13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە اشىلدى
2020.05.23 15:20 كەلۋ قاينارى : حالىق تورابى
 |
5 - ايدىڭ 22 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ماجىلىسكە قاتىناستى، لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
شي جينپيڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى
لي كىچياڭ ۇكىمەت قىزمەتىنەن بايانداما جاسادى، لي جانشۋ ءماجىلىستى باسقاردى
ازاماتتىق ىستەر زاڭناماسىنىڭ جوباسى جونىندەگى تۇسىنىك، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ جونىندەگى زاڭ - تۇزىمدەر مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلى جوباسى جونىندەگى تۇسىنىك تىڭدالدى
شينحۋا اگەنتتىگى، 5 - ايدىڭ 22 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 22 - كۇنى تۇستەن بۇرىن حالىق سارايىندا اشىلدى. 3 مىڭعا جۋىق مەملەكەتتىك حالىق قۇرىلتايىنىڭ ۋاكىلى حالىقتىڭ ماڭىزدى تاپسىرماسىن ارقالاپ، سالتاناتتى جينالىسقا قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرلىكتەرىن مۇقيات وتەدى.
حالىق سارايىنىڭ 10 مىڭ ادامدىق ۇلكەن زالى ايبىندى دا سالتاناتتى بەينەگە شومدى، ءتوراعالار مىنبەسى شىمىلدىعىنىڭ ءدال ورتاسىنداعى مەملەكەت گەربى نارتتاي قىزىل تۋدىڭ ايشىقتاۋىمەن نۇر - شۇعىلا شاشىپ تۇر.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ى - شياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ياڭ جىن - ۋ ءتوراعالار مىنبەسىندەگى اتقارۋشى ءتوراعالار ورنىنا جايعاستى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناسۋعا ءتيىستى ۋاكىل 2 مىڭ 956 ادام. 5 - ايدىڭ 22 - كۇنى تۇستەن بۇرىنعى ماجىلىسكە 2 مىڭ 897 ۋاكىل قاتىناستى، 59 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9 دا، لي جانشۋ جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايى 3 - ءماجىلىسىنىڭ اشىلعانىن جاريالادى. زالداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
لي جانشۋ ءماجىلىستى باسقارعاندا بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى تۋىلعان تارالۋ جىلدامدىعى ەڭ تەز، جۇعىمداۋ اۋماعى ەڭ كەڭ، ساقتانۋ - تىزگىندەۋ قيىندىعى ەڭ زور ءبىر رەتكى ەلەۋلى توسىن تۋىلعان الەۋمەتتىك دەنساۋلىق ساقتاۋ وقيعاسى. ىندەتكە قارسى اتتانۋدىڭ قاتاڭ كۇرەسى بارىسىندا ءبىر توپ ەمدەۋ قىزمەتكەرلەرى، كادرلار، جۇمىسشى - قىزمەتكەرلەر، الەۋمەتتىك اۋماق قىزمەتكەرلەرى قاتارلىلار ۇكىمەت قىزمەتى جولىندا قۇربان بولىپ، كوپتەگەن ناۋقاس باقىتقا قارسى قازا تاپتى. ءبىز قۇربان بولعان قاھارمانداردى جانە قازا بولعان باۋىرلاستاردى قايعىرا وتىرىپ ەسكە الامىز.
وسىدان كەيىن ماجىلىسكە قاتىناسقاندار جاڭا تيپتى ايدارشا ۆيرۋس وكپە قابىنۋ ىندەتى بارىسىندا قۇربان بولعان قاھارماندارعا جانە قازا بولعان باۋىرلاستارعا ءۇنسىز ازا ءبىلدىردى.
ءماجىلىستىڭ كەڭەستىك ءتارتىبى بويىنشا، مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما 8 بولىكتەن قۇرالعان: 1. 2019 – جىلداعى جانە وسى جىلدىڭ باسىنان بەرگى قىزمەتتەرگە شولۋ؛ 2. بيىلعى دامۋدىڭ باستى نىسانالارى مەن كەلەسى كەزەڭدەگى قىزمەتتەردى جالپى تۇلعالىق جاقتان ورنالاستىرۋ؛ 3. ماكرولىق ساياساتتى اتقارۋ تەبىنىن ارتتىرىپ، كاسىپورىنداردى ورنىقتىرۋعا، كاسىپتەندىرۋدى قامتاماسىزداندىرۋعا كۇش سالۋ؛ 4. رەفورماعا سۇيەنىپ بازار تۇلعاسىنىڭ ومىرشەڭدىك كۇشىن تاسقىنداتىپ، دامۋدىڭ جاڭا قوزعاۋشى كۇشىن ارتتىرۋ؛ 5. ىشكى سۇرانىمدى ۇلعايتۋ ستراتەگياسىن اتقارىپ، ەكونوميكانىڭ دامۋ تاسىلىندە جەدەل بۇرىلىس جاساۋدى ىلگەرىلەتۋ؛ 6. كەدەيلىكتەن ارىلتۋدان قامال الۋ نىساناسىن جۇزەگە اسىرۋعا شىنايى كەپىلدىك ەتىپ، اۋىل شارۋاشىلىعىنان مول ءونىم الۋدى، شارۋالاردىڭ كىرىسىن ارتتىرۋدى جەبەۋ؛ 7. سىرتقا اناعۇرلىم جوعارى دەڭگەيدە قاقپا اشۋدى ىلگەرىلەتىپ، سىرتقى ساۋدا شەتەل قارجىسىنىڭ نەگىزگى جاعدايىن ورنىقتىرۋ؛ 8. حالىق تۇرمىسىن قامتاماسىزداندىرۋ مەن جاقسارتۋدى وزەك ەتىپ، قوعامدىق ىستەردىڭ رەفورماسىن، دامۋىن ىلگەرىلەتۋ. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
 |
5 - ايدىڭ 22 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ ۇكىمەت قىزمەتىنەن بايانداما جاسادى. سۋرەتتى «حالىق گازەتىنىڭ» ءتىلشىسى لەي شىڭ تۇسىرگەن
|
 |
5 - ايدىڭ 22 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا اشىلدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. سۋرەتتى «حالىق گازەتىنىڭ» ءتىلشىسى لەي شىڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
