرۋ جازاسى بەرىلدى.
6. قاعىلىق اۋدانى چيپان اۋىلى يلينىش قىستاعى پارتيا ياچەيكا شۋجيى اكبار مامەتتىڭ ءوزى باسقاراتىن ءارى قىزمەت وتەيتىن وبيەكتىلەردىڭ قوناعاسىنا بارۋ جانە جوعارى تۇتىنۋداعى كوڭىل اشۋ قيمىلىنا قاتىناسۋ ماسەلەسى. 2015 – جىلى 12 – ايدا اكبار مامەت ءوزى باسقاراتىن جانە قىزمەت وتەيتىن وبيەكتىلەردىڭ تامىر – تانىس بولۋ ءۇشىن ۇيىمداستىرعان قوناعاسىنا بارۋ جانە شاراپ ءىشۋ، ءان ايتۋ قاتارلى جوعارى تۇتىنۋداعى كوڭىل اشۋ قيمىلىنا قاتىناسىپ، قوعامدا ناشار ىقپال قالدىرعان. مۇنان سىرت، اكبار مامەتتىڭ تارتىپكە قايشى باسقا ماسەلەلەرى دە بار. 2018 – جىلى 7 – ايدا اكبار مامەتكە پارتيا ىشىندە قاتاڭ ەسكەرتۋ بەرۋ جازاسى بەرىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
