بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

ءار ەل باسشىلارى دۇنيە جۇزىلىك دەنساۋلىق ساقتاۋ جينالىسىندا حالىقارالىق سەلبەستىكتى كۇشەيتىپ، ىندەتكە بىرگە قارسى اتتانۋعا ۇندەدى

2020.05.20 14:49     كەلۋ قاينارى : حالىق تورابى

  شينحۋا اگەنتتىگى، 5 - ايدىڭ 18 - كۇنى، جەنەۆا (تىلشىلەر فۋ ي – ميڭ، چىن جۇنشيا). 73 - كەزەكتى دۇنيە جۇزىلىك دەنساۋلىق ساقتاۋ جينالىسى 5 - ايدىڭ 18 - كۇنى بەينەەكران ءماجىلىسى فورماسىندا اشىلدى. ءار ەل باسشىلارى سوزىندە حالىقارالىق سەلبەستىكتى كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانۋعا ۇندەدى ءارى ۆاكسينا مەن ەمدەۋ ادىسىنەن دۇنيە ءجۇزىنىڭ ورتاق يگىلىكتەنۋىن دارىپتەدى.

  ب م ۇ - نىڭ باس حاتشىسى گۋتەررەس سوزىندە بىلاي دەدى: « جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جاعىندا ءبىز كەيبىر ىنتىماقتىلىقتى بايقادىق، ءبىراق بىردەيلىكتى كورە المادىق. تۇرلىشە مەملەكەتتەر تۇرلىشە، كەيدە ءبىر - بىرىنە قايشى توتەپ بەرۋ تاكتيكاسىن قولداندى، ءبىز وسى ءۇشىن اۋىر بوداۋ بەردىك».

  فرانسيانىڭ پرەزيدەنتى ماكرون بىلاي دەدى: بارلىق ادامعا ىقپال جاساعان، تاريحتا بولىپ كورمەگەن دۇنيە جۇزىلىك داعدارىس الدىندا قازىر بەرەكە - بىرلىكتە، سەرگەك ويدا بولۋ ءارى ءونىمدى ارەكەت جاساۋ كەرەك. « جاڭا تيپتى ايدارشا ۆيرۋس وكپە قابىنۋ ىندەتى ءبىزدىڭ قوعامىمىزدى استاڭ – كەستەڭ ەتتى. وسى كەزدە بولشەكتەنۋىمىزگە بولمايدى! ءبىز جوعارى ءونىمدى ارەكەت جاسايتىن كوللەكتيۆ جاۋاپكەرلىكتى ارقالاۋىمىز كەرەك».

  ماكرون بىلاي دەدى: فرانسيا دۇنيە جۇزىلىك دەنساۋلىق ساقتاۋ ۇيىمىن قولداۋدى بارىنشا ارتتىرىپ، مەديتسينالىق زەرتتەۋدى جەدەلدەتەدى ءارى ءاربىر ادامنىڭ ىندەتكە قارسى اتتانۋ قۇرالىنا يە بولۋىنا كەپىلدىك ەتەدى.

  گەرمانيانىڭ پرەمەر مينيسترى مەركەل بىلاي دەدى: «ءبىز بۇكىل دۇنيە جۇزىلىك داعدارىستى باستان كەشىرىپ وتىرمىز، نەشە ميلليونداعان ادام جۇعىمدالىپ، قوعام مەن ەكونوميكا اۋىر ىقپالعا ۇشىرادى. كەڭ تارالۋدان امان قالعان بىردە - ءبىر مەملەكەت جوق. ءارقانداي ەل بۇل ماسەلەنى جەكە - دارا شەشە المايدى، ءبىز، ءسوز جوق، بىرگە قۇلشىنۋىمىز كەرەك».

  كورەيانىڭ پرەزيدەنتى مۋن جە - ين بىلاي دەدى: ينفورماتسيادان ورتاق يگىلىكتەنۋ جانە سەلبەستىك جاساۋ ۆيرۋس ماڭگى قول جەتكىزە المايتىن كۇش ادامزاتتا عانا بولاتىن كۇش ەكەنىن كورسەتتى. « جاڭا تيپتى ايدارشا ۆيرۋس وكپە قابىنۋ ىندەتى ءبىزدىڭ ەركىندىگىمىزگە حاۋىپ ءتوندىرىپ وتىر، ءبىراق ەركىن ىنتىماقتاسۋ جانە سەلبەستىك جاساۋ ءبىزدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋداعى ەڭ كۇشتى قارۋىمىز ەكەنى دالەلدەندى».

  ۇلى بريتانيانىڭ ۋاكىلى سوزىندە مىنانى ءبىلدىردى: دۇنيە ءجۇزى زەيىن – زەردەنى شوعىرلاندىرا وتىرىپ ۆيرۋسقا توتەپ بەرۋى كەرەك. «تۇپتەپ كەلگەندە، ءبىز وسى كۇرەستە ءبىر مايداندا تۇرمىز، ال جەڭىسكە جەتۋ بارلىعىمىزدىڭ مۇددەمىزگە ۇيلەسەدى».

  رەسەي ۋاكىل سوزىندە بىلاي دەدى: رەسەي دۇنيە جۇزىلىك دەنساۋلىق ساقتاۋ ۇيىمىنىڭ دۇنيە ءجۇزى بويىنشا الەۋمەتتىك دەنساۋلىق ساقتاۋ حالىقارالىق سايكەستىرۋ ورتالىعى رەتىندەگى رولىن كۇشەيتۋىن قولدايدى، سونداي - اق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ ءۇشىن ورىستەتىلگەن كوپ جاقتى سايكەستىرۋ قىزمەتىن دە قولدايدى. رەسەي دۇنيە جۇزىلىك دەنساۋلىق ساقتاۋ ۇيىمىنا قارجى جانە باسقا جاقتاردان قولداۋ كورسەتىپ، ونىڭ رولىن ساۋلەلەندىرۋىنە كومەكتەستى. ول مىنالاردى دارىپتەدى: بىرگە قۇلشىنعاندا عانا دۇنيە ءجۇزى جاڭا تيپتى ايدارشا ۆيرۋس وكپە قابىنۋ ىندەتىنىڭ كەڭ تارالۋىن جەڭە الادى.

  باربادوستىڭ پرەمەر مينيسترى، كارايب ورتاق تۇلعاسىنىڭ ءتوراعاسى موتري مىنانى ءبىلدىردى: «ءبىز دۇنيە جۇزىلىك سەلبەستىك پەن سايكەستىكتى نەگىز ەتكەن دۇنيە جۇزىلىك باسشىلىق قۋاتىن قاجەت ەتەمىز ءارى بارلىق قوعامدى وعان قاتىناسترامىز».

  وڭتۇستىك افريكانىڭ پرەزيدەنتى، افريكا وداعىنىڭ كەزەكتى ءتوراعاسى راماپوسا دۇنيە جۇزىلىك دەنساۋلىق ساقتاۋ ۇيىمىنىڭ دۇنيە جۇزىندەگى جاڭا تيپتى ايدارشا ۆيرۋس وكپە قابىنۋ ىندەتىنىڭ كەڭ تارالۋىنا قارسى اتتانۋداعى شەشۋشى رولىن دارىپتەدى، افريكانىڭ دۇنيە جۇزىلىك دەنساۋلىق ساقتاۋ ۇيىمىن بار كۇشپەن قولدايتىنىن قايتالاي دارىپتەدى. ول مىنانى ءبىلدىردى: افريكا وداعى ىشكى سەلبەستىك پەن زەرتتەۋدى تەرەڭدەتىپ، ەمدەۋ جابدىعىنىڭ ءادىل ىستەتىلۋىنە كەپىلدىك ەتەدى. «ءبىز تولىق ىنتىماقتاسىپ، نەشە ميلليارد ادامنىڭ مۇددەسى جولىندا ىنتىماقتاسىپ ارەكەتتەنۋىمىز كەرەك».

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار