شينجياڭنىڭ سىرتىنا تەز جەتەدى، شينجياڭ ىشىندە اينالا ۇشادى
21 اۋەجاي شينجياڭنىڭ اۋە لەنياسىن توراپتاستىردى
2018.12.28 16:21 كەلۋ قاينارى : حالىق تورابى
حالىق تورابى، 12 – ايدىڭ 28 – كۇنى، بەيجيڭ. 12 - ايدىڭ 26 - كۇنى ساعات 12دەن 10 مينۋت وتكەندە وڭتۇستىك اۆياتسيا CZ6827 كەزەكشى ۇشاعى تۇمسىق تاڭۋاڭچىڭ اۋەجايىنا ءساتتى قونىپ، اتالعان اۋەجايدا رەسمي ۇشاق قاتىنادى. سونىمەن شينجياڭدا 21 حالىقتىق اۋەجاي ىسكە قوسىلىپ، «نەگىزگى تارماق لەنيالار تۇتاسقان، ءارقايسى تارماق لەنيالار بويىنشا ءبىر - بىرىنە ۇشاتىن» اۋە لەنياسى تورىنىڭ تىرەك بولۋىندا شينجياڭدىقتاردىڭ شينجياڭنان شىعۋى اناعۇرلىم قولايلى بولىپ قانا قويماي، ۇشاقپەن شينجياڭدى ارالاۋى رەالعا اينالدىردى، «شينجياڭنىڭ سىرتىنا تەز جەتۋ، شينجياڭ ىشىندە اينالا ۇشۋ» جەدەل ىلگەرىلەدى.
شينجياڭنىڭ جەرى كەڭ، قالالارىنىڭ باسىم كوبى قۇمدى ءشولدىڭ جيەگىندەگى جاسىل القاپتارعا ورنالاسقان، شينجياڭدىقتار شينجياڭنان شىعۋ ءۇشىن ۇزاق جول باسادى، ءتىپتى وڭتۇستىك - سولتۇستىك شينجياڭداعى ادامداردىڭ بارىس - كەلىس، قارىم - قاتىناس جاساۋىنىڭ ءوزى قولايسىز بولىپ، ەكونوميكانىڭ، قوعامنىڭ دامۋىنا بەلگىلى دەڭگەيدە ىقپال جاساپ كەلگەن ەدى. وسىعان ساي، حالىقتىق اۆياتسيا شينجياڭ باسقارۋ مەكەمەسى شينجياڭ ىشىندەگى تارماق لەنيالاردىڭ اۋە قاتىناسىنىڭ دامۋىن ىلگەرىلەتۋگە بەلسەنە جەتەكشىلىك ەتتى: مەملەكەتتىك حالىقتىق اۆياتسيا باسقارۋ مەكەمەسىنىڭ قولداۋىنا قول جەتكىزىپ، شينجياڭ ىشىندەگى تارماق لەنيالى اۋەجاي اراسىندا كەزەكشى ۇشاقتاردىڭ قاتىناۋ جالپى مولشەرىنە شەك قويماي، شينجياڭ وڭىرىندەگى حالىقتىق اۆياتسيا تارماق لەنيالارىنىڭ قوسىمشا قاراجاتىن ەلىمىزدەگى ادەتتەگى وڭىرلەرگە قاراعاندا 20 پايىز ارتتىردى؛ اۆياتسيا سەرىكتەستىكتەرىن تارماق لەنيالى اۋەجايلاردان ىشكى ولكەدەگى قالالاردىڭ اۋە لەنيالارىنا تىكە قاتىناس اشۋعا بەلسەنە شابىتتاندىرىپ، شينجياڭ كەزەكشى ۇشاقتارىنىڭ قاتىناۋ جالپى مولشەرىندەگى ارتقان ۇلەستى شينجياڭ ىشىندەگى تارماق لەنيالى اۋەجايلارعا ءتۇسىردى؛ سونىمەن بىرگە، شينجياڭ ۇيعۇر اۆتونوميالى رايونى العا قويعان تارماق لەنيالى اۋە قاتىناسىنىڭ قوسىمشا قاراجات ساياساتىن بەلسەنە تياناقتاندىرىپ، اۆياتسيا سەرىكتەستىكتەرىن شينجياڭ ىشىندەگى تارماق لەنيالى اۋەجاي اراسىندا اۋە لەنيالارىن اشۋعا جەتەكشىلىك ەتتى.
ساياساتتىڭ جەتەكشىلىگىندە ءارقايسى اۆياتسيا سەرىكتەستىكتەرى شينجياڭ وڭىرىندەگى تاسىمال قۋاتىن ارتتىرىپ، شينجياڭ ىشىندەگى اۋە لەنيالارىنىڭ توراپ قۇرىلىمىن بىرتىندەپ كوبەيتتى.
كورلا اۋەجايى شينجياڭ ىشىندەگى قوسالقى توراپتىق اۋەجايعا اينالدى، قازىر اتالعان جەرگە 8 اۆياتسيا سەرىكتەستىگى ورنالاستى. اۋە لەنيالارى جاڭادان اشىلىپ، قالپىنا كەلگەننەن كەيىن، كورلا اۋەجايىندا 29 اۋە لەنياسى، 26 قاتىناۋ ءتۇيىنى بولادى. جىجياڭ چاڭلۇڭ اۆياتسيا شەكتى سەرىكتەستىگىنىڭ 12 - ايدىڭ 19 - كۇنى حاڭجوۋدان اقسۋعا توتە بارىپ - كەلەتىن، جول ورتادا جىڭجوۋعا قوناتىن كەزەكشى ۇشاعىن قاتىناتۋىنا ىلەسە، اقسۋ اۋە قاتىناسى بازارىنا 6 - اۆياتسيا سەرىكتەستىگى قوسىلدى، وندا 12 اۋە لەنياسى، 14 قاتىناۋ ءتۇيىنى بار.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
