مەملەكەتتىك ينتەرنەت ينفورماتسياسى كەڭسەسى ينتەرنەت ەكولوگيالىق ورتاسىن جونگە سالۋ ارناۋلى ارەكەتىن باستادى
2019.01.04 15:58 كەلۋ قاينارى : حالىق تورابى
حالىق تورابى، 1 – ايدىڭ 3 – كۇنى، بەيجيڭ. مەملەكەتتىك ينتەرنەت ينفورماتسيالارى كەڭسەسى تورابىنىڭ حابارلاۋىنشا، ينتەرنەت ەكولوگيالىق ورتاسى ماسەلەلەرىنىڭ قايتا – قايتا تۋىلىپ، ءتۇرلى زالالدى ينفورماتسيالاردىڭ تيىم سالسا دا تولاستاماۋى قاتارلى ماسەلەلەر جونىندە جۇرتشىلىق نازار اۋدارىپ وتىرعان تۇيىندەر تۋرالى بەلسەندى تۇردە جاۋاپ قايتارۋ ءۇشىن مەملەكەتتىك ينتەرنەت ينفورماتسياسى كەڭسەسى ينتەرنەت ەكولوگياسىن جونگە سالۋ ارناۋلى ارەكەتىن باستادى.
ۇعىسۋعا قاراعاندا، بۇل رەتكى ارناۋلى ارەكەت 2019 – جىلى 1 – ايدا رەسمي باستالىپ، 6 اي ۋاقىت ورىستەتىلىپ، ارەكەتتى باستاۋ جانە ورنالاستىرۋ ، جاپپاي جونگە سالۋ، باقىلاۋ جانە تەكسەرۋ، قورىتىندىلاۋ جانە باعالاۋ سىندى ءتورت كەزەڭ بويىنشا جۇرگىزىلەدى، ءتۇرلى توراپتار، جىلجىمالى تەرمينالدار، ينتەرنەت مىنبەرلەرى مەن تەمە مىنبەرلەرى، لەزدىك حابارلاسۋ قۇرالدارى، تىكە تاراتىلىم تەكشەلەرى قاتارلى تۇيىندەردەگى بادىك، انايى، زورلىق – زومبىلىق جانە قانقۇيلىلىق، لاڭكەستىك پەن ۇرەي سالۋ، قۇمار ويناۋ جانە الدامكوستىك، ينتەرنەتتەگى وسەك – اياڭ، فەودالدىق سوقىر سەنىم، بالاعاتتاۋ جانە كەلەكە ەتۋ، قۇقاي كورسەتۋ جانە ۇرەيلەندىرۋ، وقىرماندى تاقىرىپپەن باۋراۋ، وشپەندىلىكپەن ارانداتۋ، ناشار تۇرمىس ادەتتەرى جانە جاڭادان تارالعان ناشار مادەنيەت ادەتتەرى قاتارلى 12 ءتۇرلى ناشار، زالالدى ينفورماتسيالارعا رەتتەۋ جۇرگىزىپ، ينتەرنەت ەكولوگيالىق ورتاسىنداعى باستى تۇيىندەردەگى كورنەكتى ماسەلەلەردى شوعىرلى تۇردە شەشىم ەتەدى، قازىر اتقارىلۋ ۇستىندەگى اكىمشىلىك زاڭ اتقارۋ تاسىلدەرىنەن تولىق پايدالانا وتىرىپ، زاڭ – تۇزىمگە قايشى ءبىر توپ توراپتار مەن اككاۋنتتاردى قاتاڭ انىقتايدى ءارى ولاردى توقتاتادى، وسى ارقىلى زالالدى ينفورماتسيالاردىڭ قايتا ورالۋىنان، قايتا باس كوتەرۋىنەن ءونىمدى تۇردە ساقتانىپ، ينتەرنەت ەكولوگيالىق ورتاسىنىڭ اناعۇرلىم پاك بولۋىن ىلگەرىلەتەدى.
ينتەرنەت ينفورماتسيالارى كەڭسەسىنىڭ جاۋاپتىسى مىنانى اتاپ كورسەتتى: بۇل رەتكى ارناۋلى ارەكەت بارىسىندا «باسقارۋشى كىم بولسا سول جاۋاپتى بولۋ، كىم اشقان بولسا سول جاۋاپتى بولۋ» پرينسيپىن قاتاڭ اتقارىپ، جاۋاپكەرشىلىكتى تياناقتاندىرۋدى مىقتى ۇستاۋ كەرەك، جەر – جەردەگى ينتەرنەت ينفورماتسياسى تاراۋلارى قاراماعىنداعى وڭىرلەردى باسقارۋعا جاۋاپتى بولۋدى شىنايى ورىنداۋى، توراپتار مەن تەكشەلەر كاسىپورىننىڭ نەگىزگى تۇلعالىق جاۋاپكەرشىلىگىن باتىل تياناقتاندىرۋى، ينتەرنەت ەكولوگيالىق ورتاسىن ارناۋلى تۇردە جونگە سالۋ قىزمەتىندە شىنايى ناتيجەگە قول جەتكىزۋدى كۇش سالا ىلگەرىلەتۋى كەرەك. زاڭ – تۇزىمگە قايشى ارەكەتتەردى ىرقىنا جىبەرگەن، الەۋمەتتىك ىقپالى ناشار بولعان قاتىستى جاۋاپتىلاردى مۇلدە ىرقىنا جىبەرۋگە بولمايدى، ولاردى زاڭ – ءتۇزىم بويىنشا قاتاڭ ءبىرجاقتىلى ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
