مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى: جەكەلىك ينفورماتسيالاردى قورعاۋ زاڭى قازىر زەرتتەلۋدە جانە ونىڭ جوباسى جاسالۋدا
2020.05.15 15:52 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 14 – كۇنى، بەيجيڭ (ءتىلشى: باي ياڭ) ءتىلشىنىڭ 5 – ايدىڭ 14 – كۇنى مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتىنەن ۇعىسۋىنشا، جەكەلىك ينفورماتسيالاردى قورعاۋ زاڭى قازىر زەرتتەلۋدە جانە ونىڭ جوباسى جاسالۋدا، قازىر جوبا نۇسقاسى قالىپتاسىپ بولدى.
مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ قاتىستى جاۋاپتىلارىنىڭ ايتۋىنشا، جۋىرداعى جىلداردان بەرى، مەملەكەتتىك حالىق قۇرىلتايى مەن ونىڭ تۇراقتى كوميتەتى ينتەرنەت حاۋىپسىزدىگى زاڭى، ازاماتتىق زاڭىنىڭ جالپى ەرەجەسى، قىلمىستىق ىستەر زاڭى، ەلەكتروندى ساۋدا ىستەرى زاڭى قاتارلى زاڭدارعا وزگەرىس ەنگىزۋ بارىسىندا، جەكەلەردىڭ ينفورماتسيا ۇقىعى، جەكەلىك ينفورماتسيانى ءبىرجاقتى ەتۋ ءتارتىبى، جەكەلىك ينفورماتسيا حاۋىپسىزدىگىن قورعاۋ شارالارى قاتارلى جاقتاردا بەلگىلەمەلەر شىعارىپ، جەكەلەردىڭ ينفورماتسياسىن قورعاۋعا قاتىستى زاڭ – تۇزىمدەردى ۇزدىكسىز كەمەلدەندىردى.
اتالعان جاۋاپتى ادامنىڭ ايتۋىنشا، ىرىدەرەك، جاساندى زەردە قاتارلى جاڭا تەحنيكالاردىڭ دامۋىنا ساي، جەكەلىك ينفورماتسيالاردى ىزدەۋ جانە ودان پايدالانۋ قاجەتى اناعۇرلىم كەڭەيىپ، جەكەلىك ينفورماتسيالاردى قورعاۋدى كۇشەيتۋ مىندەتى اناعۇرلىم اۋىرلاستى. مەملەكەتتىك حالىق قۇرىلتايى تۇراقتى كوميتەتىنىڭ زاڭ جاساۋ بەلگىلەمەسى مەن زاڭ جاساۋ قىزمەت جوسپارىنداعى ورنالاستىرۋلارىنا ساي، 2018 – جىلدان باستاپ، مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى ورتالىق ينتەرنەت ينفورماتسياسى كەڭسەسىمەن بىرگە، ينتەرنەت حاۋىپسىزدىگى زاڭى قاتارلى زاڭداردىڭ اتقارىلۋى بارىسىنداعى تاجىريبەلەردى مۇقيات قورىتىندىلاپ، جەكەلىك ينفورماتسيالاردان پايدالانۋ مەن ونى قورعاۋ بارىسىندا بايقالعان كورنەكتى ماسەلەلەرگە ىشكەرىلەي زەرتتەۋ جۇرگىزىپ، قاتىستى مەملەكەتتەر مەن رايونداردىڭ زاڭ – تۇزىمدەرىنەن ۇلگى الۋ نەگىزىندە، جەكەلىك ينفورماتسيالاردى قورعاۋ زاڭىن زەرتتەۋ جانە زاڭ جوباسىن جاساۋ قىزمەتىن ورىستەتۋدى مىقتى ۇستادى.
ءتىلشىنىڭ ۇعىسۋىنشا، قازىر جەكەلىك ينفورماتسيالاردى قورعاۋ زاڭىنىڭ جوباسى قالىپتاسىپ بولعان، ءتۇرلى جاقتاردىڭ پىكىرلەرىنە نەگىزدەلە وتىرىپ، ىشكەرىلەي كەمەلدەندىرىلگەن سوڭ، مەملەكەتتىك حالىق قۇرىلتايى تۇراقتى كوميتەتىنىڭ زاڭ جاساۋ قىزمەتى جونىندەگى ورنالاستىرۋىنا ساي، مەملەكەتتىك حالىق قۇرىلتايى تۇراقتى كوميتەتى ءماجىلىسىنىڭ قاراۋىنا ەرتەرەك ۇسىنۋعا كۇش سالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
