بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حاۋىپسىزدىك دۋلىعاسىن كيمەسە جازالانا ما؟ قوعام حاۋىپسىزدىگى مينيسترلىگى: بۇل شارا تەك موتوسيكل مىنگەندەرگە عانا قاراتىلعان

2020.05.21 13:49     كەلۋ قاينارى : حالىق تورابى

  حالىق تورابى، 5 – ايدىڭ 20 – كۇنى، بەيجيڭ (ۋاڭ زى) قوعام حاۋىپسىزدىگى مينيسترلىگى قاتىناستى باسقارۋ مەكەمەسىنىڭ 5 – ايدىڭ 20 – كۇنى حابارلاۋىنشا، موتوسيكل مەن ەلەكترلى ۆەلوسيپەت مىنگە جولاۋشىلاردىڭ، اۆتوموبيل جۇرگىزۋشىلەردىڭ ءومىرىنىڭ حاۋىپسىزدىگىن ءونىمدى قورعاپ، قاتىناس شىرعالاڭىنداعى ءولىم – ءجىتىمدى ازايتۋ ءۇشىن، قوعام حاۋىپسىزدىگى مينيسترلىگى قاتىناس باسقارۋ مەكەمەسى بۇكىل مەملەكەت بويىنشا «ءبىر دۋلىعا، ءبىر بەلدىك» حاۋىپسىزدىكتى قورعاۋ ارەكەتىن ورىستەتۋ جونىندە ورنالاستىرۋ جاساعان. ارەكەت باستالعاننان بەرى، جەر – جەردەگى قوعام حاۋىپسىزدىگى قاتىناستى باسقارۋ تاراۋلارى ۇگىتتەۋ مەن جەتەكشىلىك ەتۋدى الدىمەن اتقارۋعا، كاسىپ سالاسىندىق ۇلگى كورسەتۋ ارقىلى جەتەكشىلىك ەتۋگە، جۇرتشىلىقتى كەڭ كولەمدى اتتانىسقا كەلتىرۋگە تاباندى بولدى، جۇرتشىلىقتىڭ حاۋىپسىزدىك دۋلىعاسىن كيۋ، حاۋىپسىزدىك بەلدىگىنەن پايدالانۋ تانىمى كورنەكتى كۇشەيدى.

  ەلەكترلى ۆەلوسيپەت جۇرگىزۋشىلەرگە ارنالعان حاۋىپسىزدىك دۋلىعاسىنا بولعان قاجەتسىنۋدىڭ شوعىرلى تۇردە جارىققا شىعۋىنا بايلانىستى، ءىشىنارا كاسىپورىندار مەن تەكشەلەر حاۋىپسىزدىك دۋلىعاسىنىڭ باعاسىن كۇرت قىمباتتاعان. قوعام حاۋىپسىزدىگى مينيسترلىگى بۇل ىسكە بارىنشا ءمان بەرىپ، مەملەكەتتىك بازاردى باقىلاۋ – باسقارۋ باس مەكەمەسىمەن ىرىقتىلىقپەن حابارلاسقان ءارى جەر – جەردەگى قوعام حاۋىپسىزدىگى ورگاندارىنا جەتەكشىلىك ەتىپ، بازاردى باقىلاۋ – باسقارۋ تاراۋلارىنىڭ باعا جاعىنداعى زاڭعا قايشى ارەكەتتەرگە زاڭ بويىنشا قاتاڭ سوققى بەرىپ، حاۋىپسىزدىك دۋلىعاسىنىڭ باعاسىن كۇرت قىمباتتاتۋ سىندى زاڭعا قايشى تىزبەكتى ۇزۋىنە سايكەسكەن.

  قوعام حاۋىپسىزدىگى مينيسترلىگى مىنانى تالاپ ەتكەن: جەر – جەر «ءبىر دۋلىعا، ءبىر بەلدىك» حاۋىپسىزدىكتى قورعاۋ ارەكەتىن ورنىقتىلىقپەن ىلگەرىلەتۋى كەرەك. 6 – ايدىڭ 1 – كۇنىنەن باستاپ، زاڭ اتقارۋ جاعىنداعى جازالاۋ كولەمى موتوسيكل جۇرگىزگەندە حاۋىپسىزدىك دۋلىعاسىن تاقپاۋ، اۆتوموبيل جۇرگىزگەندە حاۋىپسىزدىك بەلدىگىن تاقپاۋ سىندى قاتىناس جاعىنداعى زاڭعا قايشى ارەكەتتەرمەن شەكتەلەدى. ەلەكترلى ۆەلوسيپەت جۇرگىزگەندە حاۋىپسىزدىك دۋلىعاسىن تاقپاۋ ارەكەتىنە باعىتتاي وتىرىپ، ۇگىت جۇرگىزۋ مەن جەتەكشىلىك ەتۋ قىزمەتى جالعاستىرىلىپ، بەلسەندىلىكپەن شارت – جاعداي جاسالىپ، جۇرتشىلىقتىڭ حاۋىپسىزدىك دۋلىعاسىن دايىنداۋىنا كومەك كورسەتىلىپ، حاۋىپسىزدىك دۋلىعاسى بار جۇرتشىلىقتىڭ سانالىلىقپەن حاۋىپسىزدىك دۋلىعاسىن تاعۋىنا ەسكەرتۋ جاسالادى، جەر – جەر اتقارۋ ۋاقىتى مەن زاڭ بويىنشا تەكسەرۋ جۇرگىزۋ ۋاقىتىن سول ارانىڭ ءىس جۇزىندىك جاعدايىمەن ۇشتاستىرا وتىرىپ بەكىتسە بولادى ءارى ادامدى نەگىز ەتكەن، بايسالدى، يكەمدى زاڭ اتقارۋ ءتاسىلىن قولدانۋى، زاڭدىق ونىمدىلىگىنىڭ، ساياسي ونىمدىلىگىنىڭ جانە قوعامدىق ونىمىلىگىنىڭ ۇشتاستىرىلۋىنا كوڭىل ءبولۋى كەرەك.

  قوعام حاۋىپسىزدىگى مينيسترلىگى قالىڭ جۇرگىزۋشىلەرگە، كولىككە وتىرۋشىلارعا مىنانى ەسكەرتەدى: حاۋىپسىزدىك دۋلىعاسى مەن حاۋىپسىزدىك بەلدىگى شەشۋشى ساتتە ءسىزدى ومىرىڭىزگە تونگەن حاۋىپتەن ساقتايدى، ءوزىڭىز بەن وتباسىڭىزداعىلاردىڭ اماندىعى ءۇشىن، حاۋىپسىزدىك دۋلىعاسىن كيىپ، حاۋىپسىزدىك بەلدىگىن تاعىپ ءجۇرۋدى سانالىلىقپەن ورىنداۋدى ۇمىتپاڭىز.

  سونىمەن بىرگە، قوعام حاۋىپسىزدىگى مينيسترلىگى حاۋىپسىزدىك دۋلىعاسىن وندىرەتىن، ساتاتىن كاسىپورىندارعا مىنانى ەسكەرتەدى: تيجارات بارىسىندا زاڭعا بويسۇنىپ، سەنىمدىلىكتى باستى ورىنعا قويۋ كەرەك، جۇرتشىلىقتىڭ مۇددەسىن زيانعا ۇشىراتاتىن ءىستى، بازاردىڭ ءتارتىبىن بۇلدىرەتىن ءىستى، زاڭعا قايشى قىلمىستىق ءىستى ىستەمەۋ كەرەك. زاڭعا قايشى قىلمىستىق ءىس كۇمانىنا شاتىلعان كاسىپورىندار مەن جەكەلەرگە قوعام حاۋىپسىزدىگى مينيسترلىگى زاڭ بويىنشا قاتاڭ سوققى بەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار