شينجياڭ بيىل جاڭادان 10 مىڭ كيلومەتر اۋىل ـ قىستاق تاس جولىن سالادى
2020.03.10 16:25 كەلۋ قاينارى : حالىق تورابى
حالىق تورابى، 3 – ايدىڭ 10 – كۇنى، بەيجيڭ. «بيىل شينجياڭ ون مىڭ كيلومەتر اۋىل ـ قىستاق تاس جولىن جاڭادان سالۋدى، وزگەرتىپ سالۋدى جوسپارلاپ، ەگىنشى ـ مالشىلاردىڭ قاتىناس، ءجۇرىس ـ تۇرىس ورتاسىن ۇزدىكسىز بەكەمدەيدى، ساپالاندىرادى.» ـ دەدى شينجياڭ ۇيعۇر اۆتونوميالى رايوندىق قاتىناس ـ تاسىمال مەڭگەرمەسىنىڭ اۋىل ـ قىستاق تاس جولىن باسقارۋ ءبولىمىنىڭ باستىعى يە تاۋ.
بىلتىر شينجياڭ 8 ميلليارد 105 ميلليون يۋان قارجى قوسىپ، 15 مىڭ كيلومەتردەن ارتىق اۋىل ـ قىستاق تاس جولىن جاڭادان سالىپ، وزگەرتىپ سالىپ، بارلىق اۋىل ـ قالاشىق پەن شارت ـ جاعداي ازىرلەگەن قۇرىلىمدىق قىستاقتارعا تۇگەلدەي اسفالت جول جانە جولاۋشى جولىن تۇتاستىرىپ، قاتىناس ارقىلى كەدەيلىكتەن ارىلتۋدان قامال الۋدىڭ تومەنگى شەكتەن تۇسىرمەۋ مىندەتىن ءبىر جىل بۇرىن ورىنداپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋگە بەرىك قاتىناس نەگىزىن قالادى.
»بۇرىن قىستاقتىڭ ءبارى توپىراق جول بولاتىن، ويلى ـ شۇڭقىر بولىپ ءجۇرىپ - تۇرۋعا قولايسىز بولاتىن، المانى سىرتقا شىعارا المايتىنبىز، كوبى ءشىرىپ كەتەتىن.» - دەدى، اقسۋ قالاسى يگەنچى اۋىلى لۇيشۇي قىستاعىنىڭ تۇرعىنى شامشىكامەر توحتى، «قازىر ساۋداگەرلەردىڭ اۆتوكولىكتەرى توتە اتىزعا كەلەدى، جىلىنا 10 مىڭ يۋاننان استام كىرىس كىرگىزۋگە بولادى.»
«بيىل تۇتاس قالا اۋىل بويىنشا 260 كيلومەتردەن ارتىق اۋىل ـ قىستاق تاس جولىن جاڭادان سالۋدى، جاڭالاۋدى جوسپارلاپ وتىرمىز، قازىر قۇرىلىس جۇرگىزۋشىلەر مەن جابدىقتار ىركەس ـ تىركەس تياناقتانۋدا، مەجەمەن 3 – ايدىڭ 20 - كۇنى اينالاسىندا ءارقايسى نىساندار جۇمىس باستاۋى، قالپىنا كەلتىرۋى مۇمكىن.» ـ دەدى اقسۋ قالالىق قاتىناس ـ تاسىمال مەكەمەسى پارتگرۋپپاسىنىڭ شۋجيى شى جيشين.
يە تاۋ بىلاي دەدى: بيىل شينجياڭ ەرەكشە كەدەي وڭىرلەردىڭ قاتىناس ارقىلى كەدەيلەردى سۇيەمەلدەۋ مىندەتىن ورىنداۋعا كەپىلدىك ەتۋ العى شارتىندا، كەدەيلەردى سۇيەمەلدەۋ مىندەتى بار كەدەي ەمەس اۋداندارعا قولداۋ كورسەتۋ سەرپىنىن بىرتىندەپ ارتتىردى، سونداي ـ اق قاتىناس نەگىزدىك قۇرىلعىلارىن اناعۇرلىم كوپ «قىستاقتارعا، وتباسىلارىنا جەتكىزۋ» نىسانىنا بەيىمدەۋدى جەرگىلىكتى جاعدايعا قاراي ىلگەرىلەتىپ، 1200 كيلومەترلىك مەملەكەت مەنشىگىندەگى ورمان الاڭى جولى، 347 كيلومەترلىك بايلىق جولى، ساياحات جولى، كاسىپ جولى، سونداي ـ اق 200 كيلومەترلىك تار جول تاعانىن كەڭەيتۋ سياقتى نىساندار قۇرىلىسىن ورىندادى.
ۇعىسۋعا قاراعاندا، 2019 ـ جىلعا دەيىن، شينجياڭنىڭ اۋىل ـ قىستاق تاس جولىنىڭ جالپى ۇزىندىعى 133 مىڭ 100 كيلومەترگە (بيڭتۋاندى قامتىمايدى) جەتىپ، 9 ميلليوننان استام ەگىنشى ـ مالشى يگىلىككە كەنەلىپ، كەدەي وڭىرلەردىڭ كەدەيلىكتەن قۇتىلىپ، اۋقاتتانۋ جولىن ءونىمدى اشتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
