الدامكوستىككە قارسى تۇرۋ ورتالىعى ەسكەرتەدى:
كوكتەم مەرەكەسى مەزگىلىندەگى پويەز بەلەتىن ساتىپ الۋدا التى ءتۇرلى الدامكوستىكتەن ەرەكشە ساق بولىڭىز
2019.01.14 13:14 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 13 – كۇنى، شىنجىن (ءتىلشى: جوۋ كى) 2019 – جىلعى كوكتەم مەرەكەسى مەزگىلىندەگى تاسىمال كەلىپ جەتتى، كوپتەگەن جولاۋشىلار قازىر تەلەفون نەمەسە ينتەرنەت ارقىلى پويەز بەلەتىن تالاسا ساتىپ الۋدا، ال، ءىشىنارا بۇزاقىلار ورايدان پايدالانىپ، بەلەت الۋ جاعىنداعى ءتۇرلى الدامكوستىكتەردى جوسپارلاپ، جولاۋشىلاردىڭ اقشاسىن الداپ الۋدا. شىنجىن قالالىق تەلەگراف – ينتەرنەت الدامكوستىگىنە قارسى تۇرۋ ورتالىعى جۋىردان بەرى بايقالعان دەلولاردى قورىتىندىلاي وتىرىپ، قالىڭ جولاۋشىلارعا بەلەت العان كەزدە مىناداي التى ءتۇرلى الدامكوستىكتەن ەرەكشە اباي بولۋدى ەسكەرتەدى:
بىرىنشىدەن، جالعان توراپتار ءسىزدى «ەرەكشە ارزان بەلەتتەردى» الۋعا شاقىرادى. بۇزاقىلار جاساعان جالعان بەلەت الۋ توراپتارى بەلەت باعاسى ارزاندادى نەمەسە بەلەت تاۋىپ بەرۋگە كەپىلدىك ەتەمىز دەگەن جەلەۋلەرمەن بەلەت ساتىپ الۋشىلاردى الداعاننان كەيىن، ينفورماتسياڭىز تولىق ەمەس دەگەن سىندى سىلتاۋلارمەن بەلەت ساتىپ الۋشىدان بانكە كارتۋچكاسىنىڭ ءنومىرى، قۇپيا سيفرى قاتارلى ماڭىزدى جەكەلىك ينفورماتسيالارىن تولىقتاۋدى تالاپ ەتەدى، وسى ارقىلى بەلەت الۋشىنىڭ اقشاسىن الداپ الادى.
ەكىنشىدەن، «بەلەت الىپ - ساتارلارى» ۇستەمە اقشا قوسۋ ارقىلى بەلەت الىپ بەرۋگە ۋادە بەرەدى. بۇزاقىلار ءوزىن «بەلەت الىپ – ساتارى» دەپ تانىستىرىپ، قولىندا بەلەت بارىن، تەك اسىلگى باعاسىنا ءجۇز، ەكى ءجۇز يۋان قوسقاندا بەلەت ساتىپ بەرەتىنىن ايتادى. الايدا، ءىس جۇزىندە، بۇل «بەلەت الىپ – ساتارلارى» قولىنداعى پويەز بەلەتىنەن پايدالانىپ، كومپيۋتەردەگى سۋرەتتى وزگەرتۋ قۇرالدارى ارقىلى بەلەتتەگى ينفورماتسيالاردى وزگەرتىپ، بەلەت الۋشىلاردى سەندىرەدى.
ۇشىنشىدەن، «جەدەل جەتكىزۋشى» رەتىندە ۇيگە بەلەتتى جەتكىزىپ بەرەتىنىن ايتادى. بەلەت الۋ ءساتتى بولدى، «جەدەل جەتكىزۋشى» بەلەتتى ۇيگە جەتكىزىپ بەرەدى دەگەن تاسىلمەن، بەلەت ساتىپ الۋشىنى بەلگىلى ورىندا كەزدەسىپ، بەلەتتى قولىنا بەرەتىنىن ايتىپ شاقىرادى، سونىمەن بىرگە، بەلەت الۋشىنىڭ تۋىسىنىڭ نەمەسە دوسىنىڭ بانكەنىڭ الدىندا توسىپ تۇرىپ، تەلەفون كەلگەن كەزدە اقشا سالۋىن تالاپ ەتەدى. وسىدان سوڭ، قارسى جاققا كورىنەتىن تەلەفون ءنومىرىن وزگەرتۋگە بولاتىن قۇرال ارقىلى بەلەت الۋشىنىڭ تەلەفونىمەن تەلەفون ۇرعان بولىپ، بەلەت الۋشىنىڭ تۋىسىنا نەمەسە دوسىنا اقشا سالۋدى ايتادى، بەلەت الۋشىنىڭ دوسىمەن نەمەسە تۋىسىمەن ءالى حابارلاسا قويماعان ساتىنەن پايدالانىپ، اقشانى الداپ اكەتەدى.
تورتىنشىدەن، بانكە كارتۋچكاسىنىڭ قۇپيا ءنومىرى ارقىلى الدامكوستىك ىستەيدى. ءوزىن «الارماندارعا قىزمەت ەتۋشىمىن» دەپ تانىستىرىپ، ءتۇرلى سەبەپتەرمەن بەلەت الۋشىنى بەلگىلەنگەن ەسەپ نومىرىنە اقشا سالۋدى تالاپ ەتەدى نەمەسە بەلەت الۋشىنىڭ ينتەرنەتتە اقشا تولەۋ تاسىلىنە قانىق بولماۋى سىندى ەرەكشەلىگىنەن پايدالانىپ، ودان بانكە كارتۋچكا ءنومىرى مەن قۇپيا ءنومىرىن كىرگىزۋدى تالاپ ەتەدى، بۇل ينفورماتسيالاردى قولعا تۇسىرگەننەن كەيىن، كارتۋچكاداعى قالعان اقشانىڭ ءبارىن ۇرلاپ اكەتەدى، وسى ارقىلى الدامكوستىك ماقساتىنا جەتەدى.
بەسىنشىدەن، بەلەت الىپ بەرۋ كەپىلدىك سوماسى دەگەن تاسىلىمەن الدامكوستىك ىستەيدى. ءوزىن «الارماندارعا قىزمەت ەتۋشىمىن» دەپ تانىستىرىپ، الدىمەن بەلگىلى سوماداعى زاكاز بەرۋ سوماسىن نەمەسە كەپىلدىك سوماسىن تولەگەن كەزدە بەلەت ساتىپ الۋعا بولاتىنىن ايتادى، وسىدان سوڭ، بەلەت الۋشىنىڭ بەلەت ساتىپ الۋعا اسىعىپ تۇرعان ورايىنان پايدالانىپ، ءتۇرلى سىلتاۋلارمەن ودان زاكاز سوماسىن نەمەسە كەپىلدىك سوماسىن ۇستەمەلەۋدى تالاپ ەتەدى.
التىنشىدان، پويەز بەلەتىنىڭ اقشاسىن جولداپ بەرۋ جەلەۋىمەن الدامكوستىك ىستەيدى. ءوزىن «الارماندارعا قىزمەت ەتۋشىمىن» دەپ تانىستىرىپ، ءتۇرلى سىلتاۋلارمەن رەسمي توراپتارداعى ءۇشىنشى جاقتىڭ حاۋىپسىز تۇردە اقشا تولەۋ تاسىلدەرى ارقىلى اقشا تولەۋدى قابىلدامايدى نەمەسە ءوزىن پويەز ستانسياسىنىڭ قىزمەتكەرىمىن دەپ تانىستىرۋ ارقىلى بەلگىلى ەسەپ نومىرىنە اقشا جوتكەۋدى تالاپ ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
