«يوۋ شۋجي، ءسىزدى ساعىنا ەسكە الامىز!»
ىلە قازاق اۆتونوميالى وبلىسىنىڭ ۇزدىك پارتيا مۇشەسى، كۇنەس اۋدانى بەستوبە اۋىلىنىڭ بۇرىنعى پارتكوم شۋجيى يوۋ چيشىڭ جونىندە
ءتىلشىمىز شى شۋەحۇڭ
2019.01.07 13:37
«يوۋ شۋجي، ءسىزدى ساعىنا ەسكە الامىز!» بۇل ءتىلشىنىڭ كۇنەس اۋدانى بەستوبە اۋىلىندا يوۋ چيشىڭنىڭ ۇزدىك ءىس ىزدەرى جونىندەگى تىلشىلىك ساپارى بارىسىندا ەڭ كوپ ەستىگەن ءبىر اۋىز ءسوزى.
ءتىلشىنىڭ سۇحپاتىن قابىلداعان 50 دەن استام كادر مەن بۇقارا ءوز تەبىرەنىستەرىن جاسىرماي، يوۋ شۋجيعا العىستارىن جاۋدىرىپ، كوڭىل تۇكپىرىندەگى ساعىنىشىن، قارالى وكسىكتەرىن باسا الماي ازەر جەتكىزدى، ولاردىڭ قوس جاناردان توگىلگەن قاسىرەت ساعىنىش جاسى ءتىلشىنىڭ دە كوڭىلىن بوساتىپ، كوزىنە ەرىكسىز جاس الدىردى... بەستوبە اۋىلى سىندى وسى ءبىر مەكەندە يوۋ چيشىڭنىڭ ءار ۇلت پارتيا مۇشەلەرى مەن بۇقارانى باستاپ، كەدەيلىك بەت – بەينەسىن وزگەرتۋ ءۇشىن كۇرەسكەن كوركەم كارتيناسى قالدى؛ يوۋ چيشىڭنىڭ اۋەلگى ماقساتتى ۇمىتپاي، بار ىنتا – پەيىلىمەن حالىق ءۇشىن قىزمەت ەتكەن جارقىن ءىزى قالدى. ول ءوزىنىڭ ناقتى ارەكەتى ارقىلى حالىققا پارتيانىڭ حالىقتى باقىتقا كەنەلتۋ قادامىنىڭ ەش قاشان دامىل تاپپايتىندىعىن ۇعىندىردى.
يوۋ چيشىڭنىڭ جارقىن بەينەسى كوڭىل تۇكپىرىمدە
12 – ايدىڭ 3 – كۇنى كۇنەس قالاشىعى بۇقارالىق ىستەر كەڭسەسىنىڭ كادرى راۋشانگۇل قاسىمجان كوزىنە ىستىق جاس الىپ تىلشىگە بىلاي دەدى: يوۋ شۋجيدى ءاردايىم ساعىنا ەسكە الامىن! ءبىز ءبىر جاقسى باسشىمىزدان ايىرىلىپ قالدىق، ول كىسى ارامىزدان اتتانعان ەكى اي ۋاقىتتا، ونىڭ جارقىن كەلبەتى كوڭىل تۇكپىرىمنەن كوتەرىلگەن ەمەس. ول كوزىنىڭ تىرىسىندە ۇنەمى مەنىڭ باستى مىندەتىم - ءار ۇلت بۇقاراسىنا ىنتالى قىزمەت وتەۋ دەيتىن. راۋشانگۇل قاسىمجان - يوۋ چيشىڭ باۋلىپ جەتىلدىرگەن كادر، يوۋ چيشىڭ بەستوبە اۋىلىنا بارىپ قىزمەت ىستەگەنىمەن، ۇنەمى وعان تەلەفون شالىپ، ونىڭ قىزمەت، تۇرمىس بارىسىنداعى قيىنشىلىقتارىن ۇعىساتىن، سونداي – اق قيىنشىلىقتار ءدوپ كەلگەندە قىزمەتتى قانداي ورىستەتۋ جونىندە كەڭەس بەرەتىن.
بەستوبە اۋىلى قاراعاشتى قىستاعىنىڭ تۇرعىنى ماقپال زينالبەك قىزى وتباسىندا يوۋ چيشىڭ جونىندە اڭگىمەدە بولعانىمدا ول: «تاماشا شۋجيىمىز وسىلايشا كەنەتتەن ارامىزدان اتتاندى، ءبىز شىنىندا بۇل توسىن جاعدايدى قابىلداي المادىق» دەپ ءوزىن توقتاتا الماي، كوز جاسىنا ەرىك بەردى. ول تىلشىگە بىلاي دەدى: يوۋ چيشىڭ قۇددى مەنىڭ اعا – باۋىرىم ىسپەتتى، اۋىل دا، قىستاق تا ول سەكىلدى جاقسى كادرعا مۇقتاج، قىستاق تۇرعىندارىنىڭ ءبارى دە ونى جانىنداي جاقسى كورەدى.
كۇنەس قالاشىعى ءادىليا بولىمشەسىنىڭ ورىنباسار باستىعى ليۋ يىڭ «يوۋ شۋجيدىڭ شىنىندا بىزبەن وسىلاي حوشتاسقانى ما...» دەپ ءسوزىن ايتىپ بولماي جاتىپ، ەگىلىپ كەتتى. ول بىلاي دەدى: يوۋ چيشىڭ قىزمەتتە وتە قاتال، ءبىراق، تۇرمىستا وتە جايدارى ەدى، باسقالارعا كوڭىل ءبولۋدى، كومەكتەسۋدى ۇناتاتىن. وسى كۇنگە دەيىن مەن يوۋ چيشىڭنان ايىرىلىپ قالعانىمىزدى قابىلداي الماي كەلەمىن.
«يوۋ شۋجي وتە كەرەمەت، بۇل ءداۋىر مىنە وسىنداي پارتكوم شۋجيىن قاجەت ەتەدى، ونىڭ جارقىن بەينەسى مەنىڭ كوڭىل تۇكپىرىمنەن ماڭگىلىك وشپەس ورىن الدى، ونىڭ قىزمەت ورنىندا قازا تاپقانى مەنىڭ جۇرەگىمە ۇلكەن قاياۋ سالدى. ونىڭ قىزمەتىنە ءار ۇلت كادرلارى مەن بۇقارا تۇگەلدەي مويىنسال بولدى، ونى قۇرمەت تۇتتى، ول ءبىر جاقسى شۋجي ەدى، – دەدى بەستوبە اۋىلىنىڭ شوفەرى سۇن يۇڭ قايعىلى بەينەدە.
يوۋ چيشىڭ رۋحى كوكەيىمە ۇيالادى
ءتىلشى يوۋ چيشىڭنىڭ كوزى تىرىسىندە ءتۇن ورتاسىندا بۇكىل اۋىلداعى ءار ۇلت كادرلارىن جيناپ، زەرتتەۋ – تالقى جيىنىن اشاتىن ءماجىلىس الاڭىنا كەلىپ، ول وتىرعان ورىندىققا وتىرىپ، بەستوبە اۋىلىندا وتكىزگەن 381 كۇننىڭ كوپ تۇنىندە زەرتتەۋ – تالقى قىزمەتى ءماجىلىسىن اشقانداعى بەينەسىن كوز الدىنا كەلتىردى...
«يۋ چيشىڭ قىزمەت قامىمەن ءجۇرىپ قازا بولدى، ول كەرەمەت ەدى»، – دەدى كۇنەس قالاشىعى بەستوبە قىستاعى پارتيا ياچەيكاسىنىڭ شۋجيى لي چىڭ تىلشىگە قىستىعا سويلەپ، ول يۋ چيشىڭمەن 5 جىل بىرگە ىستەگەن ءارى ەكەۋى دە نارات قالاشىعىنان شىققان كادر ەدى، ەكى وتباسى وتە جاقىن وتكەن، يۋ چيشىڭ تىرشىلىگىندە وعان: «نەگىزگى ساتى كادرى بولعان سوڭ حالىق ءۇشىن بارىنشا كوپ ناقتى ءىس، جاقسى ءىس ىستەۋ كەرەك» دەگەندى كوپ ايتقان ەدى، لي چىڭ وسى ءسوزدى ەسىنە بەرىك ساقتاپ، تاباندىلىقپەن قىزمەت ىستەۋ بەكىمىن ارتتىردى.
يوۋ چيشىڭنىڭ ىستەگەن قىزمەتى ەل اۋزىندا ماقتالدى
يۋ چيشىڭنىڭ سۇيەگىن شىعارعان كۇنى كوشەنىڭ ەكى شەتى ءبىرقانشا كيلومەتر جەرگە دەيىن ادامعا لىق تولدى.
يۋ چيشىڭنىڭ سۇيەگىمەن قوشتاسۋ سالتىندا، توڭىرەكتىڭ ءتورت بۇرىشىنان كوڭىل ايتۋعا كەلگەن ادامداردىڭ اياعى ۇزىلمەدى. كوپتەگەن ادامدار ەرىكسىز كوز جاسىن كولدەتتى.
«يۋ چيشىڭ حالىققا وتە قورمال، قاراپايىم باسشى ەدى، ونى ۇيگە شاقىرىپ شاي بەرۋگە دە ۇلگىرتپەي كەتىپ قالدى – اۋ»، – دەدى بيىل 70 جاستان اسقان بەستوبە اۋىلى قاراعاشتى قىستاعىنىڭ تۇرعىنى ساتاي اياۋبەك ۇلى. يۋ شۋجي قىستاق تۇرعىندارىنىڭ كوكونىس ەگۋىنە، اۋلا تازالاۋىنا، مال باعۋىنا كومەكتەسىپ، بەينە قىستاق تۇرعىندارىنىڭ اعا – باۋىرىنداي بولىپ كەتكەن ەدى.
«يۋ شۋجي بۇقارا ءۇشىن كوپتەگەن ناقتى ءىس ىستەدى، ونىڭ قىزمەت ىستەۋ پوزيتسياسىنا قاتتى ءتانتىمىن»، – دەدى بەستوبە اۋىلدىق حالىق ىستەر كەڭسەسىنىڭ مەڭگەرۋشىسى باقبەرگەن جانبىل ۇلى، يوۋ چيشىڭدى ۇزاتىپ سالعاندا ول قانشالىق ەگىلىپ كوز جاسىن كولدەتكەنىن بىلمەدى، قازىر ول يۋ چيشىڭ ۇيرەتكەن قىزمەت ءتاسىلى بويىنشا جۇمىس جۇرگىزۋدە.
«بەستوبە اۋىلىندا بۇرىن ءتۇرلى قىزمەت جۇيەسىز، بىتىراندى، ءونىمسىز ەدى، قازىر ونىڭ كۇنەس اۋداندىق پارتكوم مەن ۇكىمەت الاڭسىز بولاتىنداي اۋىلعا اينالۋىنا يۋ شۋجي زور ەڭبەك كورسەتتى. يۋ شۋجيدىڭ ارامىزدان اتتانۋى وتە وكىنىشتى بولدى»، – دەدى بەستوبە اۋىلدىق پارتكومنىڭ ورىنباسار شۋجيى، اۋىل باستىعى مۇقامەتالى ابدىراقىم ۇلى قايعىرىپ.
«يۋ شۋجي باستان – اياق پارتياعا قالتقىسىز ادالدىعىن ساقتاپ كەلدى، ونىڭ كەتۋى، ءبىزدى وكىنىشتە قالدىردى. الايدا يۋ شۋجيدىڭ ءتاڭىر تاۋىنداعى قايسار قاراعايداي رۋحى ءبىزدى ۇزدىكسىز العا ىلگەرىلەۋگە جەتەلەيدى»، – دەدى بەستوبە اۋىلدىق پارتكوم مەن ۇكىمەتتىڭ پارتيا قۇرىلىسى كەڭسەسىنىڭ ورىنباسار مەڭگەرۋشىسى تاۋ جىشي.
«ءبىز سەنى ساعىنامىز، يۋ شۋجي!»، – دەدى ەڭىرەگەن كوز جاسى ەتەگىنە توگىلگەن بەستوبە اۋىلى قاراعاشتى قىستاعىنىڭ تۇرعىنى اجيت ابدىكەرىم يۋ چيشىڭنىڭ وتباسىمەن بىرگە تۇسكەن «ۇلتتارىنتىماعىنىڭ بەرەكەلى شاڭىراعى» سۋرەتىن قۇشاعىنا قىسىپ تۇرىپ.
«ارمان – اي دەسەڭشى، بىزگە ماڭگىلىك ساعىنىش تاستاپ، وسىلايشا ءۇن – ءتۇنسىز كەتتىڭ بە...»، – دەپ جازدى يۋ چيشىڭمەن قوشتاسقان سوڭ كۇنەس اۋداندىق ساياسي – زاڭ كوميتەتى كەڭسەسىنىڭ مەڭگەرۋشىسى ليۋ باۋچۋان «يۋ چيشىڭدى ەسكە الۋ» ەستەلىگىنە.
«ءسىز وڭتۇستىك تاۋدا ماڭگىلىك ۇيقىدا جاتىرسىز، سوندا دا بەستوبە اۋىلىنىڭ كەڭ – بايتاق جەرىن كۇزەتۋدەسىز، ونىڭ بىرتىندەپ وزگەرگەن وزگەرىستەرىن كورىپ، قۇم – شاعىلى ازىرلەنىپ بولىپ، قۇرىلىسى باستالعالى تۇرعان اۋىل اراسىنداعى ەڭ سوڭعى ەكى جولدىڭ ەرتەرەك جاسالىپ بولۋىن كۇتۋدەسىز، ءوزىڭىز قامىن كوپ جەگەن بۇقاراڭىزدىڭ باقىتتى تۇرمىسىنىڭ شاتتىق ءۇنىن ەستىپ جاتارسىز...
ءار ۇلت كادرلار مەن جۇرتشىلىقتىڭ يۋ چيشىڭ جولداستى قيماي توككەن كوز جاسى مەن شىنايى ساعىنىشى ولاردىڭ ءبىر ۇزدىك كادرگە بىلدىرگەن ەڭ ۇلكەن ازاسى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
