شينجياڭ اۋىل - قىستاقتاردىڭ جىلجىمايتىن مۇلىك ۇقىعى كۋالىگىن تىزىمگە الۋ، تاراتۋ قىزمەتىن جالپى بەتتىك ورىستەتەدى
2020.05.12 15:27 كەلۋ قاينارى : حالىق تورابى
حالىق تورابى، 5 – ايدىڭ 12 – كۇنى، بەيجيڭ. شينجياڭ گازەتى جالپىلىق اقپارات قۇرالدارىنىڭ ءتىلشىسى ليۋ شياڭ 5 - ايدىڭ 10 - كۇنى ۇرىمجىدەن حابارلايدى. جۋىقتا ءدوربىلجىن اۋدانى قالا ماڭى اۋىلى قاراءدوڭ قىستاعىندا وتكىزىلگەن اۋىل - قىستاقتاردىڭ تۇرعىن ۇيلىك جەرىن جانە قۇرىلىسقا پايدالانىلاتىن كوللەكتيۆ جەرىنىڭ جىلجىمايتىن مۇلىك ۇقىعى كۋالىگىن تۇڭعىش تاراتۋ سالتىندا 50 قىستاق تۇرعىنى ۋاكىلى اۋىل - قىستاق جىلجىمايتىن مۇلىك ۇقىعى كۋالىگىن تاپسىرىپ الدى. سونىمەن وسى قىستاق بۇكىل شينجياڭ بويىنشا قىستاق بويىنشا ىلگەرىلەتىلگەن، اۋىل - قىستاق جىلجىمايتىن مۇلىك ۇقىعى كۋالىگى ءبىرتۇتاس تاراتىلعان تۇڭعىش قىستاق بولىپ، شينجياڭنىڭ اۋىل - قىستاقتاردىڭ جىلجىمايتىن مۇلىك ۇقىعى كۋالىگىن تىزىمگە الۋ، تاراتۋ قىزمەتىنىڭ جالپى بەتتىك ورىستەتىلگەندىگىنىڭ بەلگىسى بولدى. «وسى كۋالىك بولعاندا، ءبىز شارۋالاردىڭ زاڭدى ۇقىق - مۇددەسى قامتاماسىز ەتىلىپ، كوڭىلىمىز ءتىپتى دە جاي تاباتىن بولدى!»، - دەدى قىستاق تۇرعىنى يۇي سۇيشىڭ تەلەفوندا تىلشىگە.
2017 - جىلدان باستاپ ءدوربىلجىن اۋدانى اۋىل - قىستاقتاردىڭ تۇرعىن ۇيلىك جەرىنىڭ جانە قۇرىلىسقا پايدالانىلاتىن كوللەكتيۆ جەردىڭ ۇقىعىن تۇراقتاندىرۋ، تىزىمگە الۋ، كۋالىك تاراتۋ قىزمەتىن ۇزدىكسىز ىلگەرىلەتىپ، اۋىل - قىستاقتاردىڭ تۇرعىن ۇيلىك جەرىنىڭ ۇقىعىن تۇراقتاندىرۋ، تىزىمگە الۋ قىزمەتىن اتقارۋدىڭ ەگجەي - تەگجەيلى قاعيداسىن، اتقارۋ جوباسىن باسىپ تاراتىپ، اۋدان، اۋىل (قالاشىق)، قىستاق، شارۋا وتباسى 4 دارەجەلى جاۋاپكەرشىلىك تورىن قالىپتاستىرىپ، كۋالىك تاراتۋ قىزمەتى ءتارتىبىن ارناعا ءتۇسىردى. 2018 - جىلعى تەكسەرۋ ساناعىنا قاراعاندا، ءدوربىلجىن اۋدانىنىڭ 17 اۋىل (قالاشىق)، الاڭىنداعى 179 قىستاق، دۇيگە جىلجىمايتىن مۇلىك ۇقىعى كۋالىگىنەن 43 مىڭ 131ى تاراتىلماقشى بولعان؛ 2020 - جىلى 4 - ايدىڭ سوڭىنا دەيىن وسى اۋدانداعى قىستاق دۇيدىڭ (الەۋمەتتىك اۋماق) ％60ى ۇقىعىن تۇراقتاندىرۋدى جاريالادى، قىستاق، دۇيدىڭ (الەۋمەتتىك اۋماق) ％40ى اۋىل (قالاشىق)، الاڭنىڭ بەرىلگەن ءوتىنىشىن شوعىرلى تەكسەرۋىن اياقتاتتى؛ مۇنىڭ ىشىندە قىستاق، دۇيدىڭ (الەۋمەتتىك اۋماق) ％20ىنىڭ ءوتىنىشى قارالىپ، جىلجىمايتىن مۇلىك ۇقىعى كۋالىگى تاراتىلماقشى.
سوڭعى جىلدارى شينجياڭ ۇيعۇر اۆتونوميالى رايوندىق جاراتىلىستىق بايلىق مەڭگەرمەسى اۋىل - قىستاقتاردىڭ جىلجىمايتىن مۇلكىن تىزىمگە الۋ قىزمەتىن بەلسەنە ىلگەرىلەتىپ، قىزمەت ۋاقىت كەزەڭىن جانە ناقتى شارالاردى ايقىنداپ، ىلگەرىندى - كەيىندى حابارلاندىرۋ تاراتىپ، قاتىستى تىزىمگە الۋ، كۋالىك تاراتۋ قىزمەتىن جەدەل ىلگەرىلەتۋدى تالاپ ەتىپ، اۋىل - قىستاقتاردىڭ تۇرعىن ءۇي - جەر ءبىر تۇلعالانعان تۇرعىن ۇيلىك جەرى مەن قۇرىلىسقا پايدالانىلاتىن كوللەكتيۆ جەردەن پايدالانۋ ۇقىعىن تىزىمگە الۋ جاعدايىن انىق ءبىلىپ ساناققا الۋدى بەلسەنە ورىستەتتى. وسى مەڭگەرمەنىڭ قاتىستى جاۋاپتىسى مىنالاردى ءبىلدىردى: قارا ءدوڭ قىستاعىنىڭ اۋىل - قىستاقتاردىڭ جىلجىمايتىن مۇلىك ۇقىعى كۋالىگىن ءبىرتۇتاس تاراتۋى شينجياڭداعى قىستاقتار بويىنشا تاراتۋ قىزمەتىن ورىستەتۋدى ىلگەرىلەتۋىنە تاجىريبە توپتادى، اۋىل - قىستاق مۇلىك ۇقىعى ءتۇزىمى رەفورماسىن تەرەڭدەتۋ، شارۋالاردىڭ تۇرعىن ۇيلىك جەردەن پايدالانۋ مۇلىك ۇقىعىن قامتاماسىز ەتۋ، « جەردى كۋالىكپەن پايدالانۋ»، «جەردەن زاڭ بويىنشا پايدالانۋ» سىندى زاڭ تانىمىن ورناتۋ جونىنەن بەلسەندى رول اتقاراتىندىعى داۋسىز.
كەزەكتە شينجياڭ ۇيعۇر اۆتونوميالى رايوندىق جاراتىلىستىق بايلىق مەڭگەرمەسى ارناۋلى ادام جاۋاپتى بولۋ، اۋماقتار بويىنشا كوتەرمەگە الۋ، جۇمىس باسىندا جەتەكشىلىك ەتۋ ءتاسىلىن قولدانىپ، جەر - جەرگە ساياسات جانە تەحنيكا جاعىنان قولداۋ كورسەتۋدى كۇشەيتىپ، اۋىل - قىستاقتاردىڭ جىلجىمايتىن مۇلكىن تىزىمگە الۋ، كۋالىك تاراتۋ قىزمەتىن بار كۇشپەن ىلگەرىلەتۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
