دامۋ جانە رەفورما كوميتەتى قاتارلى 22 تاراۋ: بۇعالتىرلىق سالاسىندا اۋىر سەنىمسىزدىك تۋدىرعان تۇلعالارعا قاراتا بىرلەسىپ جازالاپ ساقتاندىرۋ قيمىلى ورىستەتىلەدى
2018.12.27 17:34 كەلۋ قاينارى : حالىق تورابى
حالىق تورابى، 12 – ايدىڭ 26 - كۇنى، بەيجيڭ (ءتىلشى چىن مىڭ). دامۋ جانە رەفورما كوميتەتى توراپ بەكەتىنىڭ حابارىنا قاراعاندا، بۇعالتىرلىق سالاسىنداعى سەنىمدىلىك جۇيەسى قۇرىلىسىن جەدەل ىلگەرىلەتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، سەنىمىن ساقتاعانداردى ماداقتاپ، سەنىمنەن ايرىلعانداردى جازالاۋداعى پارمەندى بىرىككەن كۇشتىڭ قالىپتاسۋىن ىلگەرىلەتۋ ءۇشىن، تاياۋدا مەملەكەتتىك دامۋ جانە رەفورما كوميتەتى، حالىق بانكەسى، قازىنا مينيسترلىگى قاتارلى 22 تاراۋ «بۇعالتىرلىق سالاسىندا اۋىر سەنىمسىزدىك تۋدىرعان قاتىستى جاۋاپتى تۇلعالارعا قاراتا بىرلەسىپ جازالاپ ساقتاندىرۋ قيمىلىن ورىستەتۋ جونىندەگى سەلبەستىك ەسكەرتپە حاتىنا» (تومەندە قىسقاشا «ەسكەرتپە حاتى» دەلىنەدى) بىرلەسىپ قول قويعان.
«ەسكەرتپە حاتىندا» بىلاي دەلىندى: بىرلەسىپ جازالاپ ساقتاندىرۋ وبيەكتىلەرى باستىسى بۇعالتىرلىق قىزمەتىندە «بۇعالتىرلىق زاڭىنا»، «سەرىكتەستىك زاڭىنا»، «اكتسيا زاڭىنا»، سونداي – اق باسقا دا زاڭ، بەلگىلەمە، قاعيدا جانە نورمالىق قۇجاتتارعا قايشىلىق جاساعان، ادالدىق، سەنىمدىلىك پرينسيبىنە قايشى كەلگەن، قازىنا تاراۋلارى مەن قاتىستى تاراۋلاردىڭ زاڭ بويىنشا تەكسەرۋىمەن زاڭعا قايشىلىق جاساۋ، سەنىمسىزدىك ىستەۋ ارەكەتىنىڭ اۋىر ەكەنى تۇراقتاندىرىلعان بۇعالتىرلاردى كورسەتەدى.
«ەسكەرتپە حاتىندا» تاعى ينفورماتسيادان ورتاق يگىلىكتەنۋدىڭ جانە بىرلەسىپ جازالاپ ساقتاندىرۋدىڭ اتقارۋ ءادىسى ايقىندالدى. بىرلەسىپ جازالاپ ساقتاندىرۋ وبيەكتىلەرىنىڭ تىزىمدىگىن تۇراقتاندىراتىن قاتىستى تاراۋلار مەن ورىندار مەملەكەتتىك سەنىمدىلىك ينفورماتسياسىنان ورتاق يگىلىكتەنۋ تەكشەسى ارقىلى بۇعالتىرلىق سالاسىندا زاڭعا قايشىلىق جاساپ، سەنىمنەن ايرىلعان ءىستى ادامداردىڭ قاتىستى ينفورماتسيالارىن قازىنا مينيسترلىگىنە جولداپ بەرەدى ءارى ۋاعىندا جاڭالاپ وتىرادى. قازىنا مينيسترلىگى مەرزىم بويىنشا سۇرىپتاپ جيناقتاعان سوڭ مەملەكەتتىك سەنىمدىلىك ينفورماتسياسىنان ورتاق يگىلىكتەنۋ تەكشەسى ارقىلى «ەسكەرتپە حاتىنا» قول قويعان باسقا تاراۋلار مەن ورىنداردى بۇعالتىرلىق سالاسىندا زاڭعا قايشىلىق جاساپ، سەنىمنەن ايرىلعان ءىستى ادامداردىڭ قاتىستى ينفورماتسيالارىمەن قامدايدى. قاتىستى تاراۋلار مەن ورىندار «ەسكەرتپە حاتىندا» كەلىسىلگەن مازمۇندار بويىنشا بۇعالتىرلىق سالاسىندا زاڭعا قايشىلىق جاساپ، سەنىمنەن ايرىلعان ءىستى ادامدارعا قاراتا جازالاپ ساقتاندىرۋ شاراسىن قولدانادى. جازالاپ ساقتاندىرۋ ونىمدىلىگىن مەرزىم بويىنشا حابارلاندىرۋ مەحانيزمى ورناتىلادى، قاتىستى ورىندار مەرزىم بويىنشا بىرلەسىپ جازالاپ ساقتاندىرۋ شاراسىن اتقارۋ جاعدايىن مەملەكەتتىك سەنىمدىلىك ينفورماتسياسىنان ورتاق يگىلىكتەنۋ تەكشەسى ارقىلى مەملەكەتتىك دامۋ جانە رەفورما كوميتەتى مەن قازىنا مينيسترلىگىنە اڭىس ەتىپ وتىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
