شي جينپيڭ سىچۋان ولكەسى شيچاڭ قالاسى جيڭجيۋ اۋىلىنىڭ ورمان ءورت اپاتى جونىندە ماڭىزدى نۇسقاۋ بەردى
شىرعالاڭ، اپات كوپ تۋىلۋ جاعدايىن باتىل تەجەپ، حالىق بۇقاراسىنىڭ ءومىرى مەن مال مۇلكىنىڭ حاۋىپسىزدىگىن بار كۇشپەن قامتاماسىز ەتۋدى تالاپ ەتتى
لي كىچياڭ بەكىتۋ جازدى
2020.04.01 17:43 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 31 - كۇنى، بەيجيڭ. 3 - ايدىڭ 30 - كۇنى ساعات 16 مولشەرىندە سىچۋان ولكەسى لياڭشان وبلىسى شيچاڭ قالاسى جيڭجيۋ اۋىلى ما - ان قىستاعىندا ورمان ءورت اپاتى تۋىلدى. كوزدى اشىپ - جۇمعانشا جەل باعىتى كەنەت وزگەرىپ، جەل كۇشى كۇرت زورايىپ، ءورت وشىرۋشىلەر ۋاعىندا توتەپ بەرە الماي، 19 ادام قازا بولىپ، 3 ادام جارالاندى. قازىر تاۋداعى ءورتتى ءوشىرۋ ءىسى ءالى دە جالعاسۋدا.
اپات تۋىلعاننان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وسكەلەڭ ءمان بەرىپ جانە ماڭىزدى نۇسقاۋ بەرىپ، دەرەۋ كۇش توپتاپ، قۇتقارۋدى عىلمي ورىستەتىپ، ءورت وشىرۋشىلەردىڭ حاۋىپسىزدىگىنە كەپىلدىك ەتۋ العى شارتىندا ءورت ءوشىرۋ ءىسىن بار كۇشپەن ۇيىمداستىرىپ، قايتالاما اپاتتان قاتاڭ ساقتانۋدى تالاپ ەتتى. قازىر ورمان ءورت اپاتى سياقتى جاراتىلىستىق اپاتتار وڭاي ءارى كوپ تۋىلاتىن مەزگىل، جۋىقتان بەرى سىچۋان، يۇننان، فۋجيان، حۋنان قاتارلى جەرلەردە ورمان ءورت اپاتى جانە حاۋىپسىزدىك شىرعالاڭى ارت - ارتىنان تۋىلۋدا، ونىڭ ۇستىنە قابىر باسىندا تاۋاپ ەتۋ، كوكتەمگى تاسقىن، ءورت اپاتى، سۋ اپاتى سياقتى حاۋىپسىزدىك كومەسكى قاتەرى كورنەكتى بولىپ وتىر، بۇعان، ءسوز جوق، وسكەلەڭ نازار اۋدارۋ كەرەك. ءار دارەجەلى پارتكومدار مەن ۇكىمەتتەر، سونداي - اق قاتىستى تاراۋلار ىندەتتەن ساقتانۋ - تىزگىندەۋدى جانە ءوندىرىستى، جۇمىستى قالپىنا كەلتىرۋدى ءبىر تۇتاس ويداعىداي جوسپارلاۋمەن بىرگە، حاۋىپسىزدىك حاۋىپ - قاتەرىنەن ساقتانۋداعى ءتۇرلى قىزمەتتى شىنايى يگەرىپ، بەيعامدىق يدەيانى باتىل جويىپ، ءورت اپاتى، لاي تاسقىنى، ءوندىرىس حاۋىپسىزدىگى سياقتى ءتۇرلى كومەسكى قاتەرلەردى ىشكەرىلەي ءبىر - بىرلەپ تەكسەرىپ، ءار جاقتىڭ جاۋاپكەرلىگىن ناقتىلاندىرىپ، شىرعالاڭ، اپات كوپ تۋىلۋ اۋقىمىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى تالاپ ەتتى: جارالىلاردى بار كۇشپەن قۇتقارۋ، تاۋ ءورتىن عىلمي، ۇتىمدى ءوشىرۋ، قازا بولعانداردىڭ سوڭعى جۇمىستارىن ويداعىداي ىستەۋ، ءورت مايدانىنىڭ توڭىرەگىندەگى ءتۇيىندى بولەكتەردى، ورىنداردى جانە قۇرىلعىلاردى ويداعىداي قورعاۋ كەرەك. تاياۋ مەزگىلدەن بەرگى ورمانعا ءورت كەتۋ جانە ءولىم - ءجىتىم تۋىلۋ ساباقتارىن ىشكەرىلەي قورىتىندىلاپ، ءار جاقتىڭ، ءار بۋىننىڭ جاۋاپكەرلىگىن اناعۇرلىم ناقتىلاندىرىپ، كومەسكى قاتەرلەردى ىشكەرىلەي تەكسەرىپ، باقىلاۋ - تەكسەرۋدى، ساقتاندىرۋدى كۇشەيتىپ، اۋىر، ەرەكشە اۋىر ورمان ءورت اپاتىنىڭ تۋىلۋىن باتىل تەجەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
