تاماق جەگەندە قولفونمەن ويناۋ ىشەك پەن اسقازاندى زاقىمدايدى
2019.01.18 14:15 كەلۋ قاينارى : حالىق تورابى
سۇحبات بەرگەن مامان: جۇڭگو اۋىل شارۋاشىلىعى ۋنيۆەرسيتەتى ازىق – تۇلىك عىلىمى جانە قورەكتىك ينجەنەرياسى ينستيتۋتىنىڭ دوتسەنتى فان جىحۇڭ
كۇنىنە ءۇش ۋاقىت تاماقتانۋ وتە ماڭىزدى، الايدا، تۇرمىس ريتىمىنىڭ تەزدەۋىنە جانە ەلەكتروندىق اسپاپتاردىڭ جالپىلاسۋىنا بايلانىستى، وقۋشىلاردان قارتتارعا دەيىن، كوپتەگەن ادامدار تاماق جەگەن كەزدە قولفونمەن ويناۋدى ادەتكە اينالدىرعان. جۇڭگو اۋىل شارۋاشىلىعى ۋنيۆەرسيتەتى ازىق – تۇلىك عىلىمى جانە قورەكتىك ينجەنەرياسى ينستيتۋتىنىڭ دوتسەنتى فان جىحۇڭنىڭ ايتۋىنشا، تاماق جەگەندە نازارىن شوعىرلاندىرماۋدىڭ ءوزى دەنەنى زاقىمدايدى.
فرانسيانىڭ ەۆروپا ساۋدا باسقارۋ ينستيتۋتى مەن ا ق ش – نىڭ كورنەل ۋنيۆەرسيتەتىنىڭ بىرلەسكەن تەكسەرۋ ناتيجەسىنە قاراعاندا، ا ق ش تۇرعىندارى تاماق جەگەن كەزدە تەلەۆيزور كورۋدى ادەتكە اينالدىرعان، ادەتتە، «تەلەۆيزور قويىلىمى اياقتاعان كەزدە عانا تاماق جەۋدى دە توقتاتادى»، ال، فرانسيالىقتار «تويعان كەزدە تاماق جەگەندى توقتاتادى». فرانسيا تۇرعىندارى مەن ا ق ش تۇرعىندارى ىرىمشىك، بال باۋىرساق قاتارلى جوعارى ەنەرگيالى ازىق – تۇلىكتەردى ۇناتادى، ءبىراق، فرانسياداعى اسا اۋىر سالماقتاعى تۇرعىنداردىڭ سانى ا ق ش – ىنداعى اسا اۋىر سالماقتاعىلاردىڭ سانىنىڭ جارىمىنا جەتپەيدى. ەگەر تاماق جەگەن كەزدە تەلەفوننان نەمەسە تەلەۆيزوردان كوز ايىرماساڭىز، تويعانىڭىزدى سەزبەي قالىپ، تاماقتى كوپ جەپ قوياتىن بولاسىز.
فان جىحۇڭنىڭ ايتۋىنشا، ادام ءبىر نارسەگە نازارىن شوعىرلاندىرعان كەزدە نەمەسە پسيحيكالىق جاقتا قىسىمعا ۇشىراعان كەزدە، ۆەگاتيۆتىك نەرۆ فۋنكتسياسى تەجەۋگە ۇشىراپ، اس قورىتۋ جولىنداعى قانمەن قامداۋ ازايادى، اسقازاننىڭ جيىرىلۋى باياۋلايدى، وتە – موتە، اس قورىتۋ بارىسىندا قورەكتىك ءسىڭىرۋ فۋنكتسياسى السىزدەۋ ادامدار جونىنەن ايتقاندا، تاماق جەگەن كەزدە نازارىن شوعىرلاندىرۋ ارقىلى تاماقتىڭ تولىق سىڭۋىنە كەپىلدىك ەتۋگە بولادى. مۇنان سىرت، ا ق ش – نىڭ ميننەسوتا ۋنيۆەرسيتەتى كۇتىمدەۋ ونەرى ينستيتۋتى بالالار مەن وتباسىنىڭ سالاماتتىعىن ىلگەرىلەتۋدى زەرتتەۋ ورتالىعىنىڭ بايقاۋىنشا، اتا – انالار بالاسىنىڭ تاماق جەگەن كەزدە قولفونمەن ويناۋىنا رۋحسات ەتسە، بالانىڭ ازىقتانۋ قۇرىلىمى ۇنەمى ٴبىر سىدىرعى بولادى، ونىڭ ۇستىنە، بالا جوعارى ەنەرگيالى ازىق – تۇلىكتەردى جەۋگە قۇمار بولادى، بۇل قورەكتەنۋدىڭ ناشارلاۋىنا وڭاي ۇشىراتادى، وتباسىنداعى ىقپالداستىق تا ءبىرشاما ناشار بولادى. سوندىقتان، زەرتتەرمەندەر تاماق جەگەن كەزدە ەلەكتروندىق اسپاپتاردى ءوشىرىپ قويۋدى، وتە – موتە، اتا – انالار كامەلەتكە تولماعان بالالاردىڭ ارەكەتىنە تەجەۋ سالۋدى ايتقان.
فان جىحۇڭ مىنانى ەسكەرتەدى: قازىر قوعامدىق قىسىم زور بولعانىمەن، تاماق جەگەن كەزدە نازاردى ءبىر اراعا شوعىرلاندىرىپ، تويعان – تويماعانىڭىزدى انىقتاپ سەزىنگەنىڭىز ءجون، سوندا تاماقتى ارتىق مولشەردە جەۋدەن ساقتانۋعا بولادى. سونىمەن بىرگە، تاماقتى اپىل – عۇپىل جەمەي، اقىرىن شايناپ جۇتقان ءجون، سوندا عانا اسقازان – ىشەك جولدارى تاماقتىڭ قورەكتىك قۇرامىن تولىق سىڭىرە الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
