شي جينپيڭ: جاڭا داۋىردەگى ساياسي – زاڭ قىزمەتىن جان – جاقتى، ىشكەرىلەي جاقسى ىستەپ، قوعامنىڭ ادىلدىگىن، تۋراشىلدىعىن جەبەپ، حالىقتىڭ شات – شادىمان ءومىر كەشىرۋىن قامتاماسىز ەتۋ كەرەك
ۋاڭ حۋنيڭ، حان جىڭ ماجىلىسكە قاتىناستى
2019.01.17 13:57 كەلۋ قاينارى : حالىق تورابى
«حالىق گازەتى»، 1 – ايدىڭ 16 - كۇنى، بەيجيڭ (ءتىلشى جاڭ ياڭ). ورتالىقتىڭ ساياسي – زاڭ قىزمەتى ءماجىلىسى 1 – ايدىڭ 15 -، 16 – كۇندەرى بەيجيڭدە اشىلدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە، پارتيانىڭ ساياسي – زاڭ قىزمەتىندەگى بۇلجىماس باسشىلىعىندا، حالىقتى وزەك ەتكەن دامۋ يدەياسىندا تاباندى بولىپ، قوعامدىق جونگە سالۋدىڭ وسىزاماندانۋىن جەدەل ىلگەرىلەتىپ، ساياسي – زاڭ سالاسىندا رەفورمانى جاپپاي تەرەڭدەتۋدى جەدەل ىلگەرىلەتىپ، ساياسي – زاڭ قوسىنىنىڭ توڭكەرىستەنۋ، جۇيەلىلەنۋ، ماماندانۋ، ارنايىلانۋ قۇرىلىسىن جەدەل ىلگەرىلەتىپ، ادالدىقپەن مىندەت اتقارىپ، جاۋاپكەرلىكتى وتەپ، جاۋاپكەرلىك ارقالاپ، ىسكەرلىك كورسەتۋگە باتىل بولىپ، قايسارلىقپەن رەفورما جاساپ، جاڭالىق جاراتىپ، مەملەكەتتىڭ ساياسي حاۋىپسىزدىگىن قورعاۋ، قوعامنىڭ جالپى جاعدايىنىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ شات – شادىمان ءومىر كەشىرۋىن قامتاماسىز ەتۋ بورىشى مەن مىندەتىن ويداعىداي اتقارىپ، ساياسي – زاڭ ىستەرى دامۋىنىڭ جاڭا داستانىن ۇزدىكسىز جازۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ ماجىلىسكە قاتىناستى.
شي جينپيڭ سوزىندە بىلاي دەپ دارىپتەدى: پارتيانىڭ 18 – قۇرىلتايىنان بەرى پارتيا ورتالىق كوميتەتى ساياسي – زاڭ قىزمەتىن اناعۇرلىم ماڭىزدى ورىنعا قويىپ يگەرىپ، ءبىرقىدىرۋ كەلەلى شەشىم جاساپ، ءبىرقىدىرۋ كەلەلى شارانى اتقارىپ، ساياسي حاۋىپسىزدىكتى، قوعامنىڭ تىنىشتىعىن، حالىقتىڭ الاڭسىزدىعىن قورعاپ، ەكونوميكانىڭ، قوعامنىڭ باياندى، اقاۋسىز دامۋىن جەبەدى. بۇل − پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ تىزە قوسا كۇرەس جاساۋىنىڭ ناتيجەسى، بۇعان بۇكىل ەلدەگى ساياسي – زاڭ شەبى مەن ساياسي – زاڭ كادر – ساقشىلارىنىڭ اقىل – پاراساتى، ماڭداي تەرى سىڭگەن. شي جينپيڭ پارتيا ورتالىق كوميتەتى اتىنان بۇكىل ەلدەگى ساياسي – زاڭ كادر – ساقشىلارىنان ىقىلاسپەن حال سۇرادى.
شي جينپيڭ بىلاي دەپ اتاپ كورسەتتى: پارتيانىڭ بۇقارالىق لۋشيانىن ويداعىداي دايەكتىلەندىرىپ، قوعامدى حالىق ءۇشىن جونگە سالۋدا تاباندى بولىپ، پارتيانىڭ تاڭداۋلى ءداستۇرى مەن جاڭا تەحنيكالاردى، جاڭا تاسىلدەردى ۇشتاسىرۋعا شەبەر بولىپ، بۇقارانى ۇيىمداستىرۋ، بۇقارانى جۇمىلدىرۋ مەحانيزمىندە جاڭالىق جاراتىپ، حالىقتىڭ مۇددەسىن كوزدەۋ، حالىق ءۇشىن ءىس ىستەۋ، حالىقتى ۋايىمنان ارىلتۋ مەحانيزمىندە جاڭالىق جاراتىپ، بۇقارانىڭ پاراساتى مەن دارىنىن قوعامدىق جونگە سالۋدا جاڭالىق جاراتۋدىڭ سارقىلماس قاينارىنا اينالدىرۋ كەرەك. بۇقارانىڭ ءتول مۇددەسىمەن بايلانىستى ءتۇيىندى سالالارداعى زاڭ اتقارۋدىڭ، ءادىليانىڭ تەبىنىن ارتتىرىپ، اسپان اناعۇرلىم اشىق، سۋ اناعۇرلىم تۇنىق، اۋا اناعۇرلىم تازا، ازىق – تۇلىك اناعۇرلىم حاۋىپسىز، قاتىناس اناعۇرلىم ىركىلىسسىز، قوعام اناعۇرلىم جاراسىمدى، ءتارتىپتى بولۋعا مۇمكىندىك جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
