جۇڭگو مەن ا ق ش – تىڭ ديپلوماتيالىق قارىم – قاتىناس ورناتقاندىعىنىڭ 40 جىلدىعىن اتاپ ءوتۋ بايلانىسىمەن قوناعاسى وتكىزىلدى
2019.01.11 14:10 كەلۋ قاينارى : حالىق تورابى
حالىق گازەتى، 1 – ايدىڭ 10 – كۇنى، بەيجيڭ (ءتىلشى: لي ۋەيحۇڭ) جۇڭگو مەن ا ق ش – تىڭ ديپلوماتيالىق قارىم – قاتىناس ورناتقاندىعىنىڭ 40 جىلدىعىن اتاپ ءوتۋ بايلانىسىمەن 1 – ايدىڭ 10 – كۇنى بەيجيڭدەگى حالىق قۇرىلتايى سارايىندا قوناعاسى وتكىزىلدى، مەملەكەت ءتوراعاسىنىڭ ورىنباسارى ۋاڭ چيشان قوناعاسىعا قاتىناستى ءارى ءسوز سويلەدى.
ۋاڭ چيشان بىلاي دەدى: 40 جىلدىڭ الدىندا، جۇڭگو مەن ا ق ش ەكى ەلدىڭ باسشىلارى ەكى ەل حالقىنىڭ ءتۇبىرلى مۇددەسىن شىعار ءتۇيىن ەتە وتىرىپ، ايرىقشا ستراتەگيالىق كورەگەندىكپەن جانە ەرەن ساياسي باتىلدىقپەن جۇڭگو مەن ا ق ش اراسىندا ديپلوماتيالىق قارىم – قاتىناس ورناتۋ سىندى تاريحي سيپاتتى شەشىم جاساپ، جۇڭگو مەن ا ق ش قارىم – قاتىناسىنىڭ جاڭا ءبىر پاراعىن اشتى. وتكەن 40 جىلعا قايىرىلا كوز سالساق، جۇڭگو مەن ا ق ش قارىم – قاتىناسى بوران – شاشىندى باستان كەشىرسە دە، جىگەرلەنە العا باسىپ، كەزىندە جۇرت ويلاپ جەتە المايتىن وراسان زور تابىستارعا قول جەتكىزدى، تەك ەكى ەل حالقىنا عانا اسا زور يگىلىك جاراتىپ قالماستان، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنىپ – كوركەيۋىن دە پارمەندى تۇردە ىلگەرىلەتتى.
ۋاڭ چيشان مىنانى اتاپ كورسەتتى: جۋىردا ءتوراعا شي جينپيڭ مەن پرەزيدەنت ترامپ ءساتتى كەزدەسۋ وتكىزدى، تەلەفوندا سويلەستى ءارى جۇڭگو مەن ا ق ش - تىڭ ديپلوماتيالىق قارىم – قاتىناس ورناتقاندىعىنىڭ 40 جىلدىعى بايلانىسىمەن ءوزارا قۇتتىقتاۋ تەلەگرامماسىن جولداپ، جۇڭگو مەن ا ق ش قارىم – قاتىناسى 40 جىلدان بەرى تاريحي سيپاتتى دامۋعا قول جەتكىزدى دەگەن باعا بەرىپ، ەكى جاقتىڭ جۇڭگو مەن ا ق ش – تىڭ ديپلوماتيالىق قارىم – قاتىناسىن اناعۇرلىم دامىتۋىنا باعدار نۇسقادى. ەكى جاق جۇڭگو مەن ا ق ش ديپلوماتيالىق قارىم – قاتىناسىنىڭ باستاپقى ماقساتىن باستان – اياق ەستە بەرىك ساقتاپ، سايكەسۋ، سەلبەسۋ، ورنىقتىلىق سىندى نەگىزگى اۋەنگە تاباندى بولىپ، ەكى ەلگە اناعۇرلىم باقىت جاراتۋمەن بىرگە، دۇنيە جۇزىنە دە تيىمدىلىك جەتكىزۋى كەرەك؛ ءوزارا قۇرمەت ەتىپ، پارىقتاردى قويا تۇرىپ، ءىرى ماسەلەلەر جاعىندا بىرلىككە تالپىنۋى، جۇڭگو مەن ا ق ش اراسىنداعى ءۇش رەتكى بىرلەسكەن مازمۇنداما مەن ەكى ەل باسشىلارىنىڭ ماڭىزدى ورتاق تانىمدارىنا تاباندى بولىپ، يەلىك ۇقىق، حاۋىپسىزدىك، دامۋ قاتارلى جاقتارداعى ۇقىق – مۇددەسىنە ءوزارا قۇرمەت ەتىپ، الاۋىزدىقتاردى كەڭەس ارقىلى ۇيلەسىمدى ءبىر جاقتىلى ەتۋ مەن مەڭگەرۋگە تاباندى بولۋى كەرەك؛ جاڭا رەالعا ۇيلەسىپ، مۇددەلىك توعىسۋ تۇيىندەرىن ۇزدىكسىز ىزدەستىرۋ جانە كەڭەيتۋ، ناقتى سەلبەستىكتەردى تەرەڭدەتۋ جانە ىلگەرىلەتۋ، ەكى ەل حالقىنىڭ اناعۇرلىم مول يگىلىككە كەنەلۋىن سەزىنۋىنە مۇمكىندىك جاراتۋ كەرەك؛ دارقان پەيىلمەن ەكى ەل حالقىنىڭ اۋىس – كۇيىس پەن سەلبەستىكتى كۇشەيتۋ تىلەگىنە سايكەسىپ، ءار سالاداعىلاردىڭ اۋىس – كۇيىس ءورىسىن كەڭەيتۋىنە بەلسەندى تۇردە شابىت بەرىپ، جۇڭگو مەن ا ق ش قارىم – قاتىناسىنا بولعان جۇرت تىلەگى مەن قوعامدىق نەگىزدى اناعۇرلىم بەكەمدەۋىمىز كەرەك.
ۋاڭ چيشان مىنانى ءبىلدىردى: بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى. مەيلى حالىقارالىق جاعداي قالاي قۇبىلسا دا، جۇڭگو ءوزى تاڭداعان جولمەن مىزعىماستان العا تارتا بەرەدى، ءوزىنىڭ ءىسىن تاباندىلىقپەن ويداعىداي ىستەيدى، جۇڭگو حالقىن تاماشا تۇرمىسقا كەنەلتەدى. جۇڭگونىڭ رەفورما جاساۋ اياق الىسى توقتامايدى، سىرتقا اشىق ۇستاعان قاقپاسى بارعان سايىن ايقارا اشىلادى. ءبىز باستان – اقىر دۇنيە ءجۇزى بەيبىتشىلىگىن كوركەيتۋشى، دۇنيە ءجۇزى دامۋىنا ۇلەس قوسۋشى، حالىقارالىق ءتارتىپتىڭ قورعاۋشىسى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز. ا ق ش – تى قامتىعان دۇنيە ءجۇزى ەلدەرى، ءسوزسىز، جۇڭگونىڭ دامۋى مەن العا ىلگەرىلەۋى بارىسىندا اناعۇرلىم زور ورايلارعا يە بولادى جانە يگىلىكتەرگە كەنەلەتىن بولادى.
ا ق ش – تىڭ بۇرىنعى پرەزيدەنتى كارتەر قۇتتىقتاۋ حاتىن جولداپ، مىنانى اتاپ كورسەتتى: جاڭا كەزەڭدەگى ا ق ش پەن جۇڭگو ەكى ەلدىڭ ديپلوماتيالىق قارىم – قاتىناسىن قۇرۋشىلار، ءسوزسىز، دارا وي ورىسىمەن، باتىلدىقپەن جانە باستاماشىلدىق رۋحىمەن سىناقتارعا توتەپ بەرۋى جانە ورايلاردى مىقتى يگەرۋى كەرەك. ا ق ش – پەن جۇڭگو ەكى ەل تىزە قوسا وتىرىپ، بولاشاقتى بىرگە جاراتىپ، ەكى ەل حالقى مەن بۇكىل ادامزاتقا باقىت جاراتۋى كەرەك.
ا ق ش – تىڭ جۇڭگودا تۇراتىن باس ەلشىسى برانستاند، جۇڭگو مەن ا ق ش – تىڭ ءار سالاسىنداعىلارى بولىپ، 300دەن استام ادام قوناعاسىعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
