لي كىچياڭ ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشتى
ىندەتتەن ساقتانۋ – تىزگىندەۋ بويىنشا حالىقارالىق سەلبەستىكتى تەرەڭدەتىپ، ىندەتتىڭ كىرۋ - شىعۋىنان ساقتانۋدى ورنالاستىردى، ىندەتتەن ساقتانۋ - تىزگىندەۋ بارىسىندا شىنايى يگەرىپ، ناقتى ىستەپ، ناقتى ونىمدىلىككە جەتۋگە دەم بەرۋدى دارىپتەدى
ۋاڭ حۋنيڭ ماجىلىسكە قاتىناستى
2020.03.10 17:24 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 9 - كۇنى، بەيجيڭ. 3 – ايدىڭ 9 – كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ پرەمەر مينيسترى، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ باستىعى لي كىچياڭ باسشىلىق ەتۋ گرۋپپاسىنىڭ ءماجىلىسىن باسقارىپ اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارى ۋاڭ حۋنيڭ ماجىلىسكە قاتىناستى.
ماجىلىستە مىنالار اتاپ كورسەتىلدى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، ورتالىقتىڭ ىندەتكە توتەپ بەرۋ قىزمەتىنە باسشىلىق ەتۋ گرۋپپاسىنىڭ ورنالاستىرۋى بويىنشا، ءتۇرلى ساقتانۋ - تىزگىندەۋ قىزمەتتەرىن ۇزدىكسىز مىقتى، ناقتى، ەگجەي - تەگجەيلى يگەرىپ، ىندەتتىڭ شەكارا اتتاپ تارالۋىنان اناعۇرلىم ساقتانىپ، جۇمىستى، ءوندىرىستى تارتىپپەن قالپىنا كەلتىرۋ شارالارىن تياناقتاندىرىپ، شىنايى يگەرىپ، ناقتى ىستەۋگە شابىتتاندىرىپ، فورماشىلدىقتان، تورەشىلدىكتەن ساقتانىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس ىلگەرىلەتۋ كەرەك.
ماجىلىستە مىنالار اتاپ كورسەتىلدى: قازىر ەل ىشىندە ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋدا، اسىرەسە، ۋحاندا ىندەتتىڭ تەز قارقىنمەن ارتۋ جاعدايى تىزگىندەلدى، بۇل وڭاي - وسپاق قولعا كەلگەن جوق، ءبىراق جاعداي ءالى دە كۇردەلى. جاقسارۋ بەتالىسىن ۇزدىكسىز كەڭەيتىپ، وڭىرگە، دارەجەگە ءبولىپ، دالمە - ءدال ساقتانۋدى مىقتى يگەرىپ، ىندەتتىڭ قايتا ورشۋىنەن باتىل ساقتانۋ كەرەك. سونىمەن بىرگە، شەكارا سىرتىندا جاڭا تيپتى ايدارشا ۆيرۋس وكپە قابىنۋىنىڭ جەدەل تارالۋىنا بايلانىستى تۋىلعان جاڭا سىن – سايىسقا قاراتا حالىقارالىق سەلبەستىكتى كۇشەيتىپ، شەكارادان كىرىپ - شىعۋدا ىندەتتەن ساقتانۋ قىزمەتىن ويداعىداي ىستەۋ كەرەك، بۇل ادامداردىڭ حالىقارادا ءتارتىپتى، حاۋىپسىز ءجۇرىپ - تۇرۋىنا ءتيىمدى. وتكەلدى الدىعا جىلجىتىپ، شەكارادان كىرىپ - شىعۋعا قاتىستى ينفورماتسيالاردان بىرگە يگىلىكتەنۋدى كۇشەيتىپ، جۇڭگوعا كەلۋشىلەردىڭ شەكارادان شىققان ەلدەرىندە دەنساۋلىق تەكسەرتۋىن سايكەسىپ ىلگەرىلەتىپ، ۇشاقتاردى تازا دەزينفەكسيالاۋ، اگرەگاتتاردى قورعاۋ، دەنساۋلىق جاعدايىن مالىمدەۋ، دەنە تەمپەراتۋراسىن تەكسەرۋ، ۇشۋ بارىسىندا ساقتانۋ - تىزگىندەۋ سياقتىلاردى ويداعىداي ىستەپ، قاتەردىڭ كىرۋىنە قاراتا وڭىرگە، دارەجەگە، تۇرگە ءبولىپ ساقتانۋ - تىزگىندەۋ شارالارىن قولدانۋ كەرەك. شەكارادان كىرىپ – شىعۋشىلارعا قاراتىلعان شەكارا وتكەلىندەگى دەنساۋلىق ساقتاۋ كارەنتينى جانە ساقتانۋ - تىزگىندەۋ قىزمەتىن قاتاڭ اتقارىپ، ىندەتتىڭ سىرتقا شىعۋىن قاتاڭ تىزگىندەۋمەن بىرگە، دەنساۋلىق ساقتاۋ - كارەنتيندەۋ تاراۋلارى تۇجىرىم جاساعان دياگنوزى تۇراقتانعان ناۋقاس، كۇدىكتى ناۋقاس، ناۋقاسپەن ءجيى ارالاسۋشى قاتارلى شەكارادان كىرۋشىلەرگە قاراتا بەلگىلەمە بويىنشا تەكسەرۋ، جوتكەۋ، ەمدەۋ، اۋاشالاۋ، بايقاپ كورۋ سياقتى شارالاردى تياناقتاندىرۋ، سونداي - اق گۋمانيتارلىق قامقورلىقتى كۇشەيتۋ كەرەك. قاتىستى ەلدەردىڭ وقۋ – اعارتۋ تاراۋلارىمەن سايكەسۋ مەحانيزمىن ورناتىپ، شەتەلدە وقىپ جاتقان وقۋشىلاردىڭ قوس باعىتتا اۋىسۋىن ۋاقىتشا كەشەۋىلدەتۋ نەمەسە ازايتۋ كەرەك. ەلىمىزدىڭ شەتەلدەگى ازاماتتارىنا قاراتىلعان ىندەتتەن ساقتانۋ - تىزگىندەۋ قىزمەتىنە جەتەكشىلىك ەتۋ، كومەكتەسۋ قىزمەتىن ويداعىداي ىستەۋ كەرەك. بەيجيڭ قاتارلى شەكارادان كىرىپ - شىعۋشىلار ءبىرشاما كوپ شەكارا وتكەلدەرى شەكارادان كىرىپ – شىعۋعا ساياتىن ىندەتتەن ساقتانۋ ءىسىن زاڭ بويىنشا مۇقيات باسقارۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
