شينجياڭنىڭ ەكى ءتۇرلى قىزمەتى مەملەكەتتىك كەڭەستىڭ باقىلاۋ - تەكسەرۋىندە ىنتالاندىرۋعا يە بولدى
2020.05.11 16:38 كەلۋ قاينارى : حالىق تورابى
حالىق تورابى، 5 – ايدىڭ 11 – كۇنى، بەيجيڭ. شينجياڭ گازەتى جالپىلىق اقپارات قۇرالدارى ءتىلشىسى يۋان لەي 5 - ايدىڭ 9 - كۇنى ۇرىمجىدەن حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق حالىق ۇكىمەتى باقىلاۋ - تەكسەرۋ كەڭسەسىنەن ۇعىسۋىنشا، جۋىقتا مەملەكەتتىك كەڭەس كەڭسەسى «2019 - جىلعى ەلەۋلى ساياساتتىق شارالاردى تياناقتاندىرۋدا شىنايى يگەرىپ، ناقتى ىستەۋ ناتيجەسى كورنەكتى جەرلەردى باقىلاۋ - تەكسەرۋ بويىنشا ىنتالاندىرۋ جونىندە حابارلاندىرۋدى» (تومەندە قىسقاشا «حابارلاندىرۋ» دەلىنەدى) باسىپ تاراتىپ، 2019 - جىلى ءۇش ءىرى قامال الۋ شايقاسىن جانە اۋىل - قىستاقتى گۇلدەندىرۋ ستراتەگياسىن ويداعىداي جۇرگىزۋ، «تومەنگە بەرۋ، باسقارۋ، قىزمەت وتەۋ» رەفورماسىن تەرەڭدەتۋ، شارۋاشىلىق - ساۋدا ورتاسىن ساپالاندىرۋ، ىشكى سۇرانىستى ۇزدىكسىز كەڭەيتۋ، دامۋعا جاڭالىق اشۋ ارقىلى دەم بەرۋدى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ قاتارلى قاتىستى ەلەۋلى ساياساتتىق شارالاردى تياناقتاندىرۋدا شىنايى يگەرىپ، ناقتى ىستەپ، كورنەكتى ناتيجەگە قول جەتكىزگەن 213 جەردى باقىلاۋ - تەكسەرۋ بويىنشا ىنتالاندىرىپ، سايكەستى تۇردە قارجى، نىسان، جەر، رەفورمادا الدىمەن اتقارىپ، الدىمەن سىناق ەتۋ سياقتى 30 ءتۇرلى سيلاۋ - قولداۋ شارالارىن قولداندى. شينجياڭنىڭ ەكى ءتۇرلى قىزمەتى وسى ماراپاتقا يە بولدى.
«حابارلاندىرۋدا» مىنالار كورسەتىلدى: شينجياڭنىڭ 2019 - جىلعى كەدەيلىكتەن ارىلتۋدان قامال الۋ ناتيجەسىن باعالاۋدا جىلدىق جوسپاردى ورىنداپ، كەدەيلەردى ازايتۋ ناتيجەسى كورنەكتى بولىپ، جالپى جاقتان جاقسى باعالانىپ، باقىلاۋ - تەكسەرۋ بويىنشا ىنتالاندىرۋعا يە بولدى. 2020 - جىلى مەملەكەتتىڭ قاتىستى تاراۋلارى ورتالىق قازىنانىڭ كەدەيلەردى سۇيەمەلدەۋ ارناۋلى قارجى بولىسىندە بەلگىلى مولشەردە سيلىق بەرەدى.
«حابارلاندىرۋدا» مىنالار كورسەتىلدى: كەريا اۋدانىنىڭ اۋىل - قىستاق حاۋىپتى ۇيلەرىن جاڭالاۋ قىزمەتىندە بەلسەندى دە ىرىقتى، ونىمدىلىگى كورنەكتى بولىپ، باقىلاۋ - تەكسەرۋ بويىنشا ىنتالاندىرۋعا يە بولدى. 2020 - جىلى مەملەكەتتىڭ قاتىستى تاراۋلارى ورتالىق قازىناسىنىڭ اۋىل - قىستاقتارداعى حاۋىپتى ۇيلەردى جاڭالاۋ كومەك قاراجاتىن ورنالاستىرعان كەزدە، لايىقتى سيلىق بەرەدى جانە تيىمدىلىك جاساپ، قولداۋ كورسەتەدى.
2019 - جىلى شينجياڭ 645 مىڭ 700 ادامدى كەدەيلىكتەن ارىلتۋدى، 976 كەدەي قىستاقتى كەدەيلىك تىزىمىنەن شىعارۋدى، 12 كەدەي اۋداننىڭ كەدەيلىك قالپاعىن الۋدى جۇزەگە اسىردى، كەدەيلەسۋ مولشەرى 2018 - جىلدىڭ سوڭىنداعى ％6.1تەن 2019 - جىلدىڭ سوڭىندا ％1.24كە تومەندەدى. كەدەي بۇقارا جالپى جاقتان العاندا، ىشەر استان، كيەر كيىمنەن تارىقپايتىن بولدى، مىندەتتى وقۋ - اعارتۋ، نەگىزگى ەمدەلۋ، تۇرعىن ءۇي حاۋىپسىزدىگى جاقتان ءبىرشاما جاقسى قامتاماسىزداندىرىلدى.
اۋىل - قىستاق بەيقۇت ءۇي ينجەنەرياسى جۇرگىزىلگەننەن بەرى، كەريا اۋدانىنىڭ تۇرعىن ءۇي حاۋىپسىزدىگى ماسەلەسى ءونىمدى قامتاماسىز ەتىلدى. 2019 - جىلدىڭ سوڭىنا دەيىن، كەريا اۋدانى 57 مىڭ 80 بەيقۇت ءۇي سالۋدى ورىنداپ، وعان ءبىر ميلليارد 834 ميلليون 826 مىڭ 400 يۋان قارجى قوستى، 200 مىڭنان استام اۋىل - قىستاق تۇرعىنى جاڭا ۇيگە كوشىپ كىردى. ايتۋعا تاتىرلىعى، كەريا اۋدانى كەدەي حالىقتىڭ حاۋىپتى ۇيلەردە وتىرۋىنداي تاريحتى ءۇزىلدى - كەسىلدى اياقتاتىپ، 2020 - جىلى دەر كەزىندە جوعارى ساپامەن كەدەيلىكتەن ارىلۋعا بەرىك نەگىز قالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
