قامىققان قارت قامقورلىققا بولەندى
2019.01.07 13:37
12 - ايدىڭ 24 - كۇنى ىلە گازەتىنىڭ ورىنباسار مەكەمە باستىعى جيڭ دىميڭ مەن كۇنەس اۋدانى بەستوبە اۋىلى اشىلىبۇلاق قىستاعىنىڭ 1 - شۋجيى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت گرۋپپاسىنىڭ باستىعى ۋاڭ جيانجۇن قارت انا قانيا احىمەتجان قىزىن سۇيەپ دوڭگەلەكتى ورىندىققا وتىرعىزىپ تىسقا شىعاردى. قارت انا بۇدان بىلاي ۇيدەن شىعىپ، تۇنىق اۋامەن تىنىستاپ، كۇنگە قاقتالىپ، سايراعان قۇستاردىڭ داۋىسىن ەستي الاتىن بولعانىنا قاباعات قۋاندى.
قانيا شەشەي اشىلىبۇلاق قىستاعىنىڭ مۇشەسى بولىپ، مال باعىپ، ەگىن ەگەتىن. ول وتكەندە ەسىك الدىنداعى كەڭ اتىزدىقتا ءبيداي، جۇگەرى سىندى داقىلدار ەگىپ، ءوزىنىڭ ەڭبەك ساۋعان، قاراپايىم دا تىنىش ءومىرىن وتكىزىپ كەلگەن - دى. جىلداردىڭ وتۋىمەن قارتتىق جەتىپ، جانارى تايىپ، اياق - قولى اۋىرلاسىپ، ءجۇرىپ - تۇرۋى قيىنداپ، دەنساۋلىعى سىر بەرەدى. ءۇش جىلدان بەرى توسەك تارتىپ اياداي ۇيدەن اتتاپ شىعا المايتىن حالگە دۋشار بولادى.
بيىل ىلە گازەتى مەكەمەسىنەن اشىلىبۇلاق قىستاعىنا تۋىسشىلاي قونۋعا بارعان كادىر - ءابدۋالي قىستاق جاعدايىمەن تانىسىپ، شارۋالاردىڭ ءوندىرىسى مەن تۇرمىسىن كورۋ بارىسىندا كوپ ىستەردى كوكەيگە تۇيەدى. وتە -موتە، قيىنشىلىعى بار ءىشىنارا وتباسىلارىنا كومەك قولىن سوزىپ، ءبىر جىل ىشىندە ولارعا التى ءتۇرلى جاقسى ءىس ىستەۋ بەكىمىن جاسايدى ءارى كوپ وتپەي ءوز ويىن مەكەمە جانە قىستاقتا تۇراتىن قىزمەت گرۋپپاسىنا جەتكىزىپ، ولاردىڭ قولداۋىنا يە بولادى.
ءابدۋاليدىڭ ايتۋىنشا، ول نىلقى اۋدانىنىڭ اۋىل - قىستاعىندا تۋىلىپ، پارتيا مەن ۇكىمەتتىڭ ماپەلەۋىندە جوعارى دارەجەلى زيالىعا اينالىپتى ءارى بۇگىنگىدەي باقىتتى تۇرمىس كەشىپ جاتقانىنا ءدان ريزا ەكەن. كەدەيلەردى سۇيەمەلدەۋ قىزمەتى ۇكىمەتتىڭ سۇيەمەلىمەن قوسا قوعام جانە جەكەنىڭ كوپ كومەگىنە مۇقتاج بولعاندىقتان، ول ءوز ۇلەسىن قوسۋعا بەلدى بەكەم بۋىپتى. ۋادەسىندە تۇرعان ءابدۋالي جارىم جىلدان بەرى اشىلىبۇلاقتاعى ءتورت وتباسىنا دارەتحانا جاساتىپ، ءبىر وتباسىنا قۇدىق قازدىرىپ بەرەدى.
ءابدۋالي بىلاي دەيدى: «اۋىل - قىستاق دارەتحانا توڭكەرىسى - كورىكتى اۋىل - قىستاق قۇرۋدىڭ ماڭىزدى ءبىر مازمۇنى ءارى نەگىزدىك قۇرىلىس سانالادى. قاتىستى ورىندارمەن كەڭەسە كەلە قىستاق تۇرعىندارىنا ولشەمدى دارەتحانا جاساتىپ بەرىپ، باسقا قىستاق تۇرعىندارىنىڭ دارەتحانا توڭكەرىسىن جۇرگىزۋىنە باستاماشىلىق ىستەدىم».
قىستاق مۇشەسى ءالىباي ءنۇسىپجان ۇلى اراق ءىشىپ، ەگىن سالماي، قيىنشىلىعى بولسا «قىستاق ەكى كوميتەتىنە» الاقان جاياتىنداردىڭ ءبىرى ەدى. ءبىر جىلدان بەرى قىزمەت اترەتى مەن «قىستاق ەكى كوميتەتىنىڭ» ەكونوميكالىق جاقتان سۇيەمەلدەۋى مەن تاربيەسىندە الىباي دا تۇرمىسىن تۇزەۋگە ۇمتىلدى. ءابدۋالي وعان قۇدىق قازدىرىپ بەرىپ، ونىڭ تاماق جاساپ، ءۇي تازالاۋىنا جاعداي جاساپ، تۇرمىستىق جانە رۋحاني جاقتان سەرپىلۋىنە مۇمكىندىك جاراتىپ بەردى.
قانيا قارتتىڭ توسەك تارتىپ جاتقانىن قىستاقتاعىلاردىڭ ءبارى بىلەتىن. ءابدۋالي وسىنداي قارتتارعا كومەك قولىن سوزىپ، ولارعا قوعامنىڭ جاراسىمدى دا بەرەكە - بىرلىككە تولى ەكەندىگىن سەزىندىرۋدى ارماندايتىن.
دوڭگەلەكتى اربانى سيپالاي وتىرىپ، ءوز كوڭىلىن اقتارعان قانيا قارت بىلاي دەدى: «كۇنى بويى ساكىنىڭ ۇستىندە بۇك ءتۇسىپ، بۇكتەتىلىپ جاتاتىن مەڭزەڭ كۇيىمنەن ابدەن ءىش - قۇستا بولۋشى ەدىم. ەندى دوڭگەلەكتى ارباعا وتىرىپ، تىسقا شىعا الاتىن بولدىم. كوزىم كورمەگەنىمەن، تۇلا بويىما جاس كەزىمدەگىدەي كۇش -قايرات ۇيالاعانداي بولدى».
ىلە گازەتى مەكەمەسى مەن قىزمەت گرۋپپاسىنداعىلار كۇن سۋىق، جول تايعاق بولۋىنا قاراماي ارناۋلى كولىكپەن قىستاق كوميتەتىنەن 20 كيلومەتر شالعايداعى قانيا قارتتىڭ ۇيىنە باردى. وسىنشاما كوپ ادامنىڭ كومەك قولىن سوزعانىنا اسەرلەنگەن قانيا قارت بالاسىنا بىلاي دەدى: «قاۋقارسىز قارتتارعا دا باقىتتى تۇرمىس سيلاعان قوعامىمىز شىنىن دا تاماشا -اق».
قانيا قارتقا دوڭگەلەكتى اربا سيلاۋ ءابدۋاليدىڭ بيىل قىستاق بۇقاراسى ءۇشىن ىستەمەكشى بولعان يگىلىكتى جۇمىسىنىڭ ەڭ سوڭعىسى ەدى. ونىڭ ايتۋىنشا، بۇقارالىق قىزمەت ايالسىز العا جىلجيدى، ونىڭ بۇقارا ءۇشىن جاقسى ىستەر ىستەۋى دە، استە، توقتاپ قالمايدى ەكەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
