قازاقستان ەكونوميكانى قالپىنا كەلتىرۋ جوسپارىن باستادى
2020.05.15 15:36 كەلۋ قاينارى : حالىق تورابى
حالىق تورابى، 5 – ايدىڭ 15 – كۇنى، بەيجيڭ. قازاقستان پرەزيدەنتى توقايەۆ جۋىردا مىنانى جاريالادى: 3 – ايدىڭ 16 – كۇنى باستالعان مەملەكەتتىك شۇعىل جاعداي كۇيى 5 – ايدىڭ 11 – كۇنى رەسمي اياقتالدى، مەملەكەتتىك شۇعىل جاعداي كوميتەتى ەكونوميكانى قالپىنا كەلتىرۋدى ىلگەرىلەتەتىن مەملەكەتتىك كوميتەت بولىپ دەرەۋ وزگەرتىلەدى.
توقايەۆ مىنانى باسا دارىپتەدى: قازاقستان ەكونوميكاسى اۋىر سىن ـ سايىستارعا ءدوپ كەلىپ وتىر، قازىرگى كەزەڭدە ەكونوميكانىڭ قالپىنا كەلۋىن جەدەلدەتۋگە ءمان بەرۋ كەرەك .ول ءۇشىن مىنانداي جەتى جاقتاعى ماسەلەنى ءتۇيىندى تۇردە شەشۋ: مەملەكەت ەكونوميكاسىنىڭ ءوزىن - ءوزى قامداۋ قابىلەتىن جوعارىلاتۋ؛ « كاسىپتەنۋ جول كارتاسىن» تياناقتاندىرۋ؛ تۇرعىن ءۇي قۇرىلىسى كولەمىن كەڭەيتىپ، ەكونوميكانىڭ ارتۋىن جەبەۋ؛ جەكەلەر تابىس باجىسىن الۋ ءتۇزىمىن رەتكە سالۋ؛ ءوز ەلىمىزدەگى ونەركاسىپ – ساۋدا سالالارىنا سەنىمدى قارىز بەرۋدى كۇشەيتۋ؛ قارجى قوسۋ ورتاسىن جاقسارتىپ، شەتەل قارجى قوسۋشىلارىنىڭ سەنىمىن كۇشەيتۋ؛ شۇعىل جاعدايدىڭ ىرىق بەرمەيتىن فاكتورعا جاتاتىندىعىن زاڭ جاعىنان تۇراقتاندىرىپ، ءارقايسى سالالاردىڭ قايشىلىق، داۋ - شارلارىن ءبىر جاقتىلى ەتۋىنە نەگىز ازىرلەپ ، كاسىپورىندى ەڭ جوعارى شەكتە قورعاپ، كاسىپورىننىڭ جاپپاي كۇيرەۋىنەن ساقتانۋ.
قازاقستان ۇكىمەتىنىڭ ساناعىنا قاراعاندا، بيىل الدىڭعى ءتورت ايدا، قازاقستان ەكونوميكاسىنىڭ ارتۋ قارقىنى وتكەن جىلدىڭ ۇقساس مەزگىلىندەگىدەن %0.2 تومەندەگەن، 4 - ايداعى ساۋدا جانە كىرىس ۇقساس مەزگىلدەگىدەن %30 تومەندەگەن، قىزمەت وتەۋ كاسىبى وتكەن ەكى ايدا توقىراپ، ەڭ اۋىر زيانعا ۇشىراعان.
قازاقستان ۇكىمەتى مىنانى باسا دارىپتەدى: قىزمەت وتەۋ كاسىبى ساۋداسىن قالپىنا كەلتىرۋدى تەزدەتۋ كەرەك، باجىنى كەمەيتۋ، ءوسىمىن تومەندەتۋ سياقتى ءتيىمدى ساياساتتاردى اقىلداسىپ شىعارىپ، قىزمەت وتەۋ كاسىبىنىڭ قيىن - قىستاۋدان ءوتىپ كەتۋىنە كومەكتەسۋ كەرەك. ەنەرگياعا جاتپايتىن سالالارداعى كاسىپتەردىڭ دامۋىن تەزدەتىپ، ەكونوميكانىڭ تيپىن وزگەرتۋىن ىسكە اسىرۋ دا وسى كەزەكتى ەكونوميكانى قالپىنا كەلتىرۋ جوسپارىنىڭ ماڭىزدى نىساناسى. پرەمەر مينيسترى كەڭسەسى حالىق شارۋاشىلىعى مينيسترلىگىمەن بىرگە مەملەكەتتىڭ ەكونوميكاسىن قالپىنا كەلتىرۋدىڭ جالپى تۇلعالىق جوباسىن تەز ارادا جاسايدى.
قازاقستان ۇكىمەتى 2017 - جىلى ماقۇلداعان «2018 - جىلدان 2022 - جىلعا دەيىنگى مەملەكەتتىڭ قارجى قوسۋ دامۋ ستراتەگياسىندا» نازاردى ەنەرگيا سالاسىنا جاتپايتىن كاسىپتەردىڭ دامۋىنا شوعىرلاندىردى. حالىق شارۋاشىلىعىنىڭ ەنەرگيا ەكسپورتىنا اۋىر دارەجەدە يەك سۇيەۋدەن قۇتىلۋدى ەكونوميكالىق رەفورمانىڭ ماڭىزدى نىساناسى ەتتى. تالداۋ جاساۋ ارقىلى بىلاي دەپ قارالادى: شۇعىل شەشۋگە ءتيىستى جەتى ماسەلە ەكونوميكانىڭ ءوزىن - ءوزى قامداۋ قۋاتىن جوعارىلاتۋدى ماڭداي الدى ورىنعا قويىپ، ەكونوميكالىق قۇرىلىم رەفورماسىن ايگىلەپ، ەنەرگيا سالاسىنا جاتپايتىن كاسىپتىڭ دامۋىن جەبەۋ بەكىمىن دەمەدى. قازاقستان ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ساياسات تانۋ كافەدراسىنىڭ پروفەسسورى بىلاي دەدى: جالپى العاندا، جوعارىداعى ماسەلەلەردى ويداعىداي شەشۋ قازاقستان ەكونوميكاسىنىڭ بۇرىلىس جاساۋىن تۇبىرىنەن ىلگەرىلەتىپ، مەملەكەتتىڭ وسىزاماندانۋىن جۇزەگە اسىرۋعا پايدالى .
5 – ايدىڭ 13 – كۇنىنە دەيىن، قازاقستاندا جيىنى 5417 ادام جاڭا تيپتى ايدارشا ۆيرۋس وكپە قابىنۋ ىندەتىنە شالدىققان، جيىنى 2223 ادام ەمدەلىپ شىققان. توقايەۆ بىلاي دەپ باسا دارىپتەدى: ىندەتتەن ساقتانۋ جانە ونى تىزگىندەۋ ءالى دە ەڭ سوڭعى جەڭىسكە جەتە قويعان جوق، ساقتانۋ ـ تىزگىندەۋ قىسىمىن ۇزدىكسىز ساقتاۋ قاجەت. «قازىرگى وڭاشالاۋ شارالارى دەرەۋ كۇشىنەن قالدىرىلمايدى، جەر ـ جەردىڭ ءىس جۇزىندىك جاعدايىنا قاراي بىرتىندەپ كۇشىنەن قالدىرىلادى.»
(حالىق گازەتىنىڭ 5 – ايدىڭ 14 – كۇنى نۇر – سۇلتان قالاسىنان بەرگەن حابارى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
