شي جينپيڭ سانشيدە قىزمەت تەكسەرگەندە مىنانى دارىپتەدى
جاپپاي دوڭگەلەك داۋلەتتى قوعام قۇرىپ، اۋقىمعا قاراي العا ۇمتىلىپ، جاڭا داۋىردەگى جۇڭگوشا سوتسياليزمنىڭ تىڭ داستانىن جازۋ كەرەك
2020.05.13 15:20 كەلۋ قاينارى : حالىق تورابى
«حالىق گازەتى»، 5 - ايدىڭ 12 - كۇنى، تاييۋان. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا سانشيدە قىزمەت تەكسەرگەندە مىنانى دارىپتەدى: پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن، جاڭا دامۋ ۇستانىمىنان، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، «التىنى ورنىقتىرۋ» قىزمەتىن تىڭعىلىقتى، ويداعىداي ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن كۇش سالا جەڭىپ، تيپتە بۇرىلىس جاساپ ساپالى دامۋ جاعىندا اناعۇرلىم زور قادام تاستاپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ نىسانا - مىندەتىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام قۇرىپ، اۋقىمعا قاراي العا ۇمتىلىپ، جاڭا داۋىردەگى جۇڭگوشا سوتسياليزمنىڭ تىڭ داستانىن جازۋ كەرەك.
جاز جاڭا كىرگەن مەزگىل، سانشيدىڭ بايتاق دالاسى جاسىل جەلەك جامىلىپ، بارشا تىرشىلىك يەسى قۇلپىرىپ تۇر. 5 - ايدىڭ 11 - كۇنىنەن 12 - كۇنىنە دەيىن شي جينپيڭ سانشي ولكەلىك پارتكومنىڭ شۋجيى لوۋ ياڭشىڭ مەن ولكە باستىعى لين ۋ - دىڭ سەرىك بولۋىندا ىلگەرىندى - كەيىندى داتۇڭ، تاييۋان قاتارلى جەرلەرگە بارىپ، اۋىل شارۋاشىلىق كاسىپ بازالارىنا، قونىس اۋدارعان جاڭا قىستاقتارعا، مادەني مۇرالاردى قورعاۋ ورىندارىنا، رەفورمادان ۇلگى كورسەتۋ رايوندارىنا جانە كاسىپورىندارعا بارىپ، ۇدايىلانعان ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ىلگەرىلەتۋ، كەدەيلىكتەن ارىلتۋدان قامال الۋدىڭ تابىسىن بەكەمدەۋ جونىندە تەكسەرۋ - زەرتتەۋ جۇرگىزدى.
9 - ايدىڭ 11 - كۇنى تۇستەن كەيىن شي جينپيڭ الدىمەن داتۇڭ قالاسى يۇنجوۋ رايونىنا بارىپ، ورگانيكالىق سارى گۇلدى ولشەمدەندىرىپ ەگۋ بازاسىن تەكسەردى. داتۇڭدا سارى گۇل ەكپەشىلىگىنىڭ 600 جىلدان استام تاريحى بار، جەرگىلىكتى ورىننىڭ جەتەكشى كاسىبى. تاياۋ جىلداردان بەرى جەتەكشى كاسىپورىنداردىڭ، سەلبەستىك كووپەراتيۆتەرىنىڭ جەتەكشىلىگىندە، سارى گۇلدىڭ ءونىم ساپاسى ورنىقتى بولدى، ساتۋ جولى مەن باعاسى دا قامتاماسىز ەتىلدى، بىلتىر كەدەي وتباسىلاردىڭ ورتاشا كىرىسىنىڭ 10 مىڭ يۋاننان اسۋىنا باستاماشىلىق ەتىلدى. شي جينپيڭ اتىزعا كىرىپ، سارى گۇلدىڭ ءوسۋ جاعدايىن كوردى. ەڭبەك ىستەپ جاتقان قىستاق تۇرعىندارى قاۋمالاي كەلدى، شي جينپيڭ ولاردان سارى گۇل اتىزىن باسقارۋ، بازار باعاسى، ءونىمدى ساتۋ جولى سياقتىلاردى ۇعىستى. ول بىلاي دەپ اتاپ كورسەتتى: اۋىلداستار كەدەيلىكتەن ارىلعاننان كەيىن مەن قايتكەندە كەدەيلىكتەن ارىلتۋدى بەكەمدەپ، قايتا كەدەيلەنۋدەن ساقتانىپ، اۋىلداستاردىڭ كىرىستى ۇزدىكسىز ارتتىرىپ، بايۋ جولىنا تۇسۋىنە كەپىلدىك ەتۋگە بولادى دەگەن تۇيىنگە باسا نازار اۋدارامىن. سارى گۇل كاسىبىن ويداعىداي قورعاپ، دامىتىپ، ءىرى كاسىپكە، مەملەكەتتىك تانىمال ماركاعا اينالدىرىپ، سارى گۇلدى اۋىلداستاردىڭ «بايۋ گۇلىنە» اينالدىرۋدى ءۇمىت ەتەمىن. شي جينپيڭ بىلاي دەپ دارىپتەدى: جۇڭگو كوممۋنيستىك پارتياسى حالىق ءۇشىن ءىس ىستەۋدى، حالىققا باقىت جاراتۋدى ەڭ ماڭىزدى ساياسي ناتيجە، بۇقاراعا قانشالىق جاقسى ءىس، ناقتى ءىس ىستەۋدى ساياسي ناتيجەنى سىننان وتكىزۋدىڭ ماڭىزدى ولشەمى ەتەدى. ەكپەشىلىك بازاسىنان اتتانعان سوڭ شي جينپيڭ ىرگەلەس يۇنجوۋ رايونى شيپيڭ قالاشىعى فاڭچىڭ جاڭا قىستاعىنا كەلىپ تەكسەرۋ - زەرتتەۋ جۇرگىزدى. بۇل قونىس جاڭالاعان قىستاق ەدى، وندا ارحيۆ تۇرعىزىلىپ، كارتوچكا بەرىلگەن 77 كەدەي وتباسى، 158 ادام بار بار بولاتىن، 2018 – جىلى قونىس جاڭالاعاننان بەرى سارى گۇل كاسىبىن دامىتۋ سياقتىلارعا سۇيەنىپ، تۇگەلدەي كەدەيلىكتەن ارىلعان بولاتىن. شي جينپيڭ قىستاقتىڭ تەحنيكالىق شەبەرلىككە تاربيەلەۋ، قىزمەت وتەۋ پۋنكتىنە بارىپ، جاڭا قىستاقتىڭ قونىس جاڭالاپ كەدەيلەردى سۇيەمەلدەۋ جاعدايىن ۇعىسىپ، سارى گۇل كاسىبىنە قاتىستى ونىمدەر كورمەسىن كورىپ، داتۇڭ قالاسىنىڭ كاسىپ سالاسى ارقىلى كەدەيلەردى سۇيەمەلدەۋ، كاسىپتەندىرۋ ارقىلى كەدەيلەردى سۇيەمەلدەۋ، كەدەيلىكتەن ارىلتۋدان قامال الۋدىڭ تابىسىن بەكەمدەۋ ءادىسىن القادى. ول بىلاي دەپ اتاپ كورسەتتى: قونىس جاڭالاۋ باسپانا ماسەلەسىن شەشۋ ءۇشىن عانا ەمەس، ونان دا ماڭىزدىسى، بۇقارانىڭ بايۋ جولىنا تۇسۋىنە مۇمكىندىك جاراتۋ ءۇشىن ىستەلىپ وتىر. قونىس جاڭالاۋدىڭ سوڭعى قولداۋىن كۇشەيتىپ، جەرگىلىكتى جاعدايعا قاراي اۋىل - قىستاق كاسىبىن دامىتىپ، كاسىپ نىساندارىن دەن قويا تاڭداپ، ءساتتى بولۋ شاماسى مەن باياندى دامۋعا شىنايى كەپىلدىك ەتۋ كەرەك. بۇقارانىڭ يگىلىككە كەنەلۋىن ماڭداي الدى ورىنعا قويىپ، كاسىپ سالاسىن سۇيەمەلدەۋ، فينانس امانات - قارىزى، اۋىل شارۋاشىلىعىن قامسىزداندىرۋ سياقتى جاقتاردان ساياسات شىعارىپ، اۋىل - قىستاق ەكونوميكاسىنىڭ دامۋىنا پارمەندى قولداۋ كورسەتۋ كەرەك. نەگىزگى ساتى پارتيا ۇيىمدارى مەن پارتيالى كادرلار اۋىل - قىستاق كاسىپ نىساندارىن ويداعىداي ىستەۋمەن بىرگە، بۇقارانىڭ مۇددەسىن دە ويداعىداي قورعاۋى كەرەك. شي جينپيڭ قالىڭ نەگىزگى ساتى كادرلارىنىڭ كەدەيلەردى كەدەيلىكتەن ارىلتۋعا كومەكتەسۋدەگى جاپالى قۇلشىنىسىن القادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
