تۇنىق سۋ، جاسىل تاۋ − باعالى بايلىق ۇستانىمىن بەرىك ورناتايىق
− باس شۋجي شي جينپيڭنىڭ سانشيدە قىزمەت تەكسەرگەندە سويلەگەن ماڭىزدى ءسوزى كۇشتى اڭىس قوزعادى
«حالىق گازەتىنىڭ» ءتىلشىسى
2020.05.13 15:23 كەلۋ قاينارى : حالىق تورابى
«تۇنىق سۋ، جاسىل تاۋ − باعالى بايلىق دەيتىن ۇستانىمدى بەرىك ورناتىپ، ‹يوۋيۇي رۋحىن› ساۋلەلەندىرىپ، تاۋ، سۋ، ورمان، اتىز، كول، جايىلىم جۇيەسىن جونگە سالۋدى ءبىر تۇتاس جوسپارلاپ ىلگەرىلەتىپ، ‹ەكى تاۋ، جەتى وزەن، ءبىر الاپ› ەكولوگياسىن قالپىنا كەلتىرۋدى، جونگە سالۋدى مىقتاپ يگەرىپ، حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ ستراتەگياسىن تىڭعىلىقتى اتقارىپ، تۇزىمدە جاڭالىق جاراتۋدى جەدەلدەتىپ، ءتۇزىمنىڭ اتقارىلۋىن كۇشەيتىپ، جاسىل ءوندىرىس، تۇرمىس ءتاسىلىن قالىپتاستىرۋعا جەتەكتەپ، لاستانۋدان ساقتانۋ - جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ، سانشي ولكەسىنىڭ حۋاڭحى وزەنى بويىنداعى وڭىرلەرىن قورعاۋ بارىسىندا اشۋدى، اشۋ بارىسىندا قورعاۋدى ىلگەرىلەتۋ كەرەك». باس شۋجي شي جينپيڭنىڭ سانشيدە قىزمەت تەكسەرگەندە سويلەگەن ماڭىزدى ءسوزى قوعامداعى ءار سالانىڭ قىزۋ اڭىسىن قوزعادى. كوپشىلىك مىنالاردى ءبىلدىردى: شي جينپيڭ ەكولوگيالىق وركەنيەت يدەياسىن دايەكتىلەندىرۋدە، تياناقتاندىرۋدا تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيانى الدىمەن ەسكەرۋدە، جاسىل دامۋدا باستان - اياق تاباندى بولىپ، تيپتە بۇرىلىس جاساپ ساپالى دامۋ جاعىندا اناعۇرلىم زور قادام تاستاپ، جاڭا داۋىردەگى جۇڭگوشا سوتسياليزمنىڭ تىڭ داستانىن جازامىز.
ەكولوگيانى الدىمەن ەسكەرۋدە، جاسىل دامۋدا باستان - اياق تاباندى بولۋ كەرەك
2005- جىلى 8 - ايدىڭ 15 - كۇنى سول كەزدە جىجياڭ ولكەلىك پارتكومنىڭ شۋجيى بولىپ مىندەت اتقاراتىن شي جينپيڭ جىجياڭ ولكەسى حۋجوۋ قالاسى انجي اۋدانى يۇيسۇن قىستاعىندا قىزمەت تەكسەرگەندە «تۇنىق سۋ، جاسىل تاۋ − باعالى بايلىق» ۇستانىمىن تۇڭعىش رەت العا قويدى. ەكولوگيانى الدىمەن ەسكەرۋ، جاسىل دامۋ ورتاق تانىمعا، حۋجوۋ قالاسىنداعى كادرلار مەن بۇقارانىڭ سانالى ارەكەتىنە اينالدى. حۋجوۋ قالالىق دامۋ جانە رەفورما كوميتەتىنىڭ مەڭگەرۋشىسى مەي زىحۋا مىنانى ءبىلدىردى: حۋجوۋ ەكولوگيالىق ورتانى قورعاۋدىڭ «قىزىل سىزىعىن» بەرىك ساقتاپ، كاسىپ سالاسىندا بۇرىلىس جاساۋدىڭ «نەگىزگى جەلىسىن» ساباقتاستىرىپ، جاڭالىق جاراتۋدىڭ، وزگەرىس ەنگىزۋدىڭ «نەگىزگى جەلىسىن» كۇشەيتىپ، بايلىقتان پايدالانۋدىڭ «جوعارعى شەگىن» جوعارىلاتىپ، قورشاعان ورتاعا قاتىستى زاڭ اتقارۋدىڭ «مىقتى جەلىسىن» بەكەمدەپ، ەكولوگياسى كوركەم، شارۋاشىلىعى جاسىل، بۇقاراسى باي بولۋ سىندى ساپالى دامۋ جولىن اشتى.
سانشي ولكەسى داتۇڭ قالاسى يۇنجوۋ رايوندىق پارتكومنىڭ شۋجيى ۋاڭ فىڭرۇي بىلاي دەدى: «تاۋ، سۋ، ورمان، اتىز، كول، جايىلىم − تاعدىرلاس ورتاق تۇلعا، يۇنجوۋ رايونىنىڭ تاۋ، سۋ، ورمان، اتىز، كول، جايىلىم جۇيەسىن جونگە سالۋدان ۇلگى كورسەتۋ رايونىن قۇرۋى شي جينپيڭ ەكولوگيالىق وركەنيەت يدەياسىن دايەكتىلەندىرۋدىڭ، تياناقتاندىرۋدىڭ ناقتى امالياتى ءارى ساپالى دامۋدى ىلگەرىلەتۋدىڭ وبيەكتيۆ تالابى بولىپ تابىلادى.
شاندۇڭ ولكەسى انچيۋ قالاسى ليڭحى قالاشىعى پارتكومىنىڭ شۋجيى ماۋ يۇڭدۇڭ بىلاي دەدى: «ءبىز اۋىل - قىستاقتىڭ ەكولوگيالىق ورتاسىن قورعاۋعا، جاسىل شارۋاشىلىقتى دامىتۋعا اناعۇرلىم ءمان بەرىپ، جاسىل ءوندىرىس، تۇرمىس ءتاسىلىن قالىپتاستىرۋعا قۇلشىنا جەتەكشىلىك ەتىپ، شارۋالاردىڭ اناعۇرلىم بايۋىنا، اۋىل - قىستاقتىڭ اناعۇرلىم كوركەم بولۋىنا، اۋىل شارۋاشىلىعىنىڭ اناعۇرلىم جاسىل بولۋىنا مۇمكىندىك جاراتامىز».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
